#الثائر
¶¶ الفصــــل الـرابــع ( 4 ) ¶¶
___ بعنــــوان " زواج للأنتقام " ___
رمقهها الجميع وهى تتقدم نحوهما مُرتدية بنطلون أسود فضفاض وقميص نسائي أسود وتلف حجابها وترتدي كعب عالى يطقطق مع خطواتها بثقة ، وقف "ثائر" من مكانها بصدمة ألجمته وقال :-
- أنتِ قُدس!!
- تخيل ؟!
قالتها بسخرية منه وأشمئزاز ثم تابعت :-
- أنت قولت أيه يا حضرة العمدة معلش مسمعتش كويس من هناك
- جايين نطلب يدك لثائر ولد العطارين عشان نحط حد للدم دا
وقف "قاسم" متجاهلًا حديثهما وقال بهدوء هامسًا لها :-
- أطلعى فوج يا قُدس
- وأنا موافقة يا حضرة العمدةومش هكسرلك كلمة
رمقها "قاسم" بغضب وقال بانفعال :-
- موافقة على ايه أنتِ أتجننتى ، أطلعى فوق
- دى رأى لوحدى يا قاسم وأنا اللى هتجوز
جاءت "زهرة" بهلع من حديث صديقتها وقالت :-
- تعالى يا قُدس أنتِ بتقولى ايه
تحدث العمدة قبل أن تغير رأها وقال :-
- على خير الله الفرح يوم الخميس الجاى وعلى حسابى
- خميس ايه وفرح ايه وأنا جوزى ميت بقاله اسبوع
قالتها "فادية" بغضب وهى تخرج من الداخل ، تحدثت "قُدس" بجدية قاتلة :-
- وأنا موافقة بس الخميس اللى بعد الأربعين بتاع بابا
رحل الجميع فصرخ "قاسم" بها قائلاً :-
- أنتِ أتجننتى يا قُدس ، اللى بتفكرى فيه مش هيحصل
سألته ببرود شديد :-
- هو ايه اللى بفكر فيه ؟
- أنك تتجوزيه عشان تنتجم منه فى داره مهيحصلش يا قُدس
تبسمت بمكر وقالت :-
- أهو حصل
قالتها وأستدارت لترحل بعد أن أشعلت النيران ، تأفف بغيظ من عنادها وحين أستدار وجدت "زهرة" تقف خلف ترمقه بمكر وقالت :-
- إحنا محتاجين نتكلم
ذهبت للحديقة الخلفيه وهو خلفها ، أستدارت له بانفعال وقالت :-
- هى مين دى اللى خطيبتك يا أستاذ ؟ أنت ماشي تنشر أشاعات فى البلد عنى
- يعنى دا وجتك
عقدت ذراعيها أمام صدرها بجدية وقالت :-
- اه وقتى
تحدث بغضب شديد قائلاً :-
- يعنى أجولهم أيه ، عاوزين أمشي أجول أيه يا ست السفيرة عزيزة أنتِ
- أى حاجة ضيفة ، أختك ، بنت عمتك أى حاجة أنما خطيبتك
تقدم خطوة نحوها بغرور ووضع يديه فى جيبه ثم هتف :-
- أنتِ تطولى أصلاً
رفعت حاجبها له بغرور وقالت بنبرة هامسة ساخرة :-
- كويس أنى قصيرة عشان مطولش
تعجب لسخريتها وسألها :-
- هو أنا عفش لدرجتى ؟!
أنت تقرأ
الثـــــــائـــر / نور زيزو
Romanceالمقدمة أقسمت أن أنتقم منهم جميعًا وأسترد حقى من دماءهم وأرواحهم سأتلذذ من دموعهم وعذابها، تعاهد على أن يذوق الجميع الألم من نفس كأس الألم، لا يهم كم سأخسر مقابل نيران أنتقامى ولا يهم كيف سأوقع الجميع فى بركان غضبى النارى.. أنا هذه الفتاة التى...
