خواطر ليليه

الصحاب👭👬

الصحاب دى كلمه كبيرة اوى اوى ومش اى ياخد اللقب دة الصحاب مش اننا نخرج ونتفسح ونهزر ونقعد على القهوة مش اننا نتشات ونهزر ونضحك مش اننا نسافر ونروح وناجى كل الناس بتبقى حلوة فى الفرح بتبقى حلوة وانت مبسوط وسعيد لكن انت بتعرف صحابك الى بجد لما تقع لما تدخل فى ضيق لما يحصلك موقف وحش بتعرف مين هو الصاحب الحقيقى ومين هو الصاحب الفلصوا المواقف الى بتحصلك والضيق والشدة الى بتقع فيهم بتكشفلك معادن الناس حواليك وبتخليك تعيد ترتيب ادوارهم فى حياتك من تانى ممكن تتصدم جدا لو لقيتهم وحشين وسابوك تقع بس انت هتتعلم من التجربه والمرة الجايه هتختار صح وممكن يبقوا كويسين ويقوموك ممكن الكل يسيبك وصاحب واحد الى يسندك ساعتها بقولك امسك فيه بايدك وسنانك عشان الصاحب الى يسيبك فى الشدة ميستهلش انو يبقى صاحب اصلا
الصحاب رزق من عند ربنا للواحد هوما عيلتك التانيه واهلك الى انت بتختارهم لنفسك فاختار حد كويس يليق انو يبقى اهلك الصاحب يعنى امان يعنى يخاف عليك لو حس انك فى مشكله يعنى يحس بيك وانت متضايق يعنى لو زعلان وبتهزر وتضحك قدام الكل ومحدش واخد باله يشدك على جنب ويقولك مالك يعنى الى يدور على حل لمشكلتك كانها مشكلته هو يعنى لما تبقى وخايف وانت واقع فى مشكله يطمنك يعنى يبقى امانك يعنى ميسيبكش تقع ابدا لما تقع يسندك يعنى يبقى عزوتك يعنى ميسمحش لحد وانت موجود يتكلم عليك عشان بدام هو موجود تبقى كأنك موجود يعنى الى مهما تتخانقوا علاقتكم بتزيد قوة مش بتضعف يعنى الى يستحملك وانت متضايق ومتعصب وميزعلش منك يعنى الى لو متخانقين ميقلش منك قدام حد يعنى الى عندة ١٠٠ حاجه بيعملها بيخلق دقيقه او اتنين عشان يطمن عليك فيهم يعنى الى لو غبت ومكلمتوش يوم يبقى قلقان عليك انت فين طب حصل ايه واول ما تكلمه تلاقيه بيقولك بقلق انت فيين صاحب ميسيبكش ويمشي فى عز ضعفك صاحب يفضل جنبك ومبيعدش صاحب يقويك يصونك ويصون العيش والملح ويصون الود بينكوا
الصاحب الجدع رزق كبير من عند ربنا الصاحب الى بجد حاجه حلوة جدا جدا متخلوش الحياه تلهيكوا عن صحابكوا اطمنوا واسئلوا على بعض متسيبوش ايد بعض مهما الدنيا شغلتكوا
ربنا يبارك لكل واحد او واحدة فى صحابها الجدعان وميحرمكوش من بعض ابدا ويبعد عنا جميعا الصحاب الفلصوا
🌺🌺🌺
اخر حاجه يا ريت ندعى كلنا ان ربنا يشفى الحفناوى ويقومه بالسلامه ويتم شفائه
ربنا يشفيه ويعافيه ويعفو عنه ويقومه بالسلامه اللهم امين
ربنا يصبر قلب صاحبه بجد ويقوم الحفناوى بالسلامه
كلمات صاحبه : متدنيش نص عمرى وتبعد ... متسيبش ايدى يابنى ..متحرقش قلبي يارب
كلامه وجعنى اوى بجد بتمنى من كل قلبي ان ربنا يشفى الحفناوى ويقومه بالسلامه تخيلوا لو الكلام واجعنا احنا صاحبه حاسس بإيه ربنا يصبره بكد ويقوم الحفناوى بالف سلامه
🌻🌻🌻
اختاروا صحابكوا كويس يا جماعه اختاروا كويس الصحاب الجدعان موجودين بس انتوا دوروا كويس
🌸🌸🌸
اتمنى تعجبكوا
بقلمى انا سنيوريتا الروايات اروى العش🧚‍♀️🧚‍♀️
خواطر ليليه 🌼🌼