خواطر ليليه

الفراق

الفراق
الفراق صعب من اكتر الحاجات الصعبه الى ممكن اى بنى ادم يحس بيها ، احساس انك تفارق حد عزيز عليك انك تفقد شخص غالى عليك صعب ، بس الاصعب انك تفارق شخص قريب منك وجودة جزء من حياتك بتحس انك خسرت معاه قلبك روحك وجودك احساسك راحتك حياتك كلها .
صعب ترجع لحياتك وقتها   ترجع تعيش  ترجع تانى كانه معاك لان كل موقف مشابه كل ركن كل حركه  بتفتكر انو معاك ذى كل مرة بس المرة دى هو مش موجود ، فى جمله بحبها اوى  بتقول ان فى ناس بتفارق وتسيبنا انما بيعيشوا جوا قلوبنا ،كل الغالين علينا وفارقونا مازالوا عايشين جوا  قلوبنا بنتأقلم على عدم وجودهم لان دى سنه الحياه جايز بنحاول نتناسى ونرجع طبعيين بس عمرنا ما ببنساهم  بنفضل فاكرنهم وبيفضلوا عايشين معانا باللحظات الى عيشناها سوا بالذكريات الى سابوهالنا بالدعاء الى بيوصلهم منا .
حياتنا عبارة عن لحظات صغيرة  لحظات  مليانه  فرح وحزن حب وامل ويأس وذكريات بتخلينا نعيش ونكمل ذكريات بتقوينا لما نفارق لحظات بتروح مبترجعش
لازم نفهم ان اللحظه الى هتروح مش هترجع  فلازم نخلى اللحظه جميله ومميزة  عشان مش هنعرف نرجعها ولا نغيرها لما الفراق يدق بابنا
💜💜💜
حاجه على غير العادة  جايز مشابهه للاجواء المحيطه
ربنا يلطف بينا وبقلوبنا جميعا
ليله سعيده علينا جميعا .
💚💚💚
اتمنى تعجبكوا
بقلمى انا سنيوريتا الروايات اروى العش 🧚‍♀️🧚‍♀️
خواطر ليليه 🌼🌼