انكل مجدي عاوزه حضرتك في موضوع
تحدثت نسرين مهاتفة بها مجدي صديق والدها ؛
أجاب مجدي مردفاََ:خير يانينا ياحبيبتي عاوزه حاجه قولي متتكسفيش انتي بنتي يانينا
نسرين:كنت عاوزه حضرتك تكلم بابا تقوله اني مش عاوزه اكمل مع أمجد حكيت لبابا قالي اني كدابه وزعق فيا وضربني وقالي ابطل دلع واني بألف حوارات عشان مكمّلش معاه وانا مش هقدر اكلمه اقوله تاني انا خايفه
مجدي:هكلمه ياحبيبتي متقلقيش
نسرين:ربنا يخليك ليا ياانكل مجدي حضرتك بتهوّن عليا حاجات كتير اووي
انهت مكالمتها شاعره بالراحه......
على جانب آخر؛
والله ياسياده اللواء انا كان في حد معين شاكك فيه بس مش نفس الشخص المطلوب في الصورة اللي حضرتك وريتهالي
اللواء رفعت: ازاي مش نفس المطلوب في الصوره هيكون اتنكر يعني ولا يكون اختفى ومين ده اللي انت شاكك فيه
احمد :الكام مره اللي نزلتهم كمين في الطرق اللي اعتاد يتحرك فيهم زي ماحضرتك اكدتلي
اول مره مشكتش في حاجه تاني مره شكيت في كام عربيه بس واحده منهم هي اللي شكي فيها زايد
اللواء مجدي :تمام يااحمد انا حاطط عليك كل أملي انك انت اللي هتحل الموضوع ده
احمد:تمام يافندم وناوي كمان اجمع معلومات عن كل الركاب اللي كانو مسافرين على نفس الطياره اللي مهدي كان عليها مش يمكن يكون مأجر حد يقوم بأعماله وهو يتداري بما ان وجوده في اي مكان هيشكل خطر عليه ......
في مكان ما أشبه بكافيه؛
اتأخرتى كده ليه يا نينا كل ده مستنياكي
نسرين مفيش يابنتي ربنا رزقني كده بظابط مطلع عيني كل ماامشي من طريق الاقيه واقف في كمين وبعدين الطرق دي اصلاََ مكنش فيها قبل كده كل الكمين ده
نهي: مش عارفه والله بس الظاهر ان في حاجه مش طبيعيه عشان كل ده يحصل انا برضو لاحظت كده وانا جايه
نسرين:الظاهر كده فعلاََ ربنا يستر
بينما الفتاتان في طريقهِن
اذا بشاب يقوم باعتراض طريقهم
الشاب: على فين كده القمر الحلوين يااااه اول مره اشوف قمر بيطلع الصبح
نهي :اتلم يا جدع انت بدل والله لا اوريك انا بقى النجوم في عز الضهر
الشاب: ياريت والله قمر او نجوم اي حاجه
نسرين :خلاص يانهي بقى سيبك منه ويلا بينا منتكلمش مع الأشكال دي
الشاب :لا اقفى هنا ياحلوه كده انا هوريكو الأشكال دي بقي
اذا برجل آخر متحدثاََ:
يلا من هنا يابابا لم نفسك كده عشان مقلّش منك
الشاب: تقل من مين ياجدع انت
الرجل: لا بص انا مش هتكلم كتير
ثم فاجئ الشاب بلكمه في وجهه تراجع على إثرها حتى كاد أن يسقط
الرجل : ها تحب اكمل بقى
اذا بالشاب يتراجع ويختفي في لحظه
نسرين: شكراََ جدا لحضرتك انا مش عارفه من غيرك كنا عملنا ايه
نهي : مش للدرجادي يانسرين ايه كنا هنعمل ايه من غيره يعني ع العموم شكرا
الرجل : هو انتي متعرفيش تقولي شكراََ كده بس وتبقى زوق مثلاََ
نهي: خلاص يا كابتن متشكرين يلا يابنتي
....... ع الجانب الآخر
ايوه وصلتني المهمه يعني المره دي شخصيه مهمه مطلوب مني قتلها
الآخر :بالظبط كده يامهدي الشخص ده مبقاش يفيدنا كتير بقينا نعمل مصالح أكتر مع ناس غيره بقى كارت محروق بالنسبالنا وبما ان مش هنتعامل معاه تاني فوجوده بيشكل خطر علينا ممكن في اي لحظه يجيب سيرتنا بأي كلمه أنجز بقى كام يوم تكون مخلص وتختفي تسافر تروح اي بلد تانيه والمبلغ اللي اتفقنا عليه
هيتحول في رصيدك متقلقش...
...........
في مكتب اللواء رفعت؛
احمد:خير يافندم حضرتك طلبتنى
اللواء رفعت : في شخصية مهمة في البلد جالها من فتره كده تهديدات كتير عاوزك تشددلي الحراسه عليه يا أحمد وتتابع لو ليه عداوة مع حد
احمد:انا شاكك يافندم ده ليه علاقة بالمتهم اللي بندور عليه ووصلنا للسيارة الأجرة يافندم وحددلنا المكان اللي وصّل مهدي فيه فتشنا المكان كله ملهوش وجود وعملنا مسح ع المنطقه اللي نزل فيها والمناطق المجاورة اجهزتنا ملقطتش وجوده في أي مكان من يوم مغادرته الفندق
اللواء رفعت : الموضوع بيتعقد اكتر ولا ايه وبعدين ليه بتقول ان ممكن يكون في علاقه بين التهديد اللي اتعرض له الشخصيه دي وبين المجرم المطلوب ايه اللي في دماغك يا أحمد
احمد: اول ما أوصل لجديد هبلغ حضرتك يافندم ده لسه مجرد شك
رفعت:ربنا معاك ياأحمد بالتوفيق
أحمد : تمام يافندم
........
في فيلا منير المنشاوي
منير المنشاوي مردفاََ بنبره مُحذِّرَه:
مجدي مش عشان انت صاحبي و عارف غلاوتك عندى ده يديك الحق انك تتدخل في مصير بنتي
مجدي قائلا بهدوء يحاول ضبط اعصابه : لا عشان انت عارف ان نينا دي بنتي فعلاََ وانا بحبها ازاى وانها هونت عليا كتير بعد وفاة زوجتي خصوصا َ اني معنديش ولاد
البنت قالتلي على اللي عمله أمجد وانك مش مصدقها مش عارف انت ازاي تكدب بنتك وتصدق ولد زي ده خصوصا َ انك عارف سمعته
منير: لا انا متأكد انها كدابه وبعدين الولد بطل الكلام ده من اول ماخطبها فهي تبطل دلع وتحمد ربنا ان في حد قبل يبص في وشها اصلاََ
مجدي: انت بتتكلم جد دي اللي بتتكلم عليها بنتك ازاى تكدبها وتدافع عنه لا الظاهر انك مصالحك الشخصيه وطمعك خلاك مش شايف قدامك؛ ومش عارف ان اللي بتتكلم عليها دي بنتك اللي انت عارف أخلاقها وانها قالتلك مش عاوزاه وحاولت تتقبله وكانت هتكمل معاه لحد ماشافت خيانته بعينها عاوز ايه اكتر من كده تاني
منير مردفاََ بقليل من الصبر وعدم اللامبالاة :افهم اللي تفهمه يامجدي بنتي وانا حر فيها انا استحاله افرّط في الولد ده وخصوصاََ وانا داخل على انتخابات و اتفضل بقى يا مجدي عشان انا عندي مواعيد وخارج دلوقتي
مجدي :انت بتطردني يامنير دي آخرة الصداقه اللي بينا وعشرة العمر شكراََ يامنير بس انت الوقت اللي هتفوق فيه هيبقى متأخر اوى وهتبقى دفعت التمن غالي......
أنت تقرأ
أحببتك واكتفيت
Mystère / Thrillerمركز الأول لايت. 👏👏 28/11/2021 والمركز الثامن عبرة المركز ال٢٠ لغز ****** ماذا إن تَغيَّرت شخصيَّتُك كلياً.. أصبحتَ شخص لم تَكُن تُريده يوماً... تَسلّلَ لقلبك اليأس إلى أن أدركتَ أنّه قَدَرُك واستسلمت له ليفعَل بكَ ما يشاء لم تَكُن تَعلمُ أ...
