حصن روما

مواجهه

كان الجميع علي طاوله الافطار في منزل فارس.

ادم  : ايه يا قمر مش هتاكلي معانا؟

نجوي : هفطر مع فيروز.

ادم : امممم ،طب ممكن اشرب علشان انا محرج اقوم اجيب.

اوس :محرج ؟ دا من امتي دا ما انت بتتفسح في البيت من الصبح.

ادم ويحيى : اخرس انت.

هنا علم اوس انهم يريدون التحدث دون ان تعلم ونجوي ليست امراه حمقاء بل هي اذكي.

نجوي : خدو راحتكم، مش عايزه اعرف اصلا انتوا مخبيين ايه؟

رحلت نجوي....

اوس : انت حلوف يا ادم، دي ماما، دي حفظاك صم

ادم : يعني كنت عايزني اقولها ايه، قومي؟

يحيى : خلاص بطلو نقار، في ايه؟

ادم : دلوقتي يا عمي اوس لازم يسيب كليته ويدخل تجاره.

يحيى : موافق، انا من الاول قلتله لس هو الي متخلف.

اوس : تسلم يا حج.

يحيى : بس ليه دلوقتي؟

ادم : فارس شايف انه لازم يبقي جاهز في اي لحظه يلخد مكانه.

اوس بهمس : الله يخربيتك.

يحيى اشرئب بعنقه وهتف بشك : مكانه ايه؟ هو في ايه؟

ادم : مفيش حاجه يا عمي بس فارس مش فاضي الفتره دي؟

يحيي : بيهبب ايه؟ فارس فين؟ اخوك فين يا اوس

ادم : معرفش، ولا حتي اوس يعرف هو قال انه هيختفي شويه بيطبط حاجه.

يحيي : يعني ايه متعرفش؟

ادم : عمي انت اكتر واحد عارف فارس.

يحيي : ينعل ابوه، انا تهبت منه ماشي بدماغه.

اوس،:اهدي يا بابا فارس مش صغير.

يحيي : هديت هديت يا ولاد الكلب هديت وبعدين.

ادم : علي فكره يا عمي، حامد دخل السجن.

يحيي : نعم ؟

بينما استيقظت الاء في يوم روتيني عادي لتحملها قدمها الي العمل.

بينما عند آيه واكرم.

آيه : اكرم اصحي.

اكرم : اه دماغي.

آيه جلست بجواره : ايه يا روحي افطر وهديم برشامه للصداع 

أكرم : لا انا مش عايز برشامه للصداع انا عايز بوسه.

ابتسمت ايه قليلا وطبعت قبله علي خده والذي بالتالي ابتسم بهدؤ.

اكرم : صباح الخير.