حصن روما

بكاء و برود

كانت روما واقفه امام فارس بجمود.....

فارس : ماشي...

روما : تمام.... بعد اذن حضرتك.

دخلت روما غرفتها لسحب حقيبتها  لحق بها فارس وامسك بحقيبتها والقاها بعيدا......

وامسكها من يدها ليجعلها تستقيم في وقفتها....

نظر لعينيها.....

فارس : على فين؟

روما ببرود : ماشيه.

فارس : انا قلتلك امشي....

روما : ما انت هتطلقني...

فارس : لسه مطلقتكيش..... اقعدي..

روما :  مستر فارس متتعبش دماغك ودماغي وتجيب لنفسك صداع..... انا همشي وحضرتك ولا اكنك شوفتني واوعدك مش هتشوف وشي تاني..

فارس  :  مترغيش كده كده انا مش ماسك فيكي ولا طايقك اساسا..... وهطلقك بس اما الشغل المهم الي روايا يخلص.

روما : الي هو امتي وانا بردوا مالي... دي كلمه وورقه هتبعتهالي....

فارس ببرود : مش فاضي لإجراءات الطلاق دلوقتي.

فارس استلقي علي  ظهره علي طرف السرير بينما قدميه علي الارض ووضع يديه علي عينيه.

روما احتقنت من بروده فهي تفعل ذلك لاجله وهو يجعل الأمر اصعب عليها.....

روما : طب ممكن حضرتك تفهمني هتبقي فاضي امتي؟...........

لم يات لروما اي رد مما جعلها تنفعل وتقترب منه تسحب يديه من علي عينيه....

روما : و سمحت رد عل......... انت نمت؟

ثم اطلقت ضحكه صغيره فهو كالاطفال نام في وسط المحادثه.......

نظرت لوجهه المجهد وقد بدا بالتعرق بسبب النوم والجو الحار فهو شهر اغسطس.....

وضعت يديه بهدؤ.....

لم تكن تدري اتاخذ حقيبتها وتخرج من المنزل بما انه لم يعطيها اجابه واضحه غير انها علي وشك الطلاق..... ام تنتظر....

قررت روما الانتظار لتري ما سيحدث صباحا........

...................................       

تلقت الاء مكالمه هاتفيه من صديقتها آيه...

الاء : ايوه يا يويو في حاجه.

آيه : انتي الي حصل ايه؟.

الاء : هيكون حصل ايه رفضته طبعا.....

آيه : وانتي كويسه؟

الاء زفرت بعض الانفاس الساخنه كانها كانت تحتفظ بهم منذ فتره...

الاء : عادي كالعاده.... قاعده بفكر في الي ماما وهاله بيقولوه.... تقدري تقولي بدات اقتنع.