خواطر ليليه

الندم

صلوا على النبى

 استغفروا يالا 

سبحان الله وبحمده سبحان الله العظيم 

لا حول ولا قوة الا بالله العلى العظيم

 🌼🌼🌼

نبدء بقا 

🌻🌻🌻

الندم يعنى ايه ندم اصلا طيب ليه سموة كدة ليه طيب هو بيحصل اصلا ونحس بيه ليه اسئله كتيرة جوا دماغنا مش بنبقى فاهمينها ولا عارفين اجابتها 

الندم هو احساس الشخص انو اخطأ او انو غلط لما اتخذ القرار دة او عرف الشخص دة  او ضيع الحاجه دى من ايدة الندة ليه معانى كتير وتعاريف اكتر 

بس الندم كذا نوع وانا هتكلم على كام  نوع من انواع الندم

🌻🌻🌻

١ الندم على ذنب انت عملته : ذى مثلا عليت صوتك على والدك او والدتك ، سرقت ، مصليتش ، محترمتش حد اكبر منك ؛ بعدها تقعد مع نفسك وتعاتبها وتزعل منها  وتندم نوع الندم دة حلو اوى اوى لانه معناه ان انت ضميرك صاحى  وان انت عندك ضمير لسه وربنا  من كتر ماهو رحيم بينا خلى الندم بدايه التوبه (طبعا نوع الندم دة) 

🌼🌼🌼

٢ الندم على شخص انت عرفته ووجعك او جرحك : متزعلش واحد مشي عشرة غيرة هياجوا بطلوا بقا الى بتعملوة فى نفسكوا دة ايه جلد الذات  دة روحك دى انت هتتحاسب عليها الدنيا مش هتقف على حد ،  فى حياتنا دى لازم تقابل الحلو وتقابل الوحش  وفى بعض الاشخاص بيبقوا الوحش ربنا عامل لكل واحد فينا دور وكل واحد وحش وجعك فى حياتك علمك درس مهم الحياه مبتعلمش ببلاش الحياه مدرسه وكلنا بنتعلم فيها وكلنا لازم ندفع تمن تعليمنا كل الاشخاص ال  بيدخلوا حياتنا بيدخلوها بسبب هدف معين  وحاجه معينه وحاجه ربنا مخليها مش هتحصل غير بيهم  فمنحبسش نفسنا بسبب حد ونوقف حياتنا عشان حد مشي من حياتنا الحياه مليانه حاجات كتير دور فيها وانت هتلاقى

🌺🌺🌺

٣ الندم على حاجه ضاعت منا : اوقات بنندم على حاجه ضاعت من ايدينا بسكوتنا او بإننا معملناش حاجه عشان تبقى من نصيبنا بنندم ونتضايق وممكن نعيط  كمان  ليه مبنفكرش ان الحاجه دى مش من نصيبنا عشان كدة مخدنهاش او مجتلناش يمكن تكون من نصيب الى راحتله الى اتكلم الى اخد خطوة احنا مخدنهاش لان الحاجات دى مش نصيبنا هى  نصيب الى راحتله متجلدوش روحكوا بالقوى وعدوا لو ملكوش نصيب فى الحاجات الى راحت منكوا فأكيد ليكوا نصيب فى الحاجات التانيه 

وعلى رأى جوستو فى فيلم الفار الطباخ 

لو ركزت على الى ضاع منك ،، عمرك ما هتلاقى الى بيستناك & شوف رزقك ... الدنيا واسعه 

💐💐💐

اتمنى تعجبكوا

ممنوع النشر فى اى مكان بدون اذنى

🧚‍♀️🧚‍♀️بقلمى انا سنيوريتا الروايات اروى العش 

🌼🌼 خواطر ليليه