حصن روما

قصر الالكا .

همت : بعد الشر عليا يا بنت نور.

روما : بعد الشر عنك فعلا بعيد عنك لحد ما نتقابل.

همت : عايزه ايه؟

روما : هعوز منك ايه، هاتي خالتي سعاد علشان فيروز عايزه تكلم امها.

همت : هي بنت الكلب البجحه دي لسه عندك.

روما : اه ،عايزه حاجه؟

همت : كلميها علي تليفونها.

روما : لا ،وان مكانتش علي التليفون في خلال دقيقه وبكامل سعادتها هخليكي تمشي تكلمي نفسك.

همت : انتي بتهدديني، شكلك نسيتي انا بعرف اعمل ايه يا بنت امبارح.

روما : لا طبعا منستش انا تقدر انسي، بس الدنيا بتطور يا همت وانتي متعرفيش انا ممكن اعمل ايه، اقولك؟، انا مش هشوقك.

بدات روما بالعد.

روما : واحد....

همت : هتعملي ايه يا بت انتي عبيطه.

روما : اتنين.

همت : سعااااد....

روما انفجرت ضحك.....

همت : يا بنت الكلب.

روما : الله يرحمه، فاكره مات اذاي؟

هنا شردت همت للحظات في ما قسي قلبها وفعلته..بينما روما ذاد غضبها وكادت عينها تبكي من الغضب .. حضرت سعاد وقاطعت شرودها....

سعاد : نعم.

. خرجت همت من شرودها واعطتها سماعه الهاتف وغادرت بينما هي غاضبه....

سعاد : الو.

روما : الو يا خلتوا.

سعاد : روما ،حببتي اخبارك ايه؟

روما : انا تمام الحمد لله، خدي كلمي فيروز خابفه عليكي عماله اقولها كويسه مش مصدقاني

سعاد : هاتيها، انا عارفه انها جبانه.

روما لفيروز : خدي.

تناولت فيروز الهاتف.

فيروز ببكاء : ماما.

سعاد : ايوه يا فيروز عامله ايه؟

فيروز : انا الحمد لله يا ماما انتي عامله ايه؟

سعاد : هيكون مااي انا زي الفل متقلقيش.

فيروز : بابا وتيتا بيعملوا حاجه علشان خطري قوليلي.

سعاد : هيعملوا ايه يا فيروز، متخافيش مش هيعملوا حاجه، مش حب فيا هما خايفين علي نفسهم ف مش هيعملوا حاجه.

فيروز : ماما ،امير عامل ايه؟

سعاد بحسره : ولا حاجه ماشي في ديل ابوكي وستك ومبشفهوش خالص.