أحببتك واكتفيت

الفصل السابع عشر:

بغرفة المستشفى  ترقد هي  بأحد الأسّره تتصل يديها بالمحاليل بينما هي تغفو او هي مجبره على ذلك ضعفاً بل  هروباََ من واقعها وألماً

_ انا همشي دلوقتي يابنتي هخلص إجراءات دفن منير، خليكي معاها ومتسبهاش يانهي لازم يبقى حد جنبها انا رايح انا وأمجد نخلص الإجراءات اول مااخلص هرجع اتطمن عليها 

أردف بها مجدي موجهاً حديثه لصديقتها نهى التي تقبع بأحد المقاعد بجانب  فراش صديقتها بالمستشفى؛ أجابته نهي: أكيد يا انكل مجدي انا مش هقدر اسيب نسرين كده اتفضل حضرتك ومتقلقش عليها لو في اي حاجه هكلم حضرتك أقولك.. 

في طريقه أثناء مغادرته المستشفى لمح دخوله المُهيب بالزي العسكري  الذي يرتديه أخذ يحدث نفسه :الضابط أحمد ايه اللي جابه تاني ماهو زميله  الضابط مصطفى موجود وهي البنت ناقصه استجواب منهم هما الاتنين مش لما تفوق الأول، أثناء شروده قاطعه صوت أحمد موجهاً  له التحية :بعدما رد عليه مجدي التحيه أردف له: حضرة الرائد.. نسرين دلوقتى تعبانه ومفاقتش لسه وبعدين هي مش هتقدر تتحمل انتو الاتنين تسألوها على اي حاجه دلوقتي كفاية صدمتها بوفاة والدها ارجوك أجل كل حاجة  دلوقتي لحد بس ماتفوق

قاطعه  بابتسامة مطمئنة له متمتماً بكلماتٍ: اطمن يا استاذ مجدي  انا جاي عشان اقول لمصطفى  ميتكلمش مع آنسه نسرين في اي حاجه دلوقتي وانا هتابع كل حاجه بنفسي 

رمقه مجدي نظرة أمتنان وشكر  لما يفعله من أجل نسرين ولإحساسه بالصدق بكلامه ولمحه لتلك النظره بعينه؛ تلك النظره تُعني الكثير لو صحَّ حدسه؛ لقد لمح تلك النظره لها من قبل عندما أتى  المستشفى  لحظه أصابه والدها  ليطمئن عليها….

في شركة الهوارى قامت هي بإرسال الإيميلات التي طلب منها أمجد إرسالها بتحديد موعد استلام الشحنه الجديدة من المواد الغذائية؛ أنهت ماتقوم بعمله ثم أمسكت هاتفها : ايوه يا أمجد هتيجي أمتي عشان تتمم باقي الشحنة ونستلمها وتمضي الورق 

أجابها أمجد: طيب  مسافه الطريق وجاي حالاََ بس اعملي حسابك تكوني مجمعالي كل الورق اللي عاوزاني أمضي عليه عشان همشي تانى واكمل باقي إجراءات دفن منير 

أردفت شيرين :تمام يا أمجد مستنياك  

أغلقت بينما أردفت هي: حلو كده قريب اووي وهخلص منك… 

استأذن هو من مجدي بإخباره بأن لديه بعض الأشياء الهامه المتعلقه بالعمل وعند انتهائها سيأتيه على الفور

أردف مجدي :روح ياأمجد شوف اللي وراك انا ممكن اخلص كل ده لوحدي اصلاََ عموماََ  لو احتجتك هقولك…. 

بالمستشفى دلف هو إلي غرفتها  وقعت عينيه عليها تألم لرؤيتها  بتلك الحالة اجتاحت الوخزات قلبه مجدداً كل مرة يراها بها بذلك الضعف او الحزن يتمنى لو يأخذ نصيبها من الحزن كاملاً، لِمَ هي تحديدا َ.. لايعلم