اني اليوم ابن عمي محمد عنده خيل ويحب هاي السوالف فمن اجيت اني واهلي للبيت مالتنه حجالي على مهره اني جنت موصي اريد مهره من قبل فاليوم رحت علمود اشوفه واني ما اخفي عنكم اني روحي بهاي السوالف
واحب الخيل ههههه
يله شيخنا هاي المهره
اكلك هاي عاشر مره اكلك لاتكول شيخنا اني المشيخه ما اريده وعمي هو الي انطيته اني المسؤليه اني يوميه مسافر من مكان المكان ويني وين سوالف المشيخه ههههههههه
يلا دكتور فهد هاي المهره قبل اسبوع جابوه شوفه واذا عجبتك اخذه
انطيني السرج
ربطت السرج عليه وبالكوه كدرنه انسيطر عليه لان اني غريب لازم اربيه كم يوم واوكله من ايدي يله اطلع بيه واسيطر عليه بس اني كلت خل اختصر الوكت وامشي شويه بيه والمكان كلش حلو وماكو بنيان وبيوت وساحه جبيره بس مستشفى بعيده موجوده الي قدمت النقل اله وانتضر تخلص الاوراق وابدي اداوم بيه
صعدت على المهره بالبدايه ماقبلت تمشي بس حاولت وياه بعدين بالكوه يلا كدرت امشيه شويه
بهاي الاثناء سمعت صوت صياح وصوت بنيه تعيط اني رأسا جريت المهره ووكفت باوعت واني ادور بعيوني عن مصدر الصوت
اتفاجئت
شفت وحده من بعيد ورجال نزل من السياره ويعيط عليه وهي هم تعيط عليه ما افتهم شنو يحجون بس الواضح يريد يضربه اني ردت انزل واروح اكطعه تكطع
بس سبقتني البنيه وراحت للسياره وفتحت الباب ومدري شطلعت شفت الرجال سكت واني بقيت واكف اراقب الي يصير
فجأه سحبت مسدس على الي واكف كدامه
اني انصدمت بنيه وشايله سلاح بأيده
شنو السالفه هاي منو
واني ضليت صافن عليه وفاتح حلكي الصراحه فاجئتني وصدمتني وسمعت صوت رصاصه
رفعت حواجبي اني عبالي ضربت الرجال بس بعدين افتهمت ضربت بالكاع الظاهر رادت تخوفه وفعلا هو خله وركض
ردت اروحله واكله محتاجه شي بس هي رأسا صعدت بالسياره ولافته ومشت
شنو هذا الصار حلم
معقوله اكو هيج بنيه وترمي بالسلاح لا وشلون لافت السياره بشكل دائري اني ما اسويه الصراحه اخاف على السياره مالتي ومشت والتراب وراه ضل
محمد :اني رحت يم السيارات سيارتي وسياره فهد حتى اجيب مي وابتعدت شويه من المكان الي بي الخيل وعفت فهد هناك
سمعت صوت طلقه
عكدت حواجبي شنو هنا كتلوا فهد هههههههه
رحت اشوفه
جبت مي
ها برو؟
*برو اختصار كلمه brother يعني اخي
شنو سمعت صوت طلقه عبالي كتلوك ههههههييي
الو
هي وين صافن
:هاشنو بطلت تدريب ؟
محمد :فهد بيك شي
فهد :اي لالا شبيه
محمد :اشو كمت اتخربط هيوو شبيك يول
فهد :لا هيج ماشفت هاي البنيه
محمد : هي هي واني اكول ليش صفنت ياهي هاي عيني سعيده الحظ
فهد :ما ادري ماشفته زين بس سيارته جيب جراند سوده
محمد : اها هاي بت الشيخ
فهد :اي
محمد :اي هاي سالفته سالفه خطيه ماعده اخوان ولا خوات وابوه معتمد عليه وهيه ماشاء الله جمال ومعروفه بشخصيته و.. اكلك انت شعليك بيه
أنت تقرأ
دكتوره لو شيخه؟! ( مكتمله)
Misteri / Thrillerعندما تكون وحيدا وكل الانظار موجه اليك ويجبرك القدر على مالاتريد ابن عمي ام حبي الاول ؟
