حصن روما

كرسي السياره وكرسي النادي

بينما كانت الفتيات يتحدثن...... وتوقفت اصواتهم فجاه نظرت الاء الي روما..  

الاء : وانتي عامله ايه يا روما؟.

روما : انا الحمد لله.

الاء : يعني مفيش حاجه عايزه تقوليها؟

آيه : اهدي يا الاء انتي مالك كده؟

روما : عادي متقلقوش....... بس الصراحه.

الاء : ايوه الصراحه ايه بقي؟..

تنهدت روما واغلقت عينها واطلقت زفير محمل بسخونه روحها المحترقه ....... ثم ابتسمت ونظرت للفتاتين.

روما : بصوا هو في حاجه مهمه بتحصل معايا.... وهموت واقلكم.... بس مش هينفع.

كانت الفتاتان تطالعان صديقتهم باهتمام شديد واردفتا....

ايه : ليه ؟

الاء : احكي واحنا هنسمعك.

تنهدت و اردفت..

روما : بصوا هو الموضوع معقد جدا... صعب اشرحه لما اوصل لنهايته هحكيه من الاخر.......

الاء : براحتك.... بس في اي وقت حبيتي تحكي كلمينا.

آيه : اي وقت احنا فاضيين... متقلقيش.

روما : تسلمولي.... بقولكم ايه انا لازم امشي

هكلمكم في التليفون.....

الاء : طيب استني دقيقه وهنقوم مع بعض...ونوصلك  .

توترت روما ف فارس سيأتي ليقلها... وهي لا تريدعم ان يروه اخر ما تريده الان هو شرح موقفها.....

روما : لا مهو انا راحه في حته كده الاول.... خدوا بالكم انتوا من نفسكن سلام.

آيه : الي يريحك سلام.

الاء : لما توصلي ابقي طمنينا عليكي.

غادرت روما وتركت تلفتيات يجمعن اشيائهن استعداد للرحيل.....

................................           

في الخارج وقفت روما تنتظر قدوم فارس في توتر وترقب قبل خروج اي من الفتيات.....

وصل فارس....... ما ان وقفت السياره حتي قفزت روما في السياره...

روما : اطلع بسرعه......

فارس : ايه في ايه؟

روما : اطلع قبل ما يخرحوا ويشفونا سوا يلا..

فهم فارس ما ترمي اليه روما فقرر  الا يستمع لها واطفا محرك السياره.... وجلس ينظر لها..

روما : انت بتعمل ايه؟

فارس : مش عايز امشي.

روما : دا مش وقته علشان خاطري اطلع.

فارس : همممم والمقابل.....

مانت روما تلتفت ثم تعاود النظر له.