العميلة 306 الجزء الثاني (اللهجة الجزائرية)

الحلقة 62

الحلقة 62 :
ريان؛ خي دراما يخي كل مرة حاجة جديدة متقوليش نتا تاني بعتك يزيد في طريقي و كدا
ماكسيموس؛ مش قتلك عدو
ريان؛ وش مخليك تعاون بنت عدوك ..
ماكسيموس؛ بنت ؟ منظنش بلي شي نهار اعتبرتي اللي طيشك باباك
ريان؛ بغض النظر .. السؤال اللي سقسيتوا واضح
ماكسيموس؛ اللي بيني و يينك واحد ما عندو علاقة بيه
ريان؛ منعرفش معدتش متأكدة
ماكسيموس؛ تقدر
تلفتوا كي زدموا عليهم طوموبيلات من كل جيهة .. غير الغبار طالع .. ركحت فردها .. و مام ماكسيموس
ريان؛ شكونهم !؟!
ماكسيموس؛ منعرف
الرؤية بدات تتوضح .. رجال عددهم ميتحسبوش مصوبين عليهم
ريان؛ واو فيلم أكشن هنا
ماكسيموس؛ مش وقت تمسخيرك نتي ... شكون بعثكم
-طيشو السلاح للارض .. قبل مانصوبوا عليكم
ريان؛ فك عليك من الجمل القديمة هاذي .. كون جيت رلح تصوب متستناوش لدوك .. اللي باعثك مطول بش يلحق عالمسرحية هاذي
تلفت ماكسيموس يغزرلها كيفاه تحدي بلستهزاء .. صورة خوه جات بين عينيه .. نفس للتمرد ..الطبع الخشين .. رغم انها تنكر.. بصح حاكمة صفاتو ..
صوت ضحك من التالي خلاهم يخزرو .. نزل يمشي بكل ثقة .. حاط يديه في جيابو .. خزرت فيه مليح ملامحو مش غريبة .. جا يقدم ليهم .. قدموا رجالو شاورلهم بيدو يحبسو
-منظنش يتهورو في وضع كيما هذا .. و اذا كانت معرفتي بريان صحيحة متغامرش في وضعيات هكا
هزت حاجبها ..
-ماكسيموس ريان السلاح للارض بلا عيا
ماكسيموس؛ ديري وش يقول لازم نعرفو شكون يكون ..
ريان؛ بففف
رماوهم بعيد قدمو الرجال هزوهم
قدم عندها .. قحرتلوا .. نحا النواظر و خزرلها تبسم على جنب .
عينيها تحلوا مصدومة كلمة قليلة ...
..................
نزل من الطيارة ... الغش راكبو .. واحد ما يهدر معاه تلفت ..
منار؛ وين وصلوا رجالك فالبحث
يزيد؛ مزال شوي
منار؛ وشمن مزال الطفلة رليحة تتقتل و نتا تقولي مزال !!!!
يزيد؛ الطفلة اللي راك تهدر عليها راهي بنتي
منار؛ اللي خليتها مطايشة .. منيش اياد اللي يفوتلك و يتفهمك .. الطفلة اللي راهي هنا فكاش بلاصة رلهي طرف مني .. نخلط الدنيا بلي فيها .. هز تيليفونو و مشا يعيط .. تنهد عدا يدو على وجهو .. كل مرة يتاكد من انو اب فاشل .. صونا تيليفونو بالوقت .. هز يسمع فيه يقولوا بلي آخر مرة شافوها عند ####### مع ماكسيموس ... لسم خوه خلاه .. يرجع خطوة للتالي .. معقول خوه ينتقم في بنتوا .. باسكو مزال يقول بلي هو السبب في موت والديه. ...
........
سليم؛ خايف عليها هههه يلزمك تزيد تخاف كتر .. نكمل نربي خوك هنا بيزمان يلحقوك لعندي نتا تاتي
منار؛ إياد ؟؟!! وش درت لإياد
سليم؛ مممم تقدر تقول رجعت فاساليبي تاع التربية .. الظاهر مربيتكمش مليح
منار؛ تتقاس شعر من إياد ولا ريان نشرب من دمك .. ني بابل ني والو
سليم؛ ههه هيا تشرب ترا .. قلعة ###### .. كون سبع و ارواح ..نعرف و ش ربيت عالأقل نتا هههه
كوبا .. يتهز من الغش ..
يزيد؛ راهي عند باباك !! للمخبر قالي بلي أخر مرة شافوها مع ماكسيموس
منار؛ يتسما هاديك هي نفذوا تهديدهم هيا نروحو تراه
...
إيان؛ شايفك تفاجأتي ر يا. ن
يحكي و يرص عالاسم
ماكسيموس؛ تعرفيه ؟؟
تبسم عينيه منحاهمش من عينيها
إيان؛ جاوبيه تعرفيني ؟
ريان؛ بعد السنين هاذي كامل !!
عدا لسانو على شفافو
إيان؛ بزاف اه ؟
ريان؛ كيفاه ح
إيان؛ كيفاه حتى الطفل لللي كان يعاني من التوحد فالميتم .. ولا هكا مافيا ..سلاح ..زين ..دراهم ... ههههه .. هاكي نتي تاني مبقيتش ريان الطفلة العاقلة .. اللي كانت تتحبس معايا .. تبانلي غير جاكي و ريكي و الباقي اللي كملوا حياتهم نورمال ..مي حنا كانت باينة محال نعيشو الحياة اللي يتمناوها الناس العاديين
ريان؛ علاه ج
إيان؛ جيت هههه ... مزلتي نفس ريان .. مهما فات الوقت ..
جبد روحو حط النواظر في فمو (طرف النواظر ولا معلاباليش كيفاه يقولولهم 🤣)
إيان؛ ستنيت بزاف راني .. ديجا ني روطار
ريان؛ علاواه روطار
إيان؛ عاللعبة .. بصح كيما تعرفي .. اه لالا متعرفيش ههه ... المهم اللي يدخل للعبة لخر يكون عارف الللاعبين شكون .. و كيفاه يلعبوا .. نفاط الضعف و القوة .. يتسما
كبس على شفافو و غمزها
إيان؛ أنا الرابح
____________
رجعت لطبايعي تاع التشويق 🤣🤣عندي فالمدة اللي مكنتش نكتب فيها جربت نقرا وش نكتب يخي تشوكيت من روحي تقول مش انا لللي نكتب 😶 لا و نزيد نتشوق بش نعرف وش يصرا مالا حالة انفصام 😆
المهم
1التفاصيل مبعد تتوضح كثر للي قالو مفهمناش مقودة نكشفو كلش في حلقة
2 إيان هو اللي فالفوطو 👆🏼gif (الكراش علابالي مش ستيلكم بصح ستيلي 🤣🤣)
3 اعطوني حل للطوكسيكاسيون شربت دوا هكاكا و ليسطوما تقول غيها موس تركح مدة و تعاود تسطر .. 😩