أحببتك واكتفيت

الفصل السادس عشر:

سَمِعَ ضَحِكَتهُ المعتادة الباردة تلك قاطعها أحمد متمتماََ بصوتٍ جلل: بطّل ضحكتك دي وفهمني بقى لما اللي لقينا جثته في البحر يبقى عثمان متولي امال انت مين ََ؟ ومتحاولش تكذب عشان انت عارف اني من البداية شكيت فيك وان ليك علاقة بمهدي وانت فاهم كويس اوي انك لو أنكرت حاجه هعرفها وهجيب برضو الحقيقه بيك او من غيرك..

قاطعه هو :ايوه طبعاََ عارف وعشان كده انا مش هنكر وهحكيلك على كل حاجة عشان دماغك عجبتني يا حضرة الظابط عشان خطتي استحالة كانت تتكشف. انا كنت سابق بخطوة عنكم في كل حاجه بس بما إنك كشفت جزء من خطتي فأنا هقولك على كل اللي حصل....

في المستشفى...

استقرت حالة منير المنشاوي وتم نقله من العناية الفائقة إلى غرفه عاديه وسُمَح له بالزيارة..

هرعت إلى غرفة والدها ممسكه بيده تستمد منه بعض القوه؛ قبل الحادث كانت تعلم أن لا أحد بإمكانه أذيتها يكفيها أنها ابنه منير المنشاوي لأنها تأوي إلى ركنٍ شديد؛ تعلم هيبته وان الكل يخشاه كانت لاتخشي أحد سوي أمجد الذي فرضه هو عليها؛ أمّا الأن بحالته تلك تخشي فقدانه، إن فقدته ستُصبح وحيده كلياََ؛ ستنهار في هذا العالم بل ستتوه به

يكفي انه أباها...

أفاق هو على دموعها التي تنساب فوق يديه ليجدها تُمسك يده بشده وكأنها تخشي ذهابه أو أن يُبعدها أحداََ عنه..

ليدرك أنها أحبته بصدق بعد كل هذا أحبته حقاََ...

تمتم بوهنٍ شديد : أنا أسف يا بنتي انا بقالي يومين تقريباََ حاسس انى تايه مش عارف روحي كانت فين انا افتكرت اني مُت يابنتي..

؛ انا مش قدامى وقت كتير..

قاطعته نسرين بحزن دفين : لا ياحبيبي هتقوم وهتبقى كويس وترجع تاني بيتك بس وقتها هنقضي وقت حلو سوا ونعمل ذكريات حلوه بينّا يابابا

قاطعها هو بتلعثم وأنفاس ضعيفه: انا اسف يابنتي بس أنا خايف أني أقابل ربنا وأنا كده... ادعيلي يانينا وسامحيني انا اذيتك كتيير انتي وأمك وخنتها وقسيِت عليها انا معملتش حاجه حلوة في حياتي أبداََ

قاطعته بنحيبٍ وبكاء:لا ياحبيبي انت حافظت عليا وكنت عاوز لي احسن حاجة

اردف هو وكأنه لا يسمع كلماتها او أنه في عالم آخر..

تمتم هو دون تركيز: لما أموت مش عايزك تكوني ضعيفة ومتخليش حد يتحكم فيكى كفايه أني سلبت منك روحك وقهرتك، اتجوزي شخص انتي عاوزاه؛ سامحيني وادعيلي انا خايف من عذاب ربنا يا بنتي؛ أردفت هي: ربنا رحمته وسعت كل شى يا بابا..

هنا دلفت الغرفة الممرضة تأمر نسرين بالخروج لإنتهاء وقت زياره المريض ولِـراحته؛ قاطع حديثهم سماع إنذار جهاز القلب ليعلن عن انخفاض نبض قلب المريض