العميلة 306 الجزء الثاني (اللهجة الجزائرية)

الحلقة 59

الحلقة 59 :
واقف في بيروه رايح جاي .. ماكسيموس !! ... ورا الوقت هذا كامل .. مكفاش انو بعد بنتوا عليه فالصغر على جال هاذ التخلاط فاللخر يزيد يخرج في حياتو .. تنهد و تركز بيديه الزوج عالبيرو .. مش راح يسلم هاذ المرة .. و مدام الحكاية فيها بنتوا .. راح يعمل اللي ميتندارش .. بش تكون بخير .. هز التيليفون .. بعت ميساج .. طلع راسو يخزر مع السقف ..
....................
دخلوا للقصر .
منار؛ مممم باباك عايش كي الملوك ياو
تلفتت تغزر للبلاصة .. اللي للمفروض تكون دارها .. دار باباها .. بصح كلش يبان غريب.. عمرها انتمات ليه .. قدمت وحدة من اللي يخدموا خبرتهم اللي يستناو فيهم على طاولة العشا .. راحوا ..
يزيد؛ منار صافل شوي
منار؛ مممم
إيريكا؛ هيااو جعت هههه
ريان؛ ارهجي وش حاكمك .. نظن مكانش داعي للرسميات بحكم اللي على الطابلة هاذي كامل .. علابالنا بخرايب بعضانا ..
غزرلها اياد و هز كاسو شرب منو ..
هبطت راسها للصحن .. تاكل .. ولا تفرغ في غشها فالماكلة .. تلفت على جنب غزرلها .. مبعد دور ياكل .. علابالو بلي مش حاملة القعدة هنا .. بصح لجق الوقت وين كلش يتريقل .. تلفت غزر لإياد.. ميحتاجش تخمام بش يعرف بلي واصلة معاه للطوب .. خوه و يعرفوا .. و هاذي الحاجة اللي توجع .. انو خوه .. مهما يكون .. ميقدرش ياذيه .. ميقدرش تاني يفرط فيها .. تنعد و كمل ياكل .. تلفت كي كملت وقفت .. مشات طول بلا ما تحكي حتى كلمة
إيريكا؛ عمو يزيد ماتاخوش بخاطرك .. ماو
يزيد؛ ههه تشبه لامها فالطبايع و الغش تاني هههه
تبسم بقهرة .. و وقف
يزيد؛ بصحتكم .. تصبحوا على خير .. تصرفوا كانكم في داؤكم .. ارتاحوا و مبعد كلش يتحل ..
مشا .. شوي و ناضت إيريكا .. خست بلي للزوج عندهم هدرة لازم يهدروها لبعضاهم .. شوي و نطق ..
منار؛ علاه جيت لروسيا
إياد؛ نورمالمو باينة.
طلع راسو خزر فيه ..
منار؛ إياد
إياد؛ مكلاه تبدا منار.. المواساة اللي رايح تقولها .. ماهي رايحة تزيد مارايحة تنقص .. و اطمن غدوةرايح منا ..
وقف جا ماشي .. وقفوا صوتوا من التالي ..
منار؛ مزلت تحب ريان ؟؟
سكت شوي .. يحب يكالمي روحو . و عاود رجع ليه وقف عند
راسو .. حط يدو على الطابلة .. و طبس
إياد؛ كون نقولك مزلت نحبها كيما من قبل .. كيما دوك متبدل والو .. و نتا أكثر واحد تعرف وش عناتلي و وش قادر ندير على جالها .. وش راح دير ..
هزلوا حاجبوا يستنا في جوابو .. و مبعد ضحك و حط يدو على كتافو
إياد؛ بصحتك .. بصحتك يا خ و يا  مشا و خلاه .. باقي كابس على قبضتوا مدة .. كلماتو كان كيف الموس اللي يتحط على جرح جديد .. بصحتوا .؟ فاش .. في أنو حبها ؟؛ وش ل ازم يدير
تكات في بلاصتها تخمم وشنو تلحل تاع هاذ الشي بكل ! ...
طبطبت عليه
إياد؛ ادخل
دخلت
إيريكا؛ وش راك دير
إياد؛ نستنا في غدوة
إيريكا؛ علاه
إياد؛ نرجع لحياتي
إيريكا؛ محكيتش مع ريان ؟؟
غزرلها ندرا كيف و تلفت للطاقة يكمل فالقارو تاعو
إيريكا؛ اوكي بونوي
خرجت قفلت الباب و تنهدت هيأكثر وحدة تعرف شعور تلرفض حياتها كامل تحبوا فاللخر رفضها لدرجة مش منجمة تقابلوا دوك ..
تلفتت على حس لقاتها ريان خرجت من بيتها .. غزرتلها ...
قاعدين فالجاردان لتحت . شوي سكات و نطقت
إيريكا؛ ريان
ريان؛ علابالي وش رايحة تقولي
إيريكا؛ و الندبة منقدرش ننصحك
ريان؛ حاولت نهرب من قبل و منفعش كل مرة لازم نتحط في موقف بيناته عييت من كل شي ..
إيريكا؛ و الحل !
ريان؛ نزيد نهرب
إيريكا؛ تتمسخري
ريان؛ نو مش نهرب منهم و من اللي قاعد يسيي يقتلني ..
إيريكا؛ و كيفاه ؟؟
ريان؛ منعرف روحي ترقدي و غدوة نشوفوا .. هيا ..
طلعت خلاتها .. دخلت يدها جبدت تيليفون باباها الىي سرقتوا .. .. منعرف علاواه تضحك  انو المودباس عيد ميلادها ولا على السنين اللي طيشها فيهم .. غزرت لاخر آبال النومروا الاسباني .. كيما متوقعة اكيديعيطولوا ليه .. طلبت النومروا شوي و هز
ماكسيموس؛ ممم عاودت   !
ريان؛  لالا هاذي أنا
ماكسيموس؛ ههههه و اخيرا سمعنا الصوت تاع العميلة ..
ريان؛ لحق الوقت نحبسوا لعبة القط و الفار لالا ؟
ماكسيموس؛ هههه نظن
ريان؛ برلين بعد يوم
كوبات عليه

توضيح :
نورمالمو لاحظتوا بلي كنت غايبة مدة طويلة الله غالب ظروف صحية بدرجة اولى لانيمي متعبتني بزاف 😣
مزلت مع الدوا 😥
حبيت نحط هذا الطرف تصبيرة برك نشالله تكونوا لخير و مرسي علي سقساو عليا ربي يعطيكم  ما تتمناو و ادعيولي يتحقق ما نتمنا  
توحشتكم أمجوجاتي