العميلة 306 الجزء الثاني (اللهجة الجزائرية)

الحلفة 56

.. الحلقة 56 :
حل الباب يجري .. تلفتت مرعوبة  .. طبس عندها غزر للنومروا كي تكوبا ..
إياد؛ شكون كان !!!
إيريكا؛ م م م نعرف .. 
تنطرت عندو عنقتوا
إيريكا؛ الرصاص تعدا عليا شعرات .. خطوة كانت تجي في نص ..  راسي !!! ...
إياد؛ شششش خلاص ما صرا والو ...  فاتت
تنطرت
إيريكا؛ ر ريان .. أكيد في خطر
وقف على وقفتها ..
إياد؛ وش كااااين  وش قللولك ؟
إيريكا؛ حياتها ولا حياتكم
هز التيليفون من لرض .. وجهوا تقلب كي شاف الماسكي .. يعني تاع الصح كيما حسبلها .. 
إياد؛ نوضي ملازمش تبقاي وحدك
إيريكا؛ شكون هادو إياد .. وش يحوسو عند ريان !
إياد؛ الديب واب إيريكا .. هيا لازم نتحركو ..  نفهمك فالطريق  ..
حلت عينيها بالشوي .. للثورة بدات توضاح قدامها .. متكي عالفوتاي .. يخربش في تيليفونو
ريان؛ وين رانا !!
منار؛ صحا النوم
ريان؛ وين رانا قلت !
منار؛ نوضي شوفي
ڨحرتلوا نحات العطا و راحت طلت من الطاقة  ... الثلج مغطي البلاصة كامل تبان فيلا صغيرة تغزر للفيلات المقابلين .. و تلفت غزرتلوا ..
منار؛ روسيا
ريان؛ نعم !!!
منار؛ كيما سمعتي
ريان؛ نتا هبلت على روحك.. مع حلت باب البيت تخبطت فيه طلعت راسها  .. كلمة مصدومة قليلة ..
هز حاجبها .. تثبت معاه مليح .. نزلت  راسها ضحكت .. و تلفت غزرت لمنار
ريان؛ هههه جبتني لعندوا منار ؟!
يزيد؛ ريان عندنا ما نحكو 
تلفتت تڨحر لمنار بغش
منار؛ مجبورة اقعدي خير
هزت حاجبها و رجعت بخطوات قعدت عالفوتاي .. قدم قعد قدام منار و جاو مقابلينها ..
ريان؛  هيه وش سر الضيافة تاع بالسيف و اللمة اللي تعجب بزاف هادي .؟
يزيد؛ الديب واب دارو بلاف رسمي بلي راكي مطلوبة و المرتزقة اللي معاهم كامل رح يحاولوا يوصلولك
ريان؛ بسبة الزوج كلاب تاعهم اللي ماتو
يزيد؛ واحد من الطلاب اللي تحكي عليهم ولد بارون من بارونات الديب واب ..
منار؛ بمعنى الضربة جاتهم فالعظم  ميفوتوهاش
يزيد؛ معادش ينفعك أنك تكوني مع ال FBI ولا غيرو ..
ريان؛ اهيه
غزرولها و هي تتبسم ..
ريان؛ جبتوني هاد الطريق بكل بش تقولولي الهدرة هادي ؟
يزيد؛ مش هامتك حياتك ؟؟
ريان؛ حبس حبس نتا بعد ميحقاكش مامبا تهدر على أهمية حياتي  .. على حسب كون تخمم في أهميتها النهار اللي طيشتني
يزيد؛ ريان
ريان؛ خلاص خااص  و نتا سي منار ؟ تاني هامتك ؟ صحا كيفاه طاحت عليك الحنية .. نتفكر بلي ال***** تاع باباك كان أهم مني .. و نهار قتلك بلي  نخلي كلش علاجالك خيرت عايلتك ... الوحيد اللي عندو الحق يهدر هو إياد .. تعرف علاه ؟ .. على خاطر رغم كلشي جامي غلط بشعرة .. و حتى غلطتوا اللي غلطها متتقارنش بالشي اللي درتوه في زوج .. دونك من غير ما نبلعطوا بعضانا ... و تمثيليات المحبة هاذي فوتكم منها ..
طلع راسو غزرلها .. كلن مش هاموا غشها لين جبدت حكاية إياد .. العروق بش تطرشقلوا ..
يزيد؛ نأجلوا الهدرة لين تركحي .. منار اتهلا .. و هام الىجال برا .. نشوف كيفاه نتصرف و بيناتنا التيليفون ..
خرج من البيت .. ضحكت
ريان؛ ناويين تحبسوني هنا .. مراض نتوما ؟؟
مشات جيهة الباب .. جات تحلوا لقاتو مقغول ..
ريان؛ حل ****** الباب هذا ..
باقية تعيط والو لين جهدها طاح .. تلفتت لمنار لقاتو متكي و مغمض عينيه ولا علابالو ... نفخت و قدمت للطاقة تغزر للبرا .. الثلج يصب .. .. غزرت للرجال لتجت تقول ڨازارنا تاع الجيش .. نفخت .. و ترملت عالسرير .. باقية تغزر للفوق .. حابة تبكي .. بعد المدة هاذي الكل ..  تحس بلي كاين دموع .. تلفتت غزرتلوا .. وورت محال تبكي قدامو .. تعدا وقت لين غفات ..
.............................
إياد؛ ممم وش تاكلي ؟
إيريكا؛ كول نتا معينيش إياد
إياد؛ إيريكا نحي عليك .. نورمالمو  تخدمي فال FBI والفتي بستراس كيما هذا ..
إيريكا؛ ظروف و تلمت إياد .. حاسة بلي كل يوم نعديه بلا ما نحس بلي صرات حاجة معايا تفرحني .. كل يوم نصبر روحي بغدوة بلي رلح يكون أفضل بصح والو الشي اللي نحبول منلقاهش ..  تعرف شعور أنك عايش غير بش تعيش برك
إياد؛ أنا اللي نعرف
جا السارفور
إياد؛ 2 plats of the special dish please
إيريكا؛ و حاجة تنسي نشربوها
تبسم على هدرتها و هزلوا براسوا راح
................................
متكي قدامها يغزرلها كيفاه راقدة .. يحب يحبس اللحظات هاذو .... هذا هو الوقت اللي تكون فيه كالم .. هز يدو عداها على شعرها .. قداه كان صعيب .. يفوت هاذ الوقت كامل بلا بيها .. تنطر على صوت الرصاص .. فاقت مفجوعة .. تقعد راح يجري طل من الطاقة
ريان؛ وش كاين !!
منار؛ اششش ارجعي لورا
ما جا يتلفت طاح الزجاج تاع الطاقة .. مزية مضاد للرضاص ..
ريان؛ مناااار .. تنطر جرا عندها ..
منار؛ لازم نخرج من .. دوك يطربقوه ..
شوي و ترمات بومب .. بدا يخرج منها الدخان .. خرجوا يجريو .. القصر مليان دخان ..
منار؛ ريان متنفسيش .. لرواحي .. دخلها لواحد من لي دوش .. جبد البوات تاع الإسعافات .. جبد ملسك .. وقف يجري . ..
منار؛ ازربي قبل ما يدخل لغاز ..
بدا يلبسلها فيه ..
منار؛ غاز VX قادر يقتلك في دقايق
ريان؛ و و نتا ؟
منار ؛هيا لازم نخرجو ..
حكمتوا قبل ما يحل الباب ..
ريان؛ منااار و نتا
منار؛ ******* ملازمش نتعطلوا
ريان؛ علاه منار ؟؟
منار؛ وشيا اللي علاه ؟؟ هيا
ريان؛ علاه راك دير هكا
منار؛ خاطر كون تموتي تولي حياتي بلا معنى .. بردتي دوك .. تمشي ولا نهزك
ريان؛ و نتا كيفاه تتنفس ..
منار؛ كي نتخنق تقولك نتبادلو شوي هكا ؟؟
حلت الباب .. عاود جبدها و قفلوا ..
ريان؛ وشبيك !!
نحالها الماسك ..
منار؛ قادر منخرجش منا حي .. و مش حاب نروح و أنا نادم ...
ريان؛ وش ق..
طبس باسها ... وجبد روحو فيسع ..
منار؛ نحبك ريان ..
لبسلها الماسك فيسع .. و جبدها خرجوا يجريو .. هاز الفرد في يدو .. على حساب معريفتوا بالمافيا تاع روسيا أكيد كاين قبو يخرج .. بافيين يجريو نازلين ..نفسو بدا يتقطع ريان؛ منار ؟؟
خرجوا زوج في وجهه زرب صوب عليهم .. نحات الماسك مدتهولوا خذا نفس ..  زادو جاو زوج .. من ورها .. جبدها و قتلهم .. عاود رجعلهاسك .. زىبت هزت سلاحلتهم .. و نزلوا مشا حل باب مخزن الكوزينة ..
منار لازم يكون هنا .. حوسي على باب ريان ..
قفل الباب يطل كشما يجيو .. نفسوا تقطع .. حل فمو بش يحكي .. مقدرش تلفتت لقاتو هكلك .. زربت نحات الماسك مدتهولو ..خذا نفس طويل .. ريان؛ م مكانش ..
منار؛ شششش متهدريش  تلفتت تهبط فلي بوات .. قدم من ورلها لبسلها الماسك .. و تلغت هبط الشكاير تاع الدقيق .. لقاه .. قدمت تلعد معاه .. حلو .. نحات الماسك مدتواو يتنفس .. غزرلها ندرا كيف .. جبد تيليغون شعل الفلاش ..رجعلها الماسك .. و دخلوا قفل الباب وراه .. باقيين يجريو فالممر هاذاك .. شوي و حبس ..
ريان؛ منار صافا ؟؟  ياك تقدر تتنفس هنا ..
باقي يحاول يدي نفس .. وجهو عرقان عاللخر ..نحات الماسك .  جات تلبسهولو ..دارلها لالا
منار؛ ه هيا .. بقا يزرب في خطواتو .. ساعات يتركز عالحيط ..
ريان؛ منار شبيك
.. دورتو ليها .. وجهو صفر خلاص ... ريان؛ م م منار !!! تنفست منو !!!!!!!!