دكتوره لو شيخه؟! ( مكتمله)

مالها الدموع لاتفارق وجنتاي 💔

احجي وينه
اني احجي وصوتي رايح من العياط وراسي احسه راح ينفجر وعيوني مورمه وما اكدر افتحهم واحس شي حار كام يطيح على خدودي

علي
عمي الحمد لله بعده عايش بس حالته خطره
علي ؟؟واني ابجي ولك احجيلي وينه ابويه شهكه ، اني،شهكه اريده ما كدرت احجي لان صوت شهكاتي كامت تتعالى واعيط
علي :
لاتبجين والله والله العظيم بعده عايش
وينه لعد اريد اشوفه وابجي واني ادفع بعلي
تعاي وياي
كمت بس رجليه ميحملني وعيوني مغوشات من البجي ما اشوف زين بالكوه كمت واحس الهوى الي بالكون ميكفيني احس روحي مخنوكه وماكو اوكسجين خاله ايدي ع راسي احسه راح ينفجر

علي لازمني من ايدي وايده الثانيه على خصري ويمشي وياي واني خاله راسي على كتفه واهذي بأبويه

علي

اني كلبي حيل وجعني من شفت زهراء بهاي الحاله وحسيته ولأول مره مكسوره وحزينه ويأسه من الحياه
حسيته ماتت روحها وبقى بس جسده واني سانده احس بيه ترجف ودمعه يطيح على كتفي
اني هم بجيت وياه بس مابينت كدامه بجيت بدون صوت بس دموعي ينزلن
هذا عمي الي رباني وما حسسني بأني يتيم وفاقد ابويه الشيخ مختار الله يرحمه عمي صح اخوه الصغير بس جان هو بمكانه لأبويه وهاي زهرتي اشوفه دتذبل كدام عيوني
وينه ...
وصلنه هذيج الغرفه
كامت تركض وخرت من عندي وراحت لشباك الغرفه
شفت ابويه وهو نايم على بطنه لان الطلقه بظهره وابويه جثه هامده ووجه اصفر جنه واحد ميت خليت ايدي على الجامه وكمت ابجي واون وعلي واكف ورايه يربت على راسي وهو هم كام يبجي
والله واقسم بربي وهاي كدامج اذا ما طلعت ثار عمي والي نزل دموعج وحرك كلبي
اني مسحت دموعي وباوعت عليه اتذكرت الي سوو هيج بينه ورعبونه وهجموا علينه
اسمع علي الي سوه هيج بينه اني انتقم منه بأيدي واحرك كلبه مثل ما حرك كلبي على ابويه وعذبني منو سوه هيج منو اله مصلحه...
بعدين تذكرت عدنه كامرات بالبيت
علي ابويه بأمانتك اني رايحه ابقه يمه هنا وابد لتعوفه لان الي صوبه ميعوفه عايش
علي : لعد وين انتي رايحه
انت معليك ودير بالك ع امي
اني درت وجهي اريد اروح بس علي كمش ايدي ورجعني
باوعت عليه وهو عيونه حمر عاط بيه انتي شبييج انتي مستوعبه احنه تعرضنه لهجوم مسلح
انتي اذا طلعين عليجججججج خطر

هيييييي وخر ايدك ودفعت ايده حيل اتقربت منه وفتحت عيونه بكل قوه حسيت عيوني راح تطلع من مكانهم ورفعت اصبعي بوجه
وهمستله
اسمع ابويه بعده يشم الهوه انت مالك حجايه وياي ومتحكمني افتهمت ومنو انت وتمد ايدك عليه هاااااا عطت بي اجت خالتي ازهار وجرت علي وكامت تحجي عليه بس هو ما سكت وراد يلحكني بس ما خلته
يمه انت شبيك البنيه ابوه بين الحياه والموت نوب انت عليه عوفه
يمه متشوفين تصرفاته ووكاحته احنه بيا حال وهي ..اسكت كافي بس مالك دخل بالبنيه علي تأدب انت متستحي
يمه شبيج اني شمسوي
انت مشفت روحك من انت جريته من ايده والناس والعالم كله كامت تباوع عليكم
يمه لتخليني اسب العالم والناس هسه
احجي وشفت اختي حنين من بعيد يم ام زهراء
حنين!! وينج حنييين!!!
ها علي
اشرتله بمعنى تعاي
اجت تمشي بأتجاهي
ها شكو ؟
شبيكم احجي
اسمعي هاي زهراء راحت مدري وين وطلعت حافيه وهو يحجي نزع البوتين الي لابسه
روحي الحكيه وضلي وياه ابد لتعوفيه هاج
اني اباوع عليه ومستغربه هذا اخويه علي لو اني متوهمه معقوله هذا نفسيته الي ساحل البنات وممعبر وحده وشخصيته الي يحلمون بيه الرجال   زهراء بت عمي هيج سوي بي !!!!شنو شجاه هيج الحب يخلي الواحد ضعيف