حصن روما

غيره

في مصر.....

كان اوس  يستعد لاستقبال اصدقائه.....

لقد كانوا عدد قليل وعلي رأسهم روز ومحمد..

تفرق الجميع بين من يلعب العاب الفديو وبين من ياكلون ويمزحون وكان الوضع هادئ....

الي ان اقتربت روز من اوس.....

روز : اوس.

اوس : همممم.

روز : مفيش حاجه كده..
ثم اتبعت قولها بغمزه.

اوس،: حاجه زي ايه وضحي كلامك.

روز : يعني حاجه بتتشرب.. بدل ما احنا قاعدين زي عيال اعدادي كده.

اوس : لا روحي اشربي في بيت ابوكي.

روز :  انت مشربتش قبل كده ولا ايه؟

اوس : لا....

روز : لو تحب انا ممكن اجيب كل حاجه لحد عندنا في ثانيه.

اوس ابتسم بتهكم ونظر واردف.

اوس :   انتي شكلك سكرانه من غير حاجه وتخرفي.. لو خايفه علي منظرك روحي.

روز : انت بتطردني؟

اوس : اه....

روز: ماشي يا اوس انا هندمك.

اوس : اعلي ما في خيلك اركبيه.....

غادرت روز التي ما ان رآها محمد حتي اندفع الي صديقه.

محمد : عملت ايه البت خارجه شايطه؟

اوس : دي مفكره نفسها جايه night club وجابه تتشقلب وتطلب زفت .

محمد : ما هي دي الحفلات الي كانت في دماغها مكانتش تعرف انها هتبقي سهره عاديه.

اوس : والله دا الي عندي واهي غارت في داهيه.

محمد : انت قولتلها ايه طيب؟

اوس : قلتلها تمشي.

محمد :طردتها؟!

اوس : اه.

محمد : يا فرحتي... مطير المزز كلهم ادي الحفله نشفت..... صاحبها خرجوا وراها.

اوس : ما تنظبط يالا هو انت جاي تعر.

محمد : اعر؟!

اوس : بقولك ايه الساعه 12 بلغ العيال الي برا دي بصنعه لطافه ان القاعده خلصت....

محمد : اقولهم ايه؟

اوس : قولهم ام اوس بتولد.... اوس نفسه بيولد... المهم تخلصني منهم....

محمد : ماشي تصبح علي خير...

اوس : وانت من اهله.

بينما في بيروت...

ارتدي فارس حلته الرسميه.... بينما ارتدت روما فستان انيق من اللون الذهبي والابيص....