في فيلا منير المنشاوي
صعدت الدرج وصولاََ لغرفتها كادت أن تفتح باب غرفتها حتى سمعت والدها يقوم بالصُراخ في احد من الخدم قائلا:
الهانم فين
احد الخدم: لسه راجعه يا بيه وطلعت اوضتها
منير: هي كانت بره دي بتخرج وترجع علي مزاجها بقى
بلغيها تنزل فورا
احد الخدم حاضر يابيه
جاءت الخادمة مسرعة إليها كادت أن تتحدث؛
قاطعتها نسرين:سمعت وبلغيه هغير هدومي ونازله حالاَ
هاهي ابدلت ملابسها هبطت الدرج؛
تقف أمام والدها إذ تفاجأت بصفعه على وجهها
من شدة الصفعة تراجعت قدميها كادت أن تسقط أثر اختلال توازنها من شدتها
منير: انتي فاكره اني هسمحلك تعملي اللي انتي عاوزاه لا فوقي انا سايبك تخرجي و تدخلي بمزاجي عارف كنتي فين ومع مين
نسرين مردفه وسط بكائها؛
: بابا انا اتصلت بحضرتك كتير على تليفونك مردتش عليا اتصلت بسكرتيرة مكتبك قالتلي انك في اجتماع وبلغتها لما الاجتماع يخلص تقول لحضرتك اني نزلت
منير:انتي فاكره ان القلم ده عشان كده انك خرجتي من غير اذني قولتلك انا عارف كل حاجه بس القلم ده عشان يفوقك وتفهمي اني اقدر اعمل فيكي اكتر من كده او تريحي نفسك وتوافقي على أمجد
انتي فاكره كل العرسان اللي أتقدمولك وانتي رفضتيهم انا كنت بسمع كلامك وقتها لا انا كنت سايبك بمزاجي لانهم مكنوش هيفيدوني بحاجة ولما أمجد اتقدملك اديكي شايفة رفضك معملش حاجه وانتي دلوقتي خطيبته وهتتجوزوا قريب
كونك تشتكي لمجدي ده مش هيخلصك منه برضو ده هيزود عقابك عندي انا وهتشوفي الوش التاني اللي كل ده مش عاوز اوريهولك……
………
في مكتب اللواء رفعت؛
يجلس على كرسيه مجيباََ عند سماعه طرقاََ على باب مكتبه:اتفضل يا أحمد
خير طمنّي وصلت لحاجه
احمد:والله يافندم انا اللي وصلتله من المعلومات الراجل اللي كنت بشك فيه طلع كان عايش بره بقاله فتره كبيره ومره واحده رجع هنا وهو وحيد معندوش ولا اخوات ولا أهل
اللواء رفعت: طيب كده الراجل معلهوش حاجه
أحمد: انا ناوي يافندم اعرف ايه اللي حصل بره خلاه يرجع فجأه كده مصر ليه مكملش باقي حياته هناك وكان بيشتغل ايه و تبع مين
رفعت:هتعمل كده ازاي يااحمد
احمد: بسيطه يافندم ابن حضرتك مسافر كندا والراجل كان في كندا برضو فتره كبيره فهو اكيد هيعرف حاجه
رفعت: هو انا مقولتلكش مش محمود رجع من كام يوم
احمد قائلاََ بلهجة يشوبها السخرية : ماشاء الله ايه الصدف والحظوظ دي انا محظوظ جداََ هي بتعقد ليه كده….
….
في منزل احمد
قام بمهاتفة صديقه
احمد: بقى يا ندل ترجع مصر ومتقوليش
محمود: عيب عليك ياابو حميد انا كنت هكلمك بس انشغلت في شويه ورق وانت عارف اللواء رفعت اقوله يابابا طيب خلصلي ده يقولي ؛؛اردف بنبرة سخريه متقمصاََ صوت ابيه :ولد مش عشان ابوك لواء فتستغل منصبه وتكاسل لا انت تنزل تقف الطوابير زيك زي اي مواطن احنا هنهزر ولا ايه ؛ ومبهدلني يا ابني معاه والله مااعرف اتمصلح من شغلانه ابويا في حاجه
احمد بممازحة لصديقه: ولد مسمهوش ابويا اسمه اللواء رفعت
احمد:طيب بص بقى عاوز اقابلك ضروري وحشتني ياعم منها اشوفك واقولك على حاجه كده يمكن تفيدني فيها
محمود: والله يا جدعان انا نفسي استغلكو في حاجه سياده الرائد وسيادة اللواء مش عارف بتعملو معايا كده ليه
بس عنيا ياابو حميد شوف نتقابل امتى انت تؤمر
؛؛؛؛؛؛
في مكتب أمجد؛؛
شيرين: على فين كده يا أمجد مروح بدري ولا ايه
أمجد: لا أصل معزوم النهارده عند منير المنشاوي ايه عندك مانع ولا بتغيري ولا ايه
شيرين بضحكه لعوبة : لا يا بيبي انت عارف مش سِكِّتِي خالص ان اغير عليك عشان انا عارفه انت بتعمل كل ده ليه وفي الآخر هتتجوز مني انا
امجد:جواز مين جاب السيرة دي بس انتي عارفه انا هديكي ايه لما نخلص الموضوع ده واتجوز بنته هاخد كل حاجه واطلقها ونقضيها سواااا
شيرين :قصدك ايه بعد ده كله تقولى نقضيها سوا ومفيش جواز لا انت متعرفنيش انا ممكن اعمل ايه
امجد: لا انتي عارفه مبحبش اشوف وشك وانتي عصبيه كده سبيني بس اخرج دلوقتى ونبقى نشوف الموضوع ده بعدين
شيرين:لما اشوف اخرتها معاك ايه
؛؛؛؛؛؛
في فيلا منير المنشاوي
سمعت طرق على باب غرفتها وصوت احد الخدم يقول : ياهانم البيه بلغني اقول لحضرتك تنزلي عشان الغدا جهز وامجد بيه زمانه على وصول
ارتدت ملابسها ثم نزلت الدرج متجهه لمائده الطعام قائله لوالدها: طيب حضرتك غصب وغصبتني عليه عرفني ع الاقل انه جاي
منير: لا تعرفي في وقتها عشان متلحقيش تتحججي وتروحي في اي مكان
صمتت ثم قامت بسحب الكرسي وجلست عليه
حضر أمجد فقال: متأسف لو انتظرتوني كتير او اخرتكوا
منير :لا ياحبيبي ده بيتك تيجي في أي وقت
نسرين محدثه نفسها بصوت منخفض : آه تيجي في اي وقت ماهو بيت ابوك هو ياشيخ عليك تقل دم أعوذ بالله
التفت إليها أمجد حينما لاحظ نطقها بكلمات اشبه بهمهمات َصعُب عليه فهمها قائلا َ :
بتقولي حاجه يانينا
عندما سمعت منه نينا قالت دون تفكير في ذهنها :نينا في عينك يابعيد
ثم قالت بصوت مسموع : منور يا أمجد
انتهي الطعام همّت مغادرة المائدة إلى أن قاطعها صوت والدها :علي فين يانسرين
تحدثت قائله:انا قولت اسيبكو اتكلمو في الشغل براحتكم
منير: استنى بس نحدد معاد الفرح عشان انا ناوي نحدده بدري ملوش لزوم تستنوا كام شهر ولا ايه يا أمجد
امجد: ياريت ياعمّي ده يبقى يوم المُنى
صُدِمت مما سمعت و…….
أنت تقرأ
أحببتك واكتفيت
Gizem / Gerilimمركز الأول لايت. 👏👏 28/11/2021 والمركز الثامن عبرة المركز ال٢٠ لغز ****** ماذا إن تَغيَّرت شخصيَّتُك كلياً.. أصبحتَ شخص لم تَكُن تُريده يوماً... تَسلّلَ لقلبك اليأس إلى أن أدركتَ أنّه قَدَرُك واستسلمت له ليفعَل بكَ ما يشاء لم تَكُن تَعلمُ أ...
