دكتوره لو شيخه؟! ( مكتمله)

لمذا فعلت هذا

لا لا اوكفي بابا زهرررراء دير بالللج

لاااااااا عطت من شفت زهراء طاحت من مكان عالي
كأنو جبل او مرتفع جانت لابسه فستان ابيض وكأنوا قديم شويه وطويل وشعره مفتوح ويتطاير بالهوى ومكان جان ظلمه فزيت من الحلم واني اعيط لا لا
ام زهراء :
يمه بسم الله شبييك
نور نطيني م. مي..
احجي واني فحطان والعرك ع كصتي ودكات كلبي سريعه
نوره :
بسم الله لا اله الا الله اعوذ بكلمات الله التامه من شر ما خلق بسم الله الله اكبر لا اله الله لا الله ضليت انشر واعوذ.
شبيك اسم الله عليك شفت كابوس ؟؟؟
شرب المي وكال
وهو يمسح العرك من كصته
:
حلمت چن زهراء تركض بحديقه ما اعرف بستان مكان كلش حلو ولابسه ابيض واني هم لابس ابيض
كتله راح اسافر تجين وياي
هي باوعتلي وراحت تركض ذبت روحه من الجبل واني اعيط عليه
نوره : ماكو شي الحمد لله انت أهدئ هاي تفسيره ان شاء الله تريد تبدي حياه جديده ان شاء الله خير
يله نام ماكو شي
نوره رجعت نامت بس اني ضليت ادكلب وما اجاني نوم
صارت الساعه بالاربعه ونص
كمت
اتوضى حتى اصلي شويه باقي للصلاه بين ما اتوضى وامشي شويه اشتم هوى يأذن واصلي
كمت واني اتوكل ع ربي
رحت اتوضى ....

زهراء

لا اله الا الله شنو هذا الحلم
فزيت وكلبي نبضاته وصلت مليون
شفت ابويه بالحلم وفهد واكف بصفه فهد وابويه لابس ابيض كال راح اسافر واني اركض وراه وملحكت عليه واصيح بابا بااااباااا وميسمعني
شنو من حلم ياربي خوفني
كمت شفت الساعه خمسه الا ربع كلت خل اتوضى فتحت ضوه الغرفه واني ضليت اتعوذ من الشيطان
اتوضى واني افكر بالحلم شفت ابويه اختفى واني اركض وراه وفهد شجابه بالنص ما اعرف صار الاذان وصليت
كلبي بذيج الليله ما اعرف شبي وحتى مانمت ضليت ادكلب بالفراش..

طلعت اتوضى بالمغاسل الي بالمضيف اني متعوده اطلع بره الصبح واتوضى واشوف جود فرس زهراء واسمع زقزقه العصافير توضيت وكملت بس سمعت صوت اقدام ومشي وحجي من بعيد من جه البستان

شنو السالفه ؟
اعوذ بالله من الشيطان الرجيم بسم الله
شنو اكو جن بالبستان
ما درت بال ردت ارجع للبيت بس سمعت من بعيد واحد يكل للثاني
لا اله الا الله ولك امشي وعاط عليه
اني تفاجئت ماكو جن يكول لا اله الا الله
عرفت هذوله بشر
الدنيه بعده مكاشفه واني ماعندي سلاح بأيدي
عطت بصوت

منو منو هناااا صوتي جان عالي
ركضوا همه واني لحكتهم
وصلت لنص البستان وهمه يركضون اخر شي شفتهم و...
ولكم اوووكوفوااا منووو تعالواااا

السلام عليكم وعليكم السلام سلمت وكملت صلاتي ودعيت
لميت سجادتي وكمت اشرب مي
الكلاص طاح من ايدي من سمت صوت الطلق
تكسر الكلاص واني نهبطت رحت اركض لابويه بغرفته لكيت امي طالعه تركض وخاله ازهار وره امي
يعني مو بس اني سمعت هذا الصوت
زهراء: شكووو يمه شنو هاي ؟؟
حجيت بعياط ممزوج بخوف نزل علي يركض من الدرج هو وامه واخته ماخذين الطابق الثالث واني وامي وابويه بالطابق الثاني نزلنه كلنه نركض للطابق الاول ومفزوعين جان صوت الطلق بالبستان وقريب علينه اني لابسه ثوب الصلاه واركض امي طلعت بدون حجاب هي وخاله ازهار ما اعرف شلون نزلنه من الدرج نركض علي جايب سلاحه وركض قبلنه وصيح عمي وينك عمييي
امي
ماكو مو بالغرفه وتبجي خاف صار بي شي يربي وكامت تعيط اني ما اعرف شنو اسوي امي كعدت بالمطبخ متكدر تمشي كامت وخاله ازهار يمه
اني رحت اركض وره علي
علييي علي لحضه تعااال
وين جايه طبي جوووووه

علي وخر ابويه ماكككوووو وخر واني ادفع بي بس هو مايتحرك كأنو حايط واني اعيط بهستيريه
امشي جوووه دفعني وقفل باب المطبخ عليه اني وامي وامه نزلت حنين تركض
حنين : شكو شبيكم جاوبووووني شصااااير شبيكم تباوع ع

امي وهي تبجي واني ادفع بالباب اريد افتحه واعيط
بااااااابا وينك باااابه تسمممممعني

تذكرت اني ابويه مطيني مسدس بس كون ماعايفته بالسياره يارب ساعدني
رحت اركض صعدت لغرفتي وعفتهن يعيطن عليه اني ما اهتميت الهم
فتحت باب الغرف او بالاحرى كسرته من قوه الدفعه
وين ياربي وين المسدس واني ابجي مالكيت المسدس
بالجرار هو المكان الوحيد الي اخلي بي
رحت من الغرفه لغرفت امي وابويه
شفت البندقيه وره الباب فتحته لكيت بيه طلق الحمد لله
اخذته واني نزلت اركض من الدرج وهنه شافني وكامن يعيطن ويصيحن
وين تعالي ولج وين رايحه
جريت حنين من ايده
اسمعي حنين اصعدي فوك وجيبي سلاح ابويه
خاله بالكنتور مسدس دليته المكان
و امي بأمانتج ديري بالج

و وكفت كدام باب المطبخ واني اسمع صوت الطلق صارت مواجه يمكن
ظربت الباب طلقه منفتح ياااااااوبيي

رحت اركض طلعت من باب الاستقبال وقفلته عليهن واخذت المفتاح وياي حتى محد يدخللهن

واني ادعي رحت ع صوت الطلق واني اركض وكلبي يرجف اتخيل سناريو بشع احاول اطلعه من عقلي

....

ها يمه ماحصلتي فهد هذا وينه
لا يمه يدك وماكو
لا اله الا الله يمه فدوه بنيتي ميس دكي عليه شوفي وينه
يمه والله ادك وماكو اندري وين وله بهليل
ولج من الساعه عشره سمعته حرك السياره وطلع
وهسه راح تطلع الشمس وابني ماكو
ياربي يا الاهي اوووف منك اووووووف

يعني البارحه طلع من الصبح وكلي ساعه وارجع وما اجه وريما خابرت ع محمد وراح للمستشفى وماكو وما رجع للبيت
طب الساعه بالتسعه بالليل ماحجه وياي
اخذ غراض وسبح واني انتضره بغرفتي وشفت سيارته حركت وراح مدري وين
يربي لتختبر صبري بأبني يا الاهي ساعدني ياربي

فهد
-الو
نعم شيخ تفضل
-خلصتوا كلشي
اي كلشي كملنه وصار جاهز
-عفيه عليك متقصر
-مع السلامه
الله وياك شيخنه