أحببتك واكتفيت

الفصل الثاني :رأيتُكِ

رن هاتفه  بعد أن عرف هوية المتصل  أجاب فوراََ  فهي بمثابة ابنته التي لم ينجبها، وهوصديق والدها بل أفضل منه..
_ ايوه ياحبيبتي عامله ايه يانينا..؟
اكتسحت الحيرة والقلق ملامحه بعد أن استمع لشهقاتها ونحيبها عبر الهاتف مسترداَََ حديثه قائلا:
_مال صوتك في ايه  اهدي وقوليلي انا مش فاهم من عياطك حاجة
أجابته بصوتٍ مختنق بين دموعها :
نسرين:أنكل مجدي  لو سمحت حضرتك ممكن تيجي فوراََ للعنوان ده
ما إن أغلق هاتفه ذهب مسرعاََ إليها.!!!
……..
عندها هي تقف خارج سيارتها بمحاذاتها تفرك أصابها من فرط التوتر تمسك بهاتفها تنظر له تارة وساعتها تارة آخري.ليعلن مظهرها ارتباكها الواضح وانتظارها لشخص ربما يكون هو منقذها وأمانها الوحيد من ذلك المأزق..

_ها. يارب تكوني اتصلتي وعملتي مكالماتك عشان انا اصلاََ مش هخرجك منها ومش هتشوفي النور. هتف بها احمد قائلا بنبرة تحمل السخرية يشوبها الغضب
تنفعل نسرين من لهجته المُحمّلة بالازدراء لها مُتناسية تماماً العواقب الوخيمة التي ستترتب على ذلك لتقول بغضب: انت ازاي اصلا تتكلم معايا كده ومين ادالك الحق للي بتعمله ده انت فاهم انت عملت ايه!!
أحمد: انا فاهم كويس جداااا ده شغلي ياماما  الدور الباقي على اللي أهلها سايبنها تسوق عربيه وعماله تكسر في كمين وياعالم عملتها كام مره قبل كده او هربانه من ايه 
هنا لم تستطع التماسك اكثر بعد
اغرورقت عيناها بالدموع  واخذ تنفسها يعلو وشهقاتها تزداد
صمت هو لم يعرف ماذا يفعل أمام هذه الشابة ام انها طفلة ببكائها  هذا
اضطرب تفكيره ثم اخذ يحدث نفسه ضارباً كفا بالآخري:
انا كان مالي يارب ومال المواضيع دي كمين ايه بس اللي أقف فيه واشوف ناس زي دي، انا احل قضايا ادخل مهآم اضرب رصاص اقبض على مجرمين  مش كمين ربنا يسامحك يا سيادة اللواء
……….
في شقه لم تكتمل تجهيزاتها بعد؛؛

_ ازاي يعني عرفت منين تحركاتي ومين اللي قالها اصلا؛ هتف بها أحدهم غاضباََ
بينما هي اعتدلت  وبدأت في ارتداء ملابسها ثم قالت
والله يا أمجد الظاهر ان حبايبك كتير وحد بيتابع تحركاتك راح قالها او كلمها
قاطعها أمجد قائلاَ:شيرين انا لو هشك في حد انتي اول حد هشك فيه
شيرين : لا انت الظاهر عقلك تعبان وانا  ايه اللي هستفاده لما أفضح نفسي مثلا
أمجد :صدقيني مش عارف بس لو اتأكدت من اللي في دماغي مش هرحمك
…………
في مكتب اللواء رفعت :
اللواء رفعت  يكسو  الحماس ملامحه  عند رؤية أحمد قائلاََ:ها موصلتش لأي حاجه يااحمد؟
أجابه أحمد بكل ماتوصل إليه وما ينتوي فعله : لا يافندم
هو ساب الفندق من فترة قريبة وملهوش سكن محدد بس انا ناوي اجيب عربية الأجرة  دي واعرف منه كل التفاصيل اما بالنسبه للكمين النهارده عملنا تفتيش  على كل العربيات كله تمام مفيش اي حد عليه شك ابداََ

اللواء رفعت :ازاي معلوماتنا قالت إنه كل تحركاته كانت قريبه من المكان ده؛....
أجابه احمد بنبرة حائرة: الحقيقة يافندم بحثنا في كل مكان بس
ملهوش أثر اطلاقا َ بعد مامشي من الفندق مش باينله وجود في اي مكان تاني؛ صمت لحظة ثم اردف قائلاً بحماس : إن شاء الله يافندم قريب هيبقى في اخبار جديدة…
……….
علي الجانب الآخر؛
_لا متخافش عليا عديت من الكمين وكله تمام اصلا استحاله حد يشك فيا وانا ورقي كله سليم
شخص آخر :طيب اقفل دلوقتي يامهدي وهنبلغك بكل حاجه بعدين؛ اكيد عرفت باللي حصل  وانك بقيت من المطلوبين
أجابه مهدي  :طبعاََ وكنت حاسب للخطوة دي كويس اوووي وعامل حسابي؛ تمام انا في انتظاركم...