دكتوره لو شيخه؟! ( مكتمله)

بارت قصير

علي
نزلت من سيارتي ورحت اركض وراه لهاي المجنونه
شفت السياره مالته بعده مشتغله وبابه مفتوح طفيته وسديت الباب ورحت للمستشفى
هاي شنو خاله شبي ابووووويه احجوووا
انتوا منوووووو
كمت اعيط واحجي بهستيريه عبالي ابويه مات
علي اجه يركض ورايه
اوكفي بس افتهمي انتي ليش متسرعه
وخر مني شنو شنو متسرعه ؟!
حبيبتي هذوله اني جبتهم يحمون عمي
شنو شنو ...فهمني شكو
اجه واحد رتبته يمكن مقدم وكلي
السلام عليكم
انتي زهراء ؟
بالكوه رديت عليه واني صوتي رايح من العياط ونفسي مكطوع
وعليكم السلام اي تفضل
اني احمد صديق علي وعرفت الي صار بيكم وخابرته وكتله اي مساعده اني موجود وهو طلب مني أأمن على عمه وجبت وياي حرس لتخافين ماكو شي
وابتسملي
والحمد لله ع سلامه الحجي
تسلم
ارتاحيت وتنهدت واني اباوع على ابويه من الجامه
واجه الدكتور وفهمنه على حاله ابويه
تدرون شنو كلي ابويه دخل بغيبوبه اي غيبوبه يمكن طول سنه سنتين اني هنا الدنيه ضاكت بيه يعني ابويه ميت سريريا وامي المسكينه كل شويه ينخفظ ضغطه اخخخ ياربي ضاكت دنياي بيه
صارت الساعه ب ١٠ حنين وخاله ازهار وامي نامو
اني كاعده صافنه ومكتفه اديه وكل شويه ابجي واندعي
اجه علي
ها متعشيتي مو
علي عوفني بحالي
يعني لامتريكه ولا متغديه ولا متعشيه
هسه العالم كله نايمه وانتي كاعده هنا
كومي وياي
وين ؟؟
نروح للبيت اريد اجيب غراض لامي وحنين والي هم  وانتي هم جيبي ملابس الج والامج
علي وخر مني راسي يوجعني ومالي خلك
شوفي زهراء
وكعد ع ركبته
اني عكدت حواجبي
هاا
اني ما اكدر اشوفج بهاي الحاله عمي متكدرين تسويله شي بس مو تموتين روحج من الجوع
لو عمي هسه موجود بينه جان زعل منج تقبلين زعله ؟؟
اني نزلت راسي وكمت ابجي
مسح دموعي ولزم ايدي
يله كومي وياي
وكف ع حيله وكومني وياه كمت بس احس روحي فترت بيه الدنيه ودخت لزمت ايد علي وهو فز
ها شبيج ولزمني من خصري
تعاي كعدي هنا مو لان ماماكله شفتي
باوعتله وضحكت وبعيوني الدموع لا مابيه شي امشي
اكيددد ؟!
اي والله
بس ما اعوفج اضل لازم ايدج !!!
يله عمي شسوي يله امشي

علي بكلبي
شنو شعجب قبلت بس اني كلش فرحت وتمنيت لو من زمان دايخه واني لازمه
فتحت باب السياره
وصعدته ورحت من وره السياره وفتحت الباب وصعدت شغلت السياره

اسوق وعيني على حبيبتي
وابتسم اعرف الوضع حرج ومو وكته بس شأسوي يله يمعودين احبه والله احبه
علي!
عيونه
افتح الجامه
ادللي
وفتحت اله الجامه
اعترفلكم بشغله اني معطل كل الجامات يعني التحكم بس من يمي تدرون ليش حتى خاف تصعد وياي زهرتي اني اعرفه تحب تفتح الجامه حتى

تكلي افتح الجامه
مسوي هيج حتى بس علمود اسمع صوته مجنون صح ؟؟

ايييي الحب يخلي الواحد مجنون وميعرف شيصرف
وصلنه للبيت نزلت ونزلته من السياره واني لازم ايده
دخلنه للبيت

وعلي دخل للمطبخ
هاي شسوي بالمطبخ
اسوي اكل لحبيبتي
علي اني بيا حال وانت شتحجي
روحي اكعدي هناك على الميز ويجيج الاكل
روحي
رحت كعدت ع الميز واني اباوع على علي شلون يسويلي اكل وشلون مكيف اني ضحكت ونقهرت بنفس الوقت من تذكرت كلام المقدم احمد

نرجع شويه ليوره

اهلا وسهلا تشرفت بيج انسه زهراء
الشرف الي
ممكن احجي وياج انتي وعلي بس خارج المستشفى
ليش ؟
اريد اسألج شكم سؤال بالكافتريه
علي اشرلي بمعني اي
وافقت ورحنه للكافتريه اني وياه وعلي
كعدنه وطلبنه جاي
اسمعيني انسه زهراء
اريدج تحجيلي كلشي تعرفي
اني ذكرت الفلاشات الي سحبتهم واحد ضميته بغرفه ابويه
واحد بالسياره كتله كلي لا لتكومين اني هسه اخابر واحد من الحرس يجيبلي لابتوبي اني وهم يجيب الفلاش من سيارتج بس اريد السويج

اي

لحضه اني خليت السياره مشتغله وين السويج ياربي
علي هنا يمي ومد ايده على جيبه وانطاه السويج
يتبع .....

سلام طبعا ادري البارت قصير بس وحده من البنوتات طلبت بارت وسويته لخاطره وبس والله 😂❤️ اتمنى متنسون التصويت