دكتوره لو شيخه؟! ( مكتمله)

كل شيء يزيد عن حده ينقلب ضده

تذكير البارت السابق
لبست حذائي وحجه الشيخ سلطان وياي شويه وسأل عن ابويه ووضعه
واجيت للسياره اريد اصعد شفتهن كاعدات كلهن ليوره وعايفاتلي الصدر

اوهووو
حجيت بيني وبين نفس

يلا دكتوره زهراء شنو تنتظرين انزل افتحلج الباب

لا

فتحت الباب وصعدت بالصدر وهو يسوق ويحجي ويه عائلتي ومندمجين واني ساكته احس روحي خايفه بس منين ما ادري
كأنوا راح تصير مشكله بس لالا اني ابعد هاي الافكار من راسي ماكو شي ان شاء الله

....
قيس...زهراء شبيج ؟
درت وجهي عليه وكلت
..قيس اني غلطت المفروض ننتظر علي يجي ويانه لعمك ونروح سويه لان هو اكبر مني عمرا وخطيبي هم

قيس..ديلا يمعوده هي عزيمه قابل شنو وبعدين انتي مو دكيتي عليه وهو مرد
زهراء...اي صح
لعد شبيج بعد ههه هيج تخافين منه ؟؟😂

لا اني ما اخاف من احد
ههههه واضح وجهج اصفر راح تموتين من الخوف هاي بس انتي هيج خايفه شوفي امج وامه مو يسولفون ويضحكن وهاي الحلوه هم مندمجه وياهن
(قصده على حنين )

رفعت حواجبي عليه ونطيته نظره

ها العفو خاف متقبلين اكول الحلوه كدامج

نزلت الجامه ودرت وجهي اريد اتنفس شويه

قيس ...مو فاتح تبريد اني ؟

رجع صعد الجامه

اني هنا احس صاعقه وضربتني اجه على بالي هذاك الموقف
من فهد رجعنه من المستشفى اني وامي وبالطريق هم هيج صار نزلت الجامه وهو صعده ورجعت نزلته وواحد يعاند الثاني اتذكرت كأنوا الموقف صار كدامي
كلشي اجه على بالي من تركني وسافر واني چنت محتاجته اكثر من اي وقت
ما انسى هذاك اليوم من الكل اجه للمستشفى وعماتي واقاربنه صح اكو هواي ناس يمي وامي وحنين وعلي وخاله ازهار ماقصروا بس احس بقيت فارغه احتاج لشخص واحد

ماحسيت وسط هاي افكاري كالعاده عيوني تمردن عليه ونزلن دموعهن

قيس..زهراء ؟هاي شبيج
شنو السالفه
احجي بهمس طبعا ما اريدهن يسمعن هم ملتهيات يسولفون

زهراءءء؟؟؟
يا هاي صدك تحجين يمعوده تبجين على مود الجامه ؟

اني سمعت صوت قيس ورجعت للواقع وراحت كل الذكريات من عقلي

رأسا مسحت دموعي
وبهاي الاثناء قيس سد التبريد ونزل جامات السياره

امي:
ها خاله شو طفيت التبريد ؟
قيس:
والله خاله الجو حلو وبي بروده مو صح
الكل:اي والله حلو الجو

رجعن يسولفن واني حجيت ويه زهراء
ها هسه احسن نزلتلج الجامه

اي اي
ليش بجيتي؟
لا هيج تذكرت بابا
اها الله يشافي ان شاء الله
امين