خواطر ليليه

قبل فوات الآوان

قبل فوات الآوان
احنا  ليه بنضيع وقت كبير من حياتنا  على حاجات المفروض اننا نكون عملناها من زمان   ليه بنستنى لحد ما يفوت الآوان على علاقه ود قديمه ، مشكله بنندم عليها ، اعتذار المفروض نعتذره من زمان... ليه بنسكت ومنتكلمش ليه مبناخدش خطوة ليه مبنتحركش قبل ما يفوت  الأوان ونرجع نندم فى وقت مينفعش فيه الندم  لاننا هنكون خسرنا ومحدش فينا كسبان  ... الحياة بتجرى بسرعه  مخيفه  بسرعه تخلينا منستناش كل دة ،، سرعه تخلينا نصلح اى غلطه قبل ما يفوت الأوان... ليه بنضيع ناس بنحبهم عشان بنخاف من رد الفعل او كبريئنا بيمنعنا او عشان ١٠٠ سبب ملهومش لازمه ليه  احنا ساكتين.
اتكلموا اتحركوا انطلقوا قولوا الى جواكوا قبل ما الوقت يعدى ويفوت الآوان ... عاتبوا انسوا  اصفوا سامحوا ،،الزعل والله بيروح بكلمه حلوة .. بضحكه صافيه ... بطبطبه على القلب .. بحضن او بلمسه ايد ... بهمسه تشجيع  ... بكلمه تطمن بيها قلب الى بتحبه ... بلمعه عين ... بكلمه تنور القلب والروح.
مش مهم مين ابتدى مش مهم مين غلطان ابدء انت مش جايز الى انت مستنيه هو كمان مستنيك  انسوا سامحوا متنسوش بعض عشان غلطه
كلمه ياريتنى دى مؤذيه اوى شعور انك اتأخرت او الوقت فات دة شعور مدمر  ساعتها بنتمنى نرجع ولو لحظه واحدة نصلح فيها  كل شئ  صالحوا بعض  مش لازم عشان مناسبه على الاقل تنام وضميرك مرتاح وان محدش زعلان منك وانك على الاقل عملت الى عليك
بس خد بالك ابتدى وسامح الى يستاهل تسامحه فى ناس  مينفعش نزعل منهم اصلا واى  مشكله بينا مش هتنسينا بعض ولا هتهدم  سنينا الحلوة وفى ناس  البعد عنها غنيمه  لانها مش بتعمل حاجه غير انها تئذى القلب وتطفى الروح وبس
اخر حاجه احنا بنلف فى دايرة كبيرة عجله الحياه،،  عجله الحياه بتلف بسرعه كبيرة  ومنعرفش كل واحد فينا هينزل من عجلته امتا   صالح وانسي وسامح قبل ما يفوت الآوان على الاقل لما تنزل من عجلتك  ما يكونش آوانك فات ولا يكون آوان حبايبك فات
###
اتمنى تعجبكوا
رئيكوا بصراحه
بقلمى انا سنيوريتا الروايات اروى العش 🧚‍♀️🧚‍♀️
خواطر ليليه 🌼🌼