الحلقة 54 :
ريان؛ المطلوب
منار؛ تخدمي خدمتك برك تقدري تخرجي ...
غزرلها بتحدي عاودتلوا بنفس الغزرة .. و خرجت .. شوي و خرج .. تمشي قبلوا مع مجموعة من القارد كوغ اللي تابعين لل FBI و تاني جماعتوا .. قدم واحد حللوا الباب ركب .. و قدم رئيس الحرس تاعو يركب من القدام .. تلفت منار هزلوا بيدوا حبس ..
منار؛ خلي رئيسة مجموعة ال FBI تركب هاذ ليام من لقدام نختبروا كفاءة نسا المنظمة
تلفت غزرلها .. قلبت عينيها ... ركب .. زادت ركبت .. طريق كامل و هي تسب فيه داخلها .. تعدا اجتماعو .. راحوا لبيروه تاع السفارة .. تنهدت بتأفف و هي دور حول المبنى .. لين وصلت التسعة روحت ..
.............................
إيريكا؛ كيفاه كان النهار اللول ؟
رمات الفاست و ترمات عالفوتاي
ريان؛ كي الزبل
إيريكا؛ كشما قالك
ريان؛ لالا مصدق روحو بلي يفير
إيريكا؛ مدة و تفوت .. مام التحقيقات مكان والو جديد ..
صونا تيليفونها
ريان؛ مزلتوا برك تحكيو فالتيليفون ؟
إيريكا؛ هههه وصيتوا برك دير حاجة
ريان؛ على أساس منعرفش فيليكس و منعرفكش نتي
ضحكت و هزت عليه .. ناضت ريان دخلت للدوش
الصباح
راحت للعنوان اللي مدوهولها .. بيروه في نيويورك مع وصلت .. قابلها جهامة في وجهها ..
-المسيوا منار طلبك لبيروه
ريان؛ علاه تاني !
هزلها بكتافو .. تأففت و طببت دخلت .. متكي عالبيرو يخربش فالبيسي .. باقية واقفة و هو مهدرش
ريان؛ عيطتلي نورمالموا ! (تحكي و تلز على سنيها )
طلع راسو شاف معاها من لفوق للتحت ..
منار؛ امم
ريان؛ المطلوب
رجع بالكرسي للتالي .. حط يدو في جيوبوا و قدم عندها لين ولا مقابلها ..
منار؛ الليلة كاين حفلة .. في داري.. مش لوتال دونك مكلاه تروحي...
غزر للفتحة الشوميز اللي محلولة شوي
منار؛ و مدابيك تلبسي لبسة تاع سهرة ...عميلة نورمالموت تعرفي خدمتك ..
هزت حاجبها و تبسمت بنفس درجة استفزازو
ريان؛ تأمر
تلفت حلت الباب عاود خبطوا تنطرت تلفتت غزرتلوا .. لقاتوا مع وجها قد قد
هزت حاجبها ..
منار؛ البارفان مزالت نفسها
ريان؛ كيفاه ؟
جبد روحو
منار؛ خلصت الهدرة تقدري تتفضلي ..
قلبت عينيها و خرجت ..
تعدات على كولواغ شافتوا كي منعرف وش مدلوا ولاخر حطوا تحت فاست الكوستيم و يعملوا فاشارات غريبة .. ضيقت عينيها .. مش شكل حراس حماية برك .. زربت تخبات كل واحد راح في جيهة .. مشات وين كانوا واقفين طلعت راسها .. البلاصة الوحيدة اللي مفيهاش كاميرات مراقبة.. يعني شكوكها في محلهم ..
الليل .. الفيلا اللي فيها الحدث .. كامل فالجاردان .. دايرين عالتوابل .. غير كبار الشخصيات .. تقول رئيس داير حفلة .. باقية تثبت مع رجال الأمن .. مكانش الزوج تاع الصباح .. نزلت راسها تتأفف من الطالون ..طلعت راسها على صوتوا
منار؛ مقدرتيش تحملي زوج دقايق .. كنت شاك في أنوثتك و زدت تاكدت .. جات تحكي مشا يتبسم للضيوف و خلاها .. تلفتت على. عينها قابلها واحد من تاع الصباح واقف فالشوكة .. عادي كانوا مكاين والو .. مشات خيرت طابلة مليحة .. بش تقدر تراقبوا .. كي وصلت لرجال الامن متقدرش تخبر لخرين منهم .. معلابالهاش اذا كاين حكاية من اصلوا.. تعدا عليها النادل .. جات تهز كاس فكوا من يدها و شاورلوا يروح .. تلفتت غزرتلوا ..
منار؛ نفختلي نشربوا ..
ريان؛ بصحتك
طفاتوا و تلفتت ترمي فعينيها على هاذاك .. هاز تيليفون يخمي و يغزر للفوق .. ريقلت وقفتها .. و حطت يدها على فخضها تتحسس فالقرد من تحت الروب .. نزل عينوا رشثها في الشق تاع الروب .. و غزرلها ..
منار؛ علاه لبستي هاذ النشافة تقول رايحة ترعاي البقر مش حفلة رسمية ..
تلفتت قحرتلوا و تلفتت على قفاها تتوله كشما حركة غريبة ..
منار؛ نحكي معاك ..
تلفتت غزرتلوا و تلفتت ..
ريان؛ كون تحط الكاس للي فيدك خير و خير مسيوا منار .. على خاطر بديت تودر ...
جاو زوج لعندوا يبانوا سياسيين .. جات تروح كبس على يدها .. .. بش تبقا .. باقي يهدر معاهم .. مين تجي تتحرك يكبس على يدها تحت التابل .. عرفها عليهم على اساس صديقة خارج ميدان السياسة .. تلفتت تغزر لهاداك لقاتوا مكانش .. عينيها تحلوا .. تلفتت تغزر على وراها .. مكانش .. طلعت راسها تلمح وين كان قاعد يشوف.. كاينة حاجة تلمع مخممتش مرتين .. . تلفتت على الضو لحمر على الفاست تاعوا .. نطرت طول دزتوا .. و جبدت الفرد .. طاحت جات عليه .. تعدات الرصلصة على كتفها من لخارج .. ناضوا يتعايطوا .. تقعدت شوي ..
ريان؛ فالبناية اللي مقابلة للطااااج العاشر جيبوه هو و حارس الامن ****** و و******* .. تلفتت غزرتلوا ..
ريان؛ صافا!!!
حاوطوهم رجال للامن بش يحميوه .. قدموا زوج وقفوه ... وقفت تغزرلوا .. تلفت على نغزة الوجع .. حطت يدها على الدم .. قدم عندها ..
ريان؛ لازم نتحركوا لدارك مسيوا منار .. أمنوا الطرييييق
جبدها عنقها .. جات تجبد روحها كبس عليها .. غزر ليدوا اللي تلطخت بالدم و تبسم ..
منار؛ مبروك نجحتي فالاختبار ههه
#يسرى_أمجوج
أنت تقرأ
العميلة 306 الجزء الثاني (اللهجة الجزائرية)
Hành độngالعميلة 306 للجزء الثاني : كون جينا نختاروا حياتنا كيفاه تكون بيدنا .. كون كل واحد فينا يخير .. وش يحب وش يكره .. يحط غير الفرحة فحياتو .. ميخليش مجال و لو شوي للدموع يعرفوا طريق لعينيه .. ينوض كل صباح ..و هو علابالو بلي مش راح يقلق .. و كل شي راح...
