العميلة 306 للجزء الثاني :
كون جينا نختاروا حياتنا كيفاه تكون بيدنا .. كون كل واحد فينا يخير .. وش يحب وش يكره .. يحط غير الفرحة فحياتو .. ميخليش مجال و لو شوي للدموع يعرفوا طريق لعينيه .. ينوض كل صباح ..و هو علابالو بلي مش راح يقلق .. و كل شي راح...
الحلقة 67 : تكيت راسي للتالي .. و غمضت عينيا .. خلاص كلش درك ؟؟ .. هكا؟ .. هذا اللي حبيتو انا ؟؟ ... دوك تدي العدالة مجراها .. مي علاه منيش راضية .. علاه مزالت للوجيعة كأنو اللي صرا لبارح .. منعرف كيفاه غفيت هكاك .. و لاول مرة نغفا بلا ما نخمم في خطة ..في انتقام .. بعد وقت.. حليت عينيا .. على منظر غروب للشمس .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تلفت .. رقدت فللطوموييل .. لقيتو مهبطلي الكرسي.. طلعتوا و نزلت .. نحك في عينيا .. قاعد فوق الطوموبيل من قدام .. يشرب في قهوة .. طلعت قعدت قدامو .. مدلي الكاس تاع القهوة ... رشفت منو .. ضحك شوي ...غزرتلوا ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
إيان؛ متعافيش ؟؟ ريان؛ العفن اللي تشاركناه فالصغر جات في دوك .. تبسم و دور يغزر للشمس .. إيان؛ وش مديسيدية تروحيلوا للحبس؟ ريان؛ كنت علابالك ؟ إيان؛ مممم قالي فيليكس قبل ما يديماريو ريان؛ تعرف فيليكس؟؟ إيان؛ ههه يخدم عندي كيفاه منعرفوش ريان؛ كيفاه ؟؟ تسما إيان؛ كنت تخدمي عندي كي كنتي فالماريكان نتي و إيريكا و فيليكس ريان؛ بصح ؟! إيان؛ بعد الحريق هاداك منعني عميل يخدم في ال fbi كان في مهمة هنا فالجزاير .. داني معاه .. و كبرني .. دربت .. تقدري تقولي كيما نتي مي أبكر شوية .. حكمت بلاصتي .. و طلعت فالقراد بحكم كنت في مهمات ملاحقات تاع تجارة المخدرات و التهريب في جنوب أمريكا ... تقدري تقولي بلي وصلت للموت 100 .. المهم بش قدرت نكون كفئ .. ببساطة لازم نكون جزء منهم و نتي تعرفي ..كي جيتي للماريكان و تحط الدوسي تاعك .. مخي حبس .. انو توقعتك تكوني عايشة حياتك .. و تكوني في أي مجال ..غير الجرائم و الدم .. حوست وش صرا .. و عرفت كلش .. ريان؛ علاه مقابلتينيش ورا ما عرفت و كلش .. إيان؛ الأهداف ريان .. كان هدفك تنتقمي .. مهما أنك سحبتي و حاولتي تبعدي بهروبك للماريكان .. مكانش لازم ندخل .. مي دوك كي تحط فالحبس عندنا .. ندخل شوي .. بحكم قاس حاجة عزيزة عليا .. و على حساب معريفتي بيك .. لازم نسافرو لاماريكان ندير طرح بوكس هههه باقية تغزرلوا .. حبس للتبسيم .. و غزرلها إيان؛ مزالت حكاية علاه خطفتك .. و كدا ..بون السي سليم .. عندو شوي ذيول و توابع .. كانو راح يقنصوك نتي و ماكسيموس .. تهلاو فيهم جماعتي .. و بعدتك .. تقدري تقولي . بدافع الانانية .. شوي .. ممم بالاك صبرت بزاف بش نظهر .. دونك تحركت ..تتخيلي كنتي قدامي قداه من مرة .. خطوات و مقدمتش .. المهم .. لازم نتحركوا .. الطيارة بعد ساعتين .. نزل .. ريان؛ مزلت مخلطة... شغل حياتي بكل كانت راكبة على سليم .. دوك حاسة بفراغ .. إيان؛ اممم فاهمك .. ريان؛ مي الاهم دوك اني نقابلوا ... إيان؛ هيا مالا .. مدلها يدو نزلت .. ريقلوا أمورهم فالمطار .. و طلعوا فالطيارة .. إيان؛ ارقدي تباني حتموتي ريان؛ ههه غلبانة صح والله .. رما يدو تكا راسها فوق كتافو .. تيسمت و غمضت عينيها .. ريان؛ منار غايضني .. مش عارفة وش ندير معاه .. صح نحبوا .. مي باباه هو السبب في كلش .. و خطولتي مترددة ليه.. و إياد كيف ... انا فسدت بيناتهم .. وش ندير ؟؟ إيان؛ منقدرش ننصحك .. امور متعلقة بواش تحسي.. برغم وش دار .. منعك من .. سكت ريان؛ من الاغتصاب و الموت تنهد إيان؛ و منار وقف في وجه باباه علا جالك .. وحد اخر كان يوقف مع باباه مهما يكون .. دونك لازم وقت . . و ديسيدي .. ريان؛ صح .. تعدا وقت غفات .. بعد ما وصلوا .. راحو لدارو .. ريان؛ تسما هاذي دارك تاع الصح ..
