الحلقة 43 :
تلفت ليا .. غزرلي
إياد؛ صافا !!!!
غزرتلوا .. معرف دوك وش لازم ندير .. غزرت ليدو لي حاكمة يدي... جبدتها .. و غزرتلوا ..
إياد؛ علابالي حابة ترتحي .. و مش حابة تحكي ..
جبد مفاتح من جيبو .. نحا منهم مفتاح ..وزاد معاه مفتاح تاع للطوموبيل .. و مدهملي .. غزرت ليدو اللي مادها ..
إياد؛ مفاتح داري ف *********** ... روحي ريحي و مبعد ساهل ..
ريان؛ منحتاجش
إياد؛ علابالي .. مام أنا قتلك رتحي مش محتاجة .. منيش راح نديرونجيك حتى نهار تديسيدي نتي نحكيو .. و منيش راح نقول ل
ريان؛ مكلاه تكمل ...
جبد يدي حطهم فيها و مشا من غير حتى كلمة ...تنهدت .. قدمت غزرت للحرف اللي كنت واقفة عليه .. تنهدت .. و تفكرت كي حكمني .. خذيت نفس طويل .. وجيعة مش نورمال نحس فيها .. معرف قداش قعدت نغزر لتم ..وش ندير دوك !!.. كيفاه نتصرف .. تنهدت و ركبت فالطوموبيل .. لازم نبعد ..
.............. تعدات سمانة ................
منار يحكي :
لعبتهالي .. هاذي الحاجة اللي متصورتش تصرالي .. بالعادة انا اللي نطيش حكايات لبنات .. و منحبش نأمن بفكرة حب .. جات اللي تحشيهالي .. حسيت راسي عالبيرو .. نخمم و نلعن في روحي .. انو وش ضربني اني نروح للنادي هاذاك .. الشي اللي كنت متأكد منو انو حبيتها .. باسكو مكانتش كيما اللي عرفتهم من قبل .. كانت بشخصية .. اللي عرفتهم بخزرة يطيحوا .. بصح هي طيحتني كي معطاتنيش وجه [اخدموا بيها هاد النصيحة ] ...
اللي يضحك انوا هادوا شهور .. و انا نخاف عليها من الشوكة .. فاللخر تطلع هي اللي يخافوا منها .. مخابرات و عميلة .. دارت خدمتها باحتراف .. لا و تظهر اللي حبها خويا ..طلع راسو .. خبط البيرو .. قلب كلش وش كان فيه ...و خرج ..
....................
دخلوا لقاوها كي العادة راقدة .. سمانة كاملة جايبتها غير تشرب فالدوا و ترقد .. الموكلة يحتموها عليها .. تلفت غمزوا .. ضحكوا .. راح لاخر حل الطاقة .. حركات بلا ما تهز راسها
ريان؛ ريييييكي متكفرنيش اقفل ..
ضحك و سوطاو عندها فوق السرير يدغدغوا فيها
ريان؛ يااااااو .. حبسوا ..
ريكي؛ لاعبتها اكتئاب اه هههه
ريان؛ هه .. ياااا .. هههه نحييي يدكاا .. ههه نحب منحملش خراااا
جاكي؛ تنزضي ولا مزال
ريان؛ اخطيووني هه
جاكي؛ زيدها مالا
ريكي؛ هههه باينة منيش محبس
ريان؛ اععع سيبوني .. علابالكم كي تحبسوا وش ههه يصرالكم
ريكي؛ ههه علابالنا
جاكي؛ تنوضي ول ههه
ريان؛ خلاااص هه نوض ..
ريكي؛ صاي حتموت هههه
مع فكوها .. تنطرت تخبط فيهم بالمخايد .. و مام هوما... تعدا وقت ... ترماو في ثلاثتهم عالسرير يضحكوا ... شوي و سكتت .. خبطها جاكي على كتفها ..
ريان؛ آي
جاكي؛ عندنا بزاف مضحكناش هكا ...
ريان؛ اممم
تنطر ريكي تقعد ..
ريكي؛ شوفي نتي ملخر .. مكيش عاجبتني .. هكا مربيتكش فرماجة هك
ضحكت على هدرتوا .. رمات عليه لمخدة ..
ريان؛ بلع
جاكي؛ حاشاه الفرماج عالأقل حاكم روحو شويا ..ياوورت هاذي ..
ريان؛ ختك نتا وياه
ريكي؛ و بغلة تاني تسب في روحها
جاكي؛ ههههه
ريان؛ اععع خطيوني في زوج ..
ريكي؛ من الاخر حكيتيلنا و فهمنا بلي هاداك ظهر الاخر ظهر .. و منعرف واش... بصح الرقاد .. و الدوا مش حل .. يليق تدي قرار ..المشكل مش راح يتنحا كي ترقدي .. يروحو ************ ...كامل .. طيشي حكايتهم و كملي عيشي حياتك ..
تبسم و هي تغزرلوا ..و تلفتت لجاكي هزتلوا بحاجبها ..
ريان؛ شو هاو طلع يهدر كلمات يصلحوا
ضحكوا في زوج .. تنطر فرشفشلها شعرها ..
ريكي؛ انا وجه البيتش اللي قاعد ننصح فيك
جاكي؛ منفهموش لونڨلي
ريان؛ ههه واقيلا هذا ما يعرف اصلا
ريكي؛ هههه الواحد يدي اللي يحتاج من اللغة ههههه
طرشقوا بالضحك ..و مبعد خبطها جاكي على كتفها ..
جاكي؛ ايا نوض صاحبي .. عندنا حفلة مش نورمال ليوم ..
ريان؛ مش نافحة والله
ريكي معندكش خيار زوج ضد واحد .. اصلا حفلة فالانتاين .. علابالك جاكي يخلطها .. مقودة متحضريلوش السنة .. كل عام تحضري
ريان؛ Alan Walker تاعنا ههه .. معنديش وش نلبس و ..
جاكي بلعي بلعي .. فطريقنا نحبسوا قدام بوتيك ولا اشري و نكملوا .. ايا تقعدي قدامي ..
.......................
إياد يحكي :
توقعت انها متروحش .. نعرفها متقلبش .. يصح مش راح نحبس .. و مش راح نفرط فيها .. علابالي بلي دوك راني فدار ريكي و جاكي .. قداش حاسدهم .. حياتها كامل عداتها معاهم .. و مام كي تحب تبعد .. تروح عندهم ..مي بنفس الوقت مطمن .. على خاطر علابالي بلي .. راح يوقفوا معاها ..صونا تيليفوني .. لقيتوا اللي حاطوا يعسها ..
إياد؛ مممم
-مسيوا إياد راني فالنادي ********
إياد؛ تعرفوا مع جاكي و ريكي ؟
-ايه بصح !
إياد؛ واش ؟!
- دوك دخل مسيوا منار مع جماعة تاع بنات و ذكور
إياد؛ وكتاه هاذي !!!!
-عندها ربع ساعة ملي دخل
إياد؛ و علاه معيطتليش ********
-ريزو مكانش هنا حتى بعدت شوي
كوبا عليه عدا يدو على وجهوا .. و تنطر لبس تريكوه و الصباط .. هز مفاتحوا و خرج .... ........
...........
ريان؛ هههه تسمع حاب تقولي بلي عجبتك هكا ..
ريكي؛ ممم شوفيها زلة ..
ريان؛ ايه كي شغل
ريكي؛ نريڨلها اصبري برك ..
تبدلت لغناية ..
ريان؛ عجبتني هاذي انا نروح نشطح
ريكي؛ شو الرخيسة .. مش قلتي نتي ليوم السارفوز ؟
ريان؛ ههه هاك فرزتهم بسلامتك .. و مام الجماعة متهليين ..
ريكي؛ خخخ قودي ...[بس كلمة قود عندنا نورمال ]
دخلت فالنص تتمايل .. الناس اللي شربتوا بدا يخدم فيها ...شربتوا بالسرقة على ريكي .. ميخليهاش تقيسوا .. تبسم بقهرة .. دموعها نزلوا .. بصح هي تضحك و تتمايل ... تسوطي .. طلعت يدها مسحتهم .. هزت يدها عداتها على شعرها .. مع تلفتت تخبطت فيه .. مطلعتش راسها و شافت معاه اصلا كانت تغزر للتحت و تسوطي ..
ريان؛ باردون ..
دورت طلعت يديها في زوج للفوق مع الايقاع [تخيلو شطحة تاع club معنديش كيفاه نشرح شطحة 😐.. اوه نرجعوا للبارتي .. لقطة مهمة 😅]
عدا عينيه .. عالشورت لجين اللي لابستو .. نص التريكو .. اللي يطلع كل ما تسوطي ..شعرها المفرفش ... غزر للبعيد و عاودجبدها تخبطت فيه ..طلعت راسها عينيها بالسيف ما تحل فيهم ... مع شافتوا ... ضحكت بالصوت .. طلعت يدها تحك في عينيها ..
ريان؛ هذا نتا ... وش وين نروح نشوفك ..
طلعت راسها .. حطت صبعها فوق شفافها تخمم ..
ريان؛ ممم زعما نكون مزال نحلم ؟؟ ... اه ولا الكاس خدم فيا صح ...
طلعت يديها لفتهم على رقبتوا ..
ريان؛ تعرف تشطح ؟
بقا يغزرلها .. كان حاط يدو الثانية عالفرد .. بعد ما جبدها .. وعد روحو انو كون يشوفها مرة خلاف .. يفرغ الفرد في راسها .. تأفف و جبد يدو من تحت الفاست ..ز
ريان؛ متعرفش .. ههه حمار علاه جيت مالا هنا ..
طلع حاجبوا غزرلها
ريان؛ ههه خلاص نضحك معاك برك .. مام انا حمارة .. غلطت غلطة ملازمش نغلطها ..
غزرت للتحت .. دموعها هبطوا و مبعد ضحكت طلعت راسها .. غزرت للسارفور معدي .. جبدت يد وحدة .. .. هزت كاس .. من عندو .. طلق يدها .. جا راح يفكوا شربتوا فرد مرة ..
ريان؛ ههه حتى كاس راح تڨاحر فيه .. هز وحد آخر .. هيا باي حلبتك بزاف ..
جات ماشية عاود جبدها ..
منار؛ وشبيه *************
ريان؛ كيفاه وشبيه ************* هههههه
منار؛ وش قاعدة ديري
شافت مع الناس يشطحوا حولهم .. لي كوبل محاوطينهم .. حطت صبعها على شفافها
ريان؛ نشطح .. لالا نشرب .. لالا ننسا ..
تبسم و غزرتلوا ..
ريان؛ و نتا أكيد راح تقولي شكون ؟ ..
قدمت عندي عدات صبعها على وجهوا ..
ريان؛ يشبهلك نتا ..
منار؛ علاه تنساي ؟
ضحكت و حطت راسها على سدروا .. حس بحاجة مبلولة عليه .. دزها عليه .. رجعت بخطوة التالي قريب طاحت .. كون محكمهاش من يدها .. غزرتلوا و تبسمت
ريان؛ على خاطر حكمني بش منطيحش كيما درت نتا ..
منار؛ و كي حكمك علاه كذبتي عليه
غزرتلوا
ريان؛ وين علابالك بلي كذبت .. ياه تحس ..
فكت يدها منو .. حطتها على وجها تتحسس فيه...
ريان؛ زعما نبان كذابة من وجهي ؟
قدم عندها جا وجهوا مع وجهها
منار متبانيش على هادي تخدعت فيك ..
طلع راسو شاف اياد داخل .. غزرلها ...
#العميلة306
#يسرى_أمجوج
أنت تقرأ
العميلة 306 الجزء الثاني (اللهجة الجزائرية)
Actionالعميلة 306 للجزء الثاني : كون جينا نختاروا حياتنا كيفاه تكون بيدنا .. كون كل واحد فينا يخير .. وش يحب وش يكره .. يحط غير الفرحة فحياتو .. ميخليش مجال و لو شوي للدموع يعرفوا طريق لعينيه .. ينوض كل صباح ..و هو علابالو بلي مش راح يقلق .. و كل شي راح...
