دكتوره لو شيخه؟! ( مكتمله)

دكتوره لو شيخه؟!

البارت الاول

للكاتبه جُمان 💓 ،

..القصه دكتوره لو شيخه؟!  

كعدت بطلتنه ع صوت هوسه وصياح طلعت تركض شافت ابوه الشيخ عبد رحمان وامه نوره واكفين وامه تبجي
زهراء: هاماما شكو شصاير !؟
امه:ولج يمه الحكي جواد مكروص من حيه
زهراء:يمه عزززه جوجه شبي وشلون انكرص

*جواد هو فرس زهراء وقصته شويه حزينه جان مره عدهم مهره وهستوه جايبه وابنه هو جواد (زهراء الي مسميته )
ومن جايبته ميته وهاي المهره غاليه ع ابوه الشيخ عبد الرحمان وهذا الحجي زهراء عمره ٥ سنوات فابوه قرر انو يطي جواد لأي احد او يذبه لان اعتبره فال نحس عليهم فزهراء شافته وكامت ‏تبجي  وبعدين امها حنت عليها  وجابته اله من الناس الي اخذو وقنعت امه ابوه  وجانت باليل اتخلي ينام بغرفته لان بارده جانت مثل الام وابنه

زهراء :شلون يربي وكامت تبجي

(علي ابن عمه الجبير اكبر من زهراء بسنتين) :الله اكبر اول مره اشوفه تبجي معقوله ؟

زهراء:شبيك واكف تعال جيب بيطري متشوفه يرافس اعمممه انت كالته بعصبيه وعياط بالرغم هو اكبر منه

علي :بكلبه والله وروح ابويه لو ما ساكنه كلبي واحبج جان هسه كسرت سنونج
اي هسه لتعيطين صوتج منا العالم

زهراء:لتخليني اسب العالم

الشيخ عبد الرحمان :بابا طبي جوه حبيبتي كافي

طبت وهي تبجي بحركه لان هي ويه الفرس 12 سنه مربيته ومتعلقه بي لان ماعده اخوان ولا خوات وهي بت الشيخ الوحيده

بعد 5 دقايق اجه الدكتور الي هستوه متعين وشاب ومرتب طب وانصدم بجماله وهي خشمه احمر من البجي وخصلات الشعر طايحه من الحجاب وبتراك فهي طالعه جميله وتخبل
ضل الاخ صافن عليها هنا انتبه عليه ابن عمه علي وكله بصوت حاد الفرس هنا مو هناك

شافه الدكتور الفرس وكاله هه بسيطه هاي لدغه مال حشره ومو سامه

اهنا زهراء فرحت ومصدكت خافت على الفرس انو يموت

ربط رجل الفرس وعقمه

علي:
تسلم دكتور ماقصرت
مراد:
هذا واجبنه ولوو
علي:
شكد تأمر؟؟
مراد:
لايابه شنو السالفه كلشي ماسويت مجرد تعقيم
زهراء:
اشكرك دكتور ..؟
مراد
اشكرك دكتور مراد
مراد: لا عادي لاشكر على واجب هيج شي يصير  بالحيوانات دائما 
بس انتي يوميه غيري التعقيم وهاي العلبه هاج اخذيه كل ست ساعات تحليه بالمي الي يشرب منه الفرس حتى يبقى المي الي يشرب منه معقم ومتصير مضاعفات

اوك ماشي دكتور تسلم

يلا اني اترخص منكم
لا وين دكتور اني اوصلك
انتي؟
اي ليش شنو تخاف تصعد ويه مره ههه؟
لا افا عليج يله تفضلي ههههه
اوك اجيب السويج لحضه
تمام
مشيت متوجه للبيت وخليت علبه الدوه بالمطبخ على الكاونتر وصعدت على الدرج حتى اجيب السويج
دخلت لغرفتي واخذت السويج وصارت عيني على المرايه وشفت نفسي طالعه بالتراك
ياااعزه هاي شنو شلون منتبهت
بس يلا عادي اني لبسي كله محتشم بالبيت لان ابن عمي عايش ويانه
بس هم عيب يعني رجال غريب اطلع ويشوفني بالتراك اوي شأسوي يعني اني مامتقصده