خواطر ليليه

الوحدة 🤚🤚

صلوا على النبى

 استغفروا يالا 

سبحان الله وبحمده سبحان الله العظيم

 لا حول ولا قوة الا بالله العلى العظيم

 🌸🌸🌸

نبدء بقا 

💐💐💐

الوحدة دى حاجه وحشه اوى ومؤلمه كمان فى ناس بتشوف انك لما تفضل لوحدك احسن ما تتئذى من البشر بس انا مش متفقه معاهم الانسان ربنا خلقه عشان يتونس بالى حواليه عشان كدة اتسمى انسان  عشان بيحب الونس كلمه انسان جايه من الانس ..... مفيش اى بنى ادم على وجه الارض مهما كان اتئذى  بيحب الوحدة جايز من كتر ما اتئذينا بنخاف نقرب من الناس بنخاف نقرب ليوجعونا ونرجع لوحدنا تانى فبنفضل الوحدة لحد ما نتعود وبعدها يتهيقلنا انها احسن عارفين ربنا لما خلق سيدنا ادم بعدها لاقاه قاعد حزين لانه وحيد فخلقله امنا حواء عشان تونسه يبقى اذاى احنا مبنحبش الونس كلنا بنحب الونس

🌺🌺🌺 

الوحدة وحشه اوى بس الاوحش منها انك تبقى وحيد وانت حواليك ناس كتير اعتقد ان وحده الانسان الى مش حواليه حد احسن من وحده الانسان الى حواليه ناس كتير الانسان الى وحيد وحواليه ناس كتير بيتعذب اكتر بيبقى جوا عقله الف سؤال وسؤال هو ليه لوحدة...هو عمل ايه عشان يبقى لوحدة... طيب هو فيه حاجه غلط  مهما حاول يقرب منهم بيبعدوة حتى لو مش قصدهم فبيضطر يفضل وحيد بس اسما هو حواليه ناس كتير انما حسيا ومعنويا هو لوحدة يقع ويتكسر ويتوجع وهو لوحدة يستحمل وجع الدنيا وهو لوحدة يقوم ويعافر ويقاوم ويقوى نفسه وهو لوحدة لو اشتكى يبقى غلطان هو عايز ايه وكلهم حواليه 

🌼🌼🌼

بس مش معناه انو يستسلم لازم يفضل يحاول ويعافر لحد ما يخرج من وحدته ميسبش نفسه يغرق لحد ما ربنا يعوضه بالى يملى وحدته مهو ربنا عارف انو صبر يبقى مش هيعوضه اذاى هيعوضه والله بس بعد ما يعوضه لازم ياخد باله انو ميضايقش ونسه لازم يحاول يثق فيه بس بعد ما يتأكد انو الونس الى بجد لازم يكسر خوفه ويبقى عارف انو مش هيرجع لوحدة تانى خوفه من  انو يرجع لوحدة تانى بيخليه يئذى ونسه 

🌹🌹🌹

متخلوش خوفكوا يئذى الى ونس وحدتكوا متستسلموش لخوفكوا اهزموه متخليهوش يكسبكوا ويكسركوا اوعى تستسلم لخوفك من انك ترجع لوحدك تانى او انك تفضل  وحيد للابد ربنا عمرة ما هيسيبك وحيد للابد متخليش خوفك يكسرك متخليهوش يبعدك عن ونسك متستسلملوش ابدا 

🌻🌻🌻

اتمنى تعجبكوا

رئيكوا بصراحه

ممنوع النشر فى اى مكان بدون اذنى

🧚‍♀️🧚‍♀️بقلمى انا سنيوريتا الروايات اروى العش 

🌼🌼خواطر ليليه