العميلة 306 الجزء الثاني (اللهجة الجزائرية)

الحلقة 52

. الحلقة.  52 :
بعد مرور 3 أشهر :
حلت عينيها .. على صوت الرافاي .. هزت المخدة حطتها على راسها .. تحل الباب
إيريكا؛ wake up baby girl
ريان؛ تصبحي ولا نفرغ فيك الفرد
إيريكا؛ كي تلحقي هههههه تقعدي ملازمش نكونوا روتار ليوم .. جاي الشاف و عالأغلب راح ناقشوا قضية .. السوق السوداء تاع تجارة الاعضاء
تنطرت غزرتلها
ريان؛  كيفاه ؛ علابالك بلي ملازمش نجبدوا السوجي دوك .. بالاك كاين جاسوس ولا .. يديروا حسابهم .. ديجا ليوم رايحة نراثب لبلايص اللي يدورو فيهم المتسولين ..  أكيد هوما الخيط اللي يوصلنا ..
إيريكا؛ مزالك برك تتواصلي مع الانونيموس !!
ريان؛ كي نلقا النتيجة علاه لالا .. اصلا كون مش هوما محال كانت النتربول تحجز طيارة لولاد المكسيكيين  اللي تخطفوا .. 
إيريكا؛ تولهي برك يفيقولك
ريان؛ وجديلي كاس قهوة بين ما نصحصح
إيريكا؛ اوك
خرجت .. تنهدت  فرفشت شعرها .. 3 أشهر كانت مدة كافية بش تعاود تجدد روحها .. تعاود تبني نفسها من جديد ..   الانتقام !!.. لالا معادتش حارقة قلبها .. صح مسامحتش.. و مش راح تتنازل على حقها .. بصح معادش كاين هوس .. كاين امور حلها انا الواحد يبرد قلبوا .. يلحق الوقت وين .. يوصل العبد للتوب .. أعصابوا كلها تحرقت .. فالوقت اللي يولي كلشي هكا .. تبدا  مرحلة البرود .. الناس اللي فرحانين هوما أكثر ناس مبردين أعصابهم .. و تأخرت بش نعرف هذا النصيحة .. كملت الدوش .. لبست سروال كحل .. مع شوميز بيضا ..بوتس كحل .. لمت شعرها كو دشوفال .. جبدت الفرد  من تحت المخدة .. وقفت عالتابل هزت  كاس القهوة .. و جات خارجة ..
إيريكا؛ شتهيت نشوفك قاعدة على التابل تفطري ولا تتعشاي كي الناس ..
ريان؛ هههع خفي لا نلحثوا روتار 
إيريكا؛ ياه شكون يهدر .. انا اللي نصبح راقدة
ريان؛ ههه هيا تخرجوا وقت
باقية تسوق .. رمات ايريكا يدها شعلت الغنا .. تلفتت قحرتلها .. بدات ايريكا تتمايل
إيريكا؛ واش  انتعشي عالصباح .. متعرفيش خلاص لومبيونص .. شيعة برك عشتي مع ريكي وجاكي .. عندك قرن مخرجناش party...تقول عجوزة .. العجايز و يعرفوا للومبيونص ... 
ريان؛ كملتي ؟؟
إيريكا؛ هيه نورمالموا ..
ريان؛ ناعبوا اللي يعرفك علىيهم
إيريكا؛ هههههه بصح مزز وش نقولك.. بلا ما ننسى هاذاك اللي كل مرة يجي يضربلك طلة من الطليان يجي  هنا عسل مقطر ..يا بن عمي .. مفهمتش علاه مزالك سيليباتاغ
ريان؛ اسموا اياد مش العسل المقطر ههه
إيريكا؛ والله سيريو وشبيك اه وشبيك
ريان؛ اللي بيا انو الرجالة سوق فارغ ليا ..
إيريكا؛ الله غالب متقدريش نعمة ربي
ريان؛ انزلي انزلي وصلنا
تلفتت تغزر حولها
إيريكا؛ تقول  need for speed مش عميلة مخابرات
نزلت لحقتها .. دخلوا السانسور .. تكات عالطاج اللخر ..
ريان؛ رانا فالوقت قد قد هات برك يكون فيليكس موصلش
إيريكا؛ هههه خفتي يعطيك درس نظامي
ريان؛ مش ناقصة عالصباح .. ديجا فكرة انهم يطرحوا القضية ليوم مقلقتني
تحل الباب دخلوا ..  دخلت لبيروها ترمات عالكرسي .. غزرت  حولها .. دخلت السكريتار حطتلها القهوة و الدوسيات
-ليوم اجتماع مع القيادة العليا عالعشرة
غزرت لساعتها ..
تعدا الوقت دخلوا الاجتماع .. بالسيف ماكملوه .. ماتحبش تناقش قضية قبل كا تلقالها الحل كامل .. تحس كلش ناقص .. و هذا أكثر شي تكرهوا فنظام ال FBI .. انها محتمة تشارك كلش .. كملت نهار الخدمة كيما كان .  تحسوا طويل عاللخر .. مكانش حتى فيليكس موالف يتمقصص عبيها بصح يبدلها الجو ..طلعت راسها كي تحل الباب .. داخلة و هازة في يدها تيليفون .. آبال فيديو
إيريكا؛ كيما راكم تشوفو هاي مدخلة راسها فالدوسيات .. قنعوها
ريان؛ ملخر منروحش طرشقوا بالضحك .. حطت التيليفون مقابلني ..
جاكي؛ اسمعي ليلة البوناني هاذي سهرة مش نورمال
ريكي؛ و مكلاه تكوني سامطة خلينا نبداو العام كيف كيف
طلعت راسها غزرت لايريكا هزتلها حاجبها تاع معندك وين .. تأففت
ريان؛ اوف أوكي ..
إيريكا؛ yes it's party time
دخلت للنادي .. عندها مدة مسهرتش .. دكت راسها فالخدمة .. تعداو عند جاكي باقي يتمهبل مع ايريكا.. لحق ريكي يسلم علينا و يطلع
جاكي؛ هكاك و جات لابسة شوميز و سروال تقول بيرو
إيريكا؛ دخلنا للفيستياغ مديتلها غوب .. بصح قدور و تعرفوا
ريكي؛ ههه ربيت راجل فظهري
ريان؛ ناناك نتا وياها اتشوا كاس
حلوا عينيهم بكل خزروا فيها
ريان؛ واش ؟
جاكي؛ من وكتاه تشربي؟
ريان؛ نفحتلي ليوم نسيي
ريكي؛ اها ليوم فيك حاجة مش نورمال
إيريكا؛ فسدنا الطفلة ههههه ايا اطلقلي غناية فالمفيد ..
ريكي؛ اوك ..
تلفت جاكي ريقللهم كيسان .. ايريكا زدمت ديراكت تشطح ..غزرتلها و ضحكت.. تذكرها بروحها كي كانت تزدم للشطيح .. تنسا كلش .. غزرت للكاس فيدها .. و مشات تتعدا فالغاشي .. بش تطلع مع ريكي ..
تخبطت في واحد
طلعت راسي نشوف فيمن تخبطت .. نسب و نلعن خاطر ساح الكاس فوق الشوميز بيضا ..
على هادي محبيتش نجي نسهر .. مش متحملة الغاشي ..
ريان؛ ناقصتك دوكا ..
طلعت راسي لقيتوا هاز الكاس يرشف منو و يغزرلي .. عينيا تحلوا آخر واحد توقعت نشوفوا هنا .. رمشت مرات نستوعب .. اذا صح .. تلفتت كي جات وحدة لفت يدها على مرفقوا
-منار هيا نشطحوا ..
باقيين نغزرلوا لبعضانا .. مبعد تلفت مشا معاها .. بقيت في نفس البلاصة آخر حاجة توقعت تصرا .. و آخر عبد كنت متوقعة نشوف .. نزلت عينيا نشوف مع الشوميز .. تلفت نحوس عليه بعينيا مكانش .. خليت ميساج لإيريكا بلي لازم نروح .. و خرجت من النادي ..مع خرجت نسمة الهوا البارد .. تغللت في صدرها .. الثلج قاعد يطيح بالشوي.. طلعت يدها بش يطيح في يدها .. و تبسمت .. خذات نفس .. تلفتت على صوتوا من التالي ..
-happy new year
#العميلة306
#يسرى_أمجوج