خواطر ليليه

حياتنا

صلوا على النبي
استغفروا يالا
سبحان الله وبحمده سبحان الله العظيم
لا حول ولا قوة الا بالله العلي العظيم
🌷🌷🌷
نبدء بقي
🌸🌸🌸
حياتنا غريبه اوى اوى بنصحى كل يوم نعمل روتينا اليومى  ونفضل نكرر ونكر لحد بعد ٥٠ ٦٠ سنه نلاقى نفسنا عجزنا ونقول الحياه جريت بسرعه
الحياه فعلا بتجرى بسرعه بتجرى بسرعه مخيفه بسرعه لدرجه ان اهلنا مش مصدقين ان احنا كبرنا كدة وقريبنا كل ما يشوفنا فى افراح مش مصدقين ان احنا بنقينا بنلبس سواريه او بدل  اصل احنا  هنفضل عيال للابد مثلا ،،،، كلنا بنكبر يوم عن يوم بيقربك من موتك وبيقلل من عمرك الى هيخلص فى يوم من الايام انا مقصدش اخوفكوا الموت مش وحش والله .. اوعى تحكم على حاجه انت نفسك مجربتهاش اعتقد ان احنا مش المفروض نخاف من الموت المفروض نخاف ان احنا لما نموت منبقاش  جاهزين نقابل ربنا الى عملناه فى حياتنا  مش كفايه انو يخلينا نقف قدام ربنا ونبقا ضامنين جنه من نار مش معنى ان انت وحش او بتغلط انك هتدخل النار مش جايز ربنا يهديك لو ربنا شاف ان قلبك عايز يستقيم ويبقا كويس هيعينك على نفسك الامارة بالسوء وعلى شيطانك  ويهديك والى ربنا هاديه وبيعمل عبادات كتير متتغرش ياباشا  انت مبتعملهاش من نفسك دة ربنا من عليك وهداك ولما تتغر وتفتخر بنفسك وسط الناس و وتقول انا ،،، هيسحبها منك وهتلاقى نفسك بتخبط فى العبادة وبتقع ،،، قارون لما ربنا اداله  جاه ومال   اتغر وقال انا عشان كدة ربنا وراه  وعاقبه على غرورة دة وغرقه وخدة كافر
سيدنا عمر بن الخطاب رضي الله عنه وارضاه لما  كان خليفه المؤمنين وعمل غزوات كتير فى يوم صحى من النوم وقال لقد ملكت الدنيا  ... جاه يخطب فى الناس وطلع على المنبر وقال والله انى  فيما معناه انو مش شايف نفسه غير انو كان بيرعى الاغنام وكان بيعمل كذا وكذا وقعد يحقر من نفسه قدام الناس فبعد ما خلص راجل قاله والله يا امير المؤمنين فيماما معناه انى مشوفتكش عملت غير انك حقرت نفسك قدام الناس وقللت منها فرد سيدنا عمر بن الخطاب رضي الله عنه وارضاه عليه وقاله فيما معنا صحيت انهاردة من النوم لقيتنى بقول انى ملكت الدنيا فخفت على نفسي من الغرور فقولت احقر نفسي قدام الناس عشان ابقا عارف انا مين وان ال انا  فيه دة من نعم ربنا عليا طب بزمتكوا شوفتوا كدة
💞💞ربنا جل جلاله قال لا يدخل الجنه من كان فى قلبه مثقل ذرة من كبر💞💞
ذرة من كبر متخلين الذرة عامله اذاى
ومع ذلك اوعا تفتكر ان ربنا مش هيسامحك لو انت عايز تبطل غلط
💖💖 اوعا تيئس من روح الله انه  لا ييأس من روح الله الا القوم الكافرون💖💖
لو بتغلط توب وارجع بابا التوبه مفتوح ربنا مستنيك بيقولك تعالى انا عايزك تعالالى يا عبدى هتوب عليك انا ارحم بيك من امك انا بحبك اكتر من اى حد فى الدنيا ندمك على ذنبك بدايه توبتك  ........💗💗سبحانك ربى اخجلتنا من كرمك💗💗 توب ارجع عن اى ذنب مهمها كان ذنبك الى بتعمله مهما كان كبير ارجع ربنا هيقبلك والله هيقبلك باب التوبه  مفتوح ارجع قبل ما يتقفل  لو فضلت كدة هتعيش حياه وحشه فى الدنيا حياه شقيه وهتتعذب فى الاخرة باب التوبه مفتوح طول ما الشمس لسه مطلعتش من المغرب
المغرب مش مقصود بيها بلاد المغرب اصل فى ناس عسل  ياجدعان بهزر خلى خلقكوا استرتش كدة🤣🤣🤣
هحكيلكوا قصه ممكن يكون بعضكوا عارفها وممكن البعض ميعرفهاش
قصه الرجل الى قتل ٩٩ واحد وبعدها حب يتوب فراح لراهب تقريبا هو كان اعتقد ذى راجل دين  فقاله انو عايز يتوب وحكاله فالراهب قاله مينفعش تتوب انت كدة هتدخل النار فراح قالته وكمل ال١٠٠
وبعدين عدى على راجل تانى وقاله عايزة اتوب وحكاله فالراجل قاله الاحسن ان انت تتوب فعلا وتمشي وتسيب البلد دى وتروح بلد تانيه وتبدء فيها حياتك على نضيف فسمع كلام الراجل دة ونوى التوبه وشد رحاله وقرر يروح بلد يبدء فيها توبته
وهو ماشي مات فى الطريق طلعوا ملايكه الجنه وملايكه  النار يتخانقوا عليه ملايكه النار يقولوا قتل ١٠٠ شخص يدخل النار ملايكه الجنه يقولوا دة تاب لربنا يدخل الجنه قعدوا يتخانقوا لحد ما وصلوا لحل انهم هيقيسوا المسافه الى الراجل مشيها من البلد الى قتل فيها للبلد الى هيتوب فيها لو كان المسافه بينه وبين البلد الى قتل فيها اقل يعنى  ممشيش كتير هيدخل النار ولو كانت المسافه بينه وبين البلد الى كان هيتوب فيها اقل هيوصلها بسرعه هيدخل الجنه
يقوم ربنا يقلل المسافه بينه وبين البلد الى هيتوب فيها وكأنه كان هيوصلها بسرعه ويكتر المسافه بينه وبين البلد الى قتل فيها
شوفتوا رحمه ربنا بينا عامله اذاى وطبعا القصه دى انا قرياها من زمان فبعتذر لو حد قراها وانا كنت عامله فيها حاجه غلط انا كتبت الى انا فاكراه
تفتكروا بقا الى قتل ١٠٠ واحد وربنا تاب عليه مش هيتوب عليك انت ابدء دلوقتى متخلصش البوست دة دلوقتى وانت بتقرء اتوضى وصلى ركعتين توبه لله عن ال المعصيه الى انت بتعملها
والى بقا بيعمل عبادات حلوة من تسبيح لقيام ليل لحفظ قرآن لقرايته كتير وتدبرة ياباشا متتغرش والله لو اتغريت لهيوقعك وهيسحب العبادة منك ربك مش محتاجك اصلا انت الى محتاجه هو الى بيلهمك الدعاء الى بتدعى بيه عشان عايز يديهولك هو الى بيلهمك حلمك عشان عايز يحققهولك اتمسكوا بربنا وقربوا منه ربما بيحبنا اوى قربوا منه حياتنا دى متسواش حاجه قدام رضا ربنا علينا
عيش حياتك استمتع بيها اعمل فيها الى انت عايزة بس الى يرضى ربنا ها مش اى حاجه  وفنفس الوقت قرب من ربنا خليك جنبه انت محتاجه محتاجه والله محتاجه جدا جدا
اخر حاجه هتكلم عليها
الصبر مش بيقولك الصبر مفتاح الفرج
عارفه انك بتدعى وبتلح وتعبت من كتر الصبر والدعا بس اوعى تبطل دعا الدعاء دة سرة باتع  بيعمل العجايب والله هو الى بيقف فى وش القدر وممكن كمان يغيرة
يظل القدر والدعاء يتصارعان بين السماء والارض حتى يغلب احدهما الآخر
انت ممكن فى اللحظه الى تبطل فيها دعا يبقا خلاص دعائك هيغلب قدرك فتبطل فالقدر يكسب
ربنا عارف تعبك وحزنك وارهاق نفسك وانت فاكر انو مش عايز يحققلك طلبك حاشاه هو ممكن يحقللك طلبك فى غمضه عين بس هو بيحب العبد اللحوح الى يقعد يزن ويتحايل ذى العيل الصغير
مش وانت عيل صغير وعايز حاجه من الحج او الحجه تقعد تزن وتحايل وعشان خاطرى يا ماما بالله عليك يا بابا وتقعد تزن تزن تزن تزن لحد ما يوافقوا
مهو الزن على الودان امر من السحر
اهو ربنا عايزك تعمل كدة بالظبط تفضل تزن وتطلب ومتيأسش وخليك واثق ان ربنا هيحققلك مرادك اقف على باب ربنا وافضل خبط خبط خبط ورزع وخليك رزل لحد ما ربنا يفتحلك الباب و دعاك يغلب قدرك مش جايز فى الوقت الى بطلت تخبيط فيه على الباب يكون ربنا هيفتحلك الباب فعلا اوعى تيئس بالعكس افضل لح وادعى وعيط واطلب وافتقر واتذلل لربنا ربنا بيحب يشوف عبدة اللحوح بيحب يسمع دعائه ليه بيحب يشوف تذلله وافتقارة ليه اوعى تيئس او تظن فى ربنا ظن سوء
💝💝ربنا قال انا عند ظن عبدى بى فإن كان خيرا فله وان كان شرا فله💝💝
بطلوا ظن السوء يا جدعان بالله عليكوا
والى هنا ينتهى  وصله الرغى بتاعى انهاردة🤣🤣🤣 معلش طولت عليكوا😀😀 والله انا بقالى كام يوم عايزة ادخل اتكلم فى اى حاجه 🤗🤗🤗وانهاردة مسكت الاكونت والكلام جر بعضه ورحت قايله والله لنا داخله اكتب والى يعرف يخرجنى يفرجنى 😂😂😂
اتمنى اكون فيدتكوا ولو بحاجه بسيط😘😘
كومنت بليز ودعم يا جدعان
بقبل النقد السلبي  والايجابى ميضرش والله🤗🤗
والى هنا ينتهى وصله الرغى بتاعى ايها السيدات والسادة🤗🤗
🌻🌻🌻
اتمنى يعجبكوا🤩🤩
بقلمى انا سنيوريتا الروايات اروى العش 🧚‍♀️🧚‍♀️
خواطر ليليه 🌼🌼