خواطر ليليه

الأخت 😘😘

صلوا على النبي
استغفروا يالا
سبحان الله وبحمده سبحان الله العظيم
لا حول ولا قوة الا بالله العلي العظيم
🌺🌺🌺
نبدء بقي
🌹🌹🌹
الاخت 😘😘
كلمه اخت دى كلمه كبيرة اوى اوى  ليها معانى كتير اوى اوى الى عارف قيمه الاخت كويس سواء  كان بنت او ولد هو الى معندوش اخت انا انهاردة هتكلم من وجهه نظر البنت البنت الى معندهاش اخت بنت ذيها
البنت الى حد ما عاطفيه شويه مشاعرها اقوى من مشاعر الراجل عموما  بس دة مش معناه ان الرجال معندوش مشاعر لا عندة عادى جدا لانه بشر بس الست مشاعرها اكتر  بتسيطر عليها اكتر  ااست قلبها مسيطر عليها اكتر الراجل العكس عقله هو الى مسيطر اكتر
المهم
اغلب البنات او كلهم تقريبا الى معندهومش اخوات بنات بيبقى نفسهم يعرفوا ايه شعور ان يبقى عندك اخت بنت شعور وحش اوى انك تبقى لوحدك عشان معندكيش اخت بنت وصدقونى يا جماعه الى عندهم اخوات بنات انتوا فعلا متعرفوش قيمه الاخت الى معاكى الواحد بيعرف قيمه الحاجه لما يتحرم منها ممكن تلاقى واحدة صاحبتك او زميلتك او جارتك بتتعصب عليكى لما تشكى من اختك  عارفه هى بتتعصب ليه لانها شايفه خناقك معاها وشكواكى منها حاجه تافهه لانها لوحدها مش عندها حد ذيك تلعب معاه تتخانق معاه تشكى منه هى معندها اخت بنت عشان تعمل دة كله معاها فمتزعليش منها واعزريها
الاخت البنت دى كلمه كبيرة اوى اوى عارفه يعنى ايه يبقى عندك اخت بنت يعنى لما تبقوا فى قعدة وتتضايقى وتقومى هى  تحس بيكى وتلاحظ وتقوم وراكى على طول تشوف مالك  يعنى لما تتعب تحسي انك لوحدك ملكيش ضهر يعنى لما تعيطى تلاقى ايديها مفتحوالك تعيطى فى حضنها يعنى متعيطيش لوحدك متبقيش لوحدك يبقى عندك اخت بنت يعنى لو اتعاكستى وانتى معاها فى الشارع وهى بتخاف من الولاد ممكن تلاقيها ضربته  عشانك يعنى لما تحس انك فى خطر تتحول لوحش كاسر ممكن يئذيكى من غير قصد يعنى لما تشوفك زعلانه وحزينه  تقعد تتنطط ذى القرد حواليكى لحد ما تفرحك وتسعدك يعنى فرحتك فرحتها يعنى لما تنجحى تلاقيها عملالك فرح يعنى بدون مبرر تلاقيها جايبالك هديه وبتقولك شوفتها قولت مش هتليق غير عليكى انتى وبس يعنى هزاركم وكلامهم وسهركم طول الليل سوا ورغيكم يعنى غسيل المواعين الى بترموة على بعض  وترويق الشقه  يعنى  هدومك الى تلاقيها بتتقلب من الدلاب عادى  اكسسوراراتك لبسك كتبك حاجتك حاجتها  انتوا واحد مفيش فرق بينكوا  الى لما تبقى بتاكلى ومتضايقه تاجى ترزل عليكى وتاكل معاكى عشان  هى طفسه حتى لو انتى مش متضايقه هتلاقيها بتاكل معاكى عشان الاكل ميحلاش من غيرها الاخت يعنى النسخه التانيه منك ولو كنتى انتى الكبيرة خصوصا هتلاقيها بتقلدك فى كل حاجه متزعليش هى واخداكى قدوتها فخدى بالك من تصرفاتك لانك قدوة ليها  الى كل امانيها متشوفكيش حزينه اصلا ولا تشوف دموعك بسبب اى حد اختك يعنى محدش يقدر يتكلم عليكى  وهى موجودة لانها مش هتسمحله يغلط فيكى اصلا اختك يعنى مش هتسمحلك تغلطى يعنى مش هتسمحلك تضرى نفسك يعنى مش هتسمحلك  تئذى نفسك  يعنى هتشدك غصب عنك للطريق الصح اختك يعنى الى هتنقى معاكى فستان تخرجك يعنى الى  تنقى معاكى جهاز فرحك وهتتمرمط معاكى يعنى الى هتلفوا سوا على فستان فرحك يعنى الى هتكتب على ايديها اخت العروسه بالحنه يعنى  الى هتدور على فستان حلو اوى تحضر بيه فرحك مهى مش اى حد دى اخت العروسه يعنى الى هتقولك احسن انك هتتجوزى هاخد الاوضه لوحدى  وتانى يوم تلاقيها بتكلمك وبتعيط  وبتقولك الاوضه وحشه من غيرك ارجعى ومش هزعلك  الى ممكن تغير من جوزك شويه عشان خدك منها الى لما تقعى تقومك وتنفض هدومك يعنى الى مش هتسمح انك تقعى ابدا ابدا ولما تاجى تقعى  تلاقيها سانداكى تبقى عكازك تاخد بالها منك الى ضعفك يطلع قدامها وضهرها يبقى مغطى الدنيا تضعفى براحتك قدامها بعدين تقويكى وتطلعك للدنيا قويه من تانى مش مسموح للدنيا تشوفك ضعيفه او واقعه الدنيا بتشوفك قويه بس عشان هى معاكى وسانداكى وماسه ايدك ومخبيه ضعفك عن الدنيا ومطلعه قوتك بس
يا بخت الى معندها اخت بنت بس عندها صاحبه تبقى اختها تبقى اخت بالروح مش بالدم عارفه انك  زعلانه عشان مش هتعملى كذا حاجه من المكتوب بس بصي لنص الكبايه المليان مش هتبقى لوحدك تانى وهتلاقى حد تعيطى فى حضنه مش هتعيطى لوحدك تانى يا ست مش هتلبسوا هدوم بعض مش لازم يعنى  اهم حاجه انك مش لوحدك ذى زمان واه خدى بالك كويس اوى اوى من الصاحبه الى تعتبريها اختك لان الصاحب ساحب اختارى صاحبه صالحه تعينوا بعض وتبقوا اخوات فى الله ومتحابين فى الله تشدك للجنه غصب تبقى عكازك وامانك تستحملك فى اشد اوقاتك تقبلك فى الوقت الى انتى مش قابله فيه نفسك ساعتها اعرفى انها اخت مش صاحبه وبس
الاخت ضهر وسند وعكاز الاخت امان وفرحه الاخت ليها معانى كتير اوى يا بخت البنت الى عندها اخت بنت قربى منها العبى معاها اعملوا ذكريات كتيرة اوى سوا عشان لما تكبروا انتوا الاتنين تفتكروها وتضحكوا وتحكوها لولادكوا واحفادكوا بعدين ربنا يبارك لكل اخت فى اختها وميحرمهومش من بعض ابدا
والى عندها صاحبه بس هى اختها بالروح  احمدى ربنا غيرك لا عندة دة ولا عندة دة برضوا افرحى واعملى ذكريات كتير افرحى يا ستى هيتقالك يا خالتو هتلاقى حد تمرمطيه معاكى فى جهازك وفرحك محدش بياخد كل حاجه فى الدنيا لازم يتاخد منا حاجه افرحى بالى موجود واحمدى عليه عشان ربنا يزيدك
🌹🌹🌹
اتمنى تعجبكوا
بقلمى انا سنيوريتا الروايات اروى العش 🧚‍♀️🧚‍♀️
خواطر ليليه🌼🌼🌼