خواطر ليليه

الاذى النفسي

صلوا على النبي
استغفروا يالا
سبحان الله وبحمده سبحان الله العظيم
لا حول ولا قوة الا بالله العلي العظيم
🌷🌷🌷
نبدء بقي
🌺🌺🌺
اوعي تفتكر انك وحش  لما تفضل فاكر  الاذى النفسي الى سببهولك حد معين والى  عيشته بسببه مش مشكله انك ممكن تكون سامحت الحد دة من قلبك بجد  بس المشكه هى ان ممكن تكون ذكريات الوجع الى سببهولك عايشه جواك لسه ، دة ممكن جدا تفضل تعبان ومنهار من اثر الى شوفته من الشخص دة  ومن الى سببهولك وخلاك كارة نفسك وفاكر انك وحش ويخليك تسئل نفسك هو انا وحش انا معملتش حاجه انا قدمتلكوا كل حاجه قدمتلكوا لدرجه انى استنذفت روحك بطريقه بشعه
هى دى المشكله الحقيقه انك بتفضل حاسس بنفس نوبات الالم كل ما يحصل قدامك موقف مشابه اتعرضت له  او كلام مشابه كنت بتقوله ،،  مش ظلم انك متنساش ... بالعكس دة منتهى العدل انك متنساش  المتسبب والاذى الى حصلك منه ....  منتهى العدل مع نفسك انك تاخد حذرك  من الحد الى اتسبب فى التشوة دة  ..... الظلم انك تسمح ان دة يتكرر معاك تانى ومتتعلمش من غلطك   وتفضل تدوق نفس نكهه الحزن  فى قلبك من نفس الشخص  وكأن مرارة الاسى بقا طعمها مستساغ بالنسبه ليك
محدش فى الدنيا دى كلها يستحق تأذى نفسك وروحك عشانه محدش يستحق تنام بسببه ودموعك على خدك ومخدتك وتسأل نفسك طب انا غلطت فى ايه
انت مغلطش هوما ميستحقوش ميستحقوش قلبك الابيض وروحك الى عامله ذى الدهب ميستحقوش جدعنتك ووقفتك معاهم وهوما تعبانين فى ناس بعد ما تتأذى من صحابها  افتكرت ان مفيش حاجه اسمها صاحب جدع فى والله فيه بس انتو دوروا كويس عليه فصديق وفى يغنينى عن مدينه كامله من البشر
اوعى ترجع الى اذوك تانى خليك قوى خرجهم برة حياتك بمنتهى القوة خلى قلبك يمضى قرار خروجهم ومترجعوهمش ابدا تانى مهما حاولوا
فالذين سقطوا من عين القلب ..... لا يمكن ان يستوطنوه مرة اخرى..... ولو دفعوا اعمارهم كضريبه عودة
مشكله الناس الى بتستحمل كتير انهم يوم ما يلفوا ويدوا ضهرهم عمرهم ما يبصوا وراهم تانى انتو ا متستنوش كتير  خلى كل شخص ليه ٣ فرص فى حياتك ٣ بس خلصهم يبقا مع الف سلامه دوروا يا جدعان عن الصحاب الكويسين الى يبقوا عون ليكوا فى الدنيا ويشيدوكوا للجنه الى يقولك قوم نصلى الضهر الى يقولك قريت قرآن انهاردة  الى يدعيلك بظاهر الغيب الى يحبك من قلبه بجد  اتمسكوا بأصحاب المواقف لا السنين
اتمسكوا بالصحاب الى بجد دوروا عليهم الاول ولاقوهم واتأكدوا انهم هوما الصحاب الجدعان رزق والله رزق وعوض من ربنا ومادراك ما عوض الله
الصحاب فرص مش عجوة وقرص
🌹🌹🌹
اتمنى تعجبكوا
بقلمى انا سنيوريتا الروايات اروى العش🧚‍♀️🧚‍♀️
خواطر ليليه 🌼🌼