العميلة 306 الجزء الثاني (اللهجة الجزائرية)

الحلقة 50

... الحلقة 50 :
ريان؛ ههه تدي رايو بش تقدم ولا تبعد من وكتاه كنت هكا إياد !
غزرلها ندرا كيف و تلفت يغزر للبحر ..
إياد؛ مش حاب نرجع هاداك العبد ريان .. باسكو كنت أناني لحد كبير... بسبتة الشخصية هاديك خسرتك
ريان؛ الخسارة حاجة نسبية.. كاين خسارات تعتبر فوز ..
إياد؛ يمكن خسارة خلاف مش خسارتك نتي. .
ريان؛ عييت إياد ..
إياد؛ حاس
ريان؛ بصح مستحيل نخلي باباك يهنا
إياد؛ مام أنا
رجعت شعرها ورا وذنها ووقفت .. وقف معاها .. تلفتت غزرتلوا .. مدتلوا يدها
ريان؛ رغم كلشي صرا .. نظن كلش كان مش مريقل... غلطتك انك رحت ولا غلطتي اني مفهمتش ... معادش يهم .. راح نحاول نمسح كلش صرا بيناتنا من قبل .. راح نعييو روحنا برك .. دونك ..
تشرفنا أنا ريان
حكم يدها تبسم
إياد؛ تشرفنا ريان أنا إيادجبدت يدها و تبسمتلوا.. احساس منعرف كيفاه .. كاين حوايج يليق نتجاوزوهم..خاطرهم راح يبقاو ثقل أكثر من اي حاجة ..
إياد؛ مزية ما مشيتيش في وجهي كيما واحد المرة هكا
ريان؛ ههه مش قلنا راح ننساو كلش؟
إياد؛ ياودي هاديك الحرقة جامي تتنسا .. الجامعة كامل تحرقت فيها بلي مقيمتينيش هههه
ريان؛ ههههه
صونا تيليفونها .. لقاتو جاكي ..
ريان؛ دقيقة
جبدت عليه حكات مع جاكي قالها بلي وراقها تريقلوا .. رجعت لقاتو يغزرلها ..
ريان؛ إياد
إياد؛ ممم
ريان؛ لازم نتحرك دوك
إياد؛ نوصلك ؟
ريان؛ لازم نشري قش دونك توصلني للمول
إياد؛  هيا
مشا
إياد؛البنات و الشوبينغ كوبل جامي يتفرق 
لحقتوا
ريان؛ سمعتك سمعتك علاه توتوت ههههه
إياد؛ ههههه
حللها الباب طلعت وديمارا ..
هز راسو من فوق لكارو تاع الطوموبيل .. كي شاف طوموبيلتوا .. ديمارات .. تنهد مبعد تنطر باقي يخبط فالفولون بيديه .. علاه راهو يتوجع .. مش هو اللي خير هكا .. علاه حاب يروح يخنقها كي شافها تضحك معاه .. لهاد الدرجة غاير من خوه !! .. طلع راسو تكاه للتالي .. الافكار اللي خايف منها جاتوا دوك .. تنطر هز التيليفون .. و كلموا ...
..............
واقفة تخير و تعاود .. يغزرلها من بعيد مش مصدق .. كلشي توقعوا غير انهم يبداو بداية جديدة .. مكانش اصلا طامع انها تحبوا .. بصح فكرة انهم بداو بداية جديدة مفرحتوا عاللخر .. يغزرلها تقلب و تعاود .. مزالها الطفلة الفرفوشة اللي حبها .. كل تفصيل منها مزال هو.. محال تتبدل هذا الشي اللي متأكد منو... دخلت تقيس مشا حط الكارت بونكار عند الريسبسيونيست
إياد؛ الحساب اديه منا .. قبل ما تجي و تبدا انا اللي نخلص و..
تبسمت و حكمتها...
كملت
ريان؛ خلاص ديسيديت نديهم كامل
لقات اياد واقف و الريسبسيونيست تتبسم .. غزرتلهم في زوج .. و قدمت
ريان؛ وش اك تريڨل ا معلم .. متقوليليش مديتيلوا النومروا .. ياختي هذا راجلي راح يهبل .. من مرا لمرا ما طلق كحلة ما طلق بيضا.. و ولادنا لخمسة انا حاصلة فيهم اه يا ربي
نزلت راسها شغل تبكي .. الريسبسيونيست تشوكات تغزرلوا و تغزرلها .. و هو تبهم من ردة فعلها
الريسبسيونيست مدام تهدني مش نومرو والله .. مدلي جيست كارت بونكار بش يخلص قبل ما تخلصي
طلعت راسها بزربة
ريان؛ واشنوو ؟؟ مكانش رجعيها انا نخلص
طرشق بالضحك .. الريسبسيونيست ما فاهمة فيها والو .. لحظات بش استوعبت بلي تتمسخر برك .. غزرلها إياد
إياد؛ قتلك عندها عقدة لازم تخلص
ريان؛ هيه هيه رديلوا برك
الريسبسيونيست ؛ صاي خذيت حساب هاذوا مزال غير السويت شيرت و السروال اللي دخلتي تقيسي .. رايحة تديهم ؟؟
تلفتت ڨحرتلوا .. هزلها بحواجبوا و ضحك يغزل فيها. .
ريان؛ 1 ب 0 مركي عندك سي اياد
إياد؛ ههه اوكي . 
كملت خلصت اللي زادتهم و نزلوا .. راحوا لريستورون يتعشاو .. خاطر طاح الليل .. تاكل و تتبنن .. طلعت راسها لقاتو يغزرلها ما كلا والو. .
ريان؛ وشبيك كول
فاق على روحو
إياد؛ معجبنيش بزاف
ريان؛ بدلوا جيب كبدة مشوية مع للثوم يخي تحبها
غزرلها ندرا كيف .. مزالها متفكرة وش يحب ياكل .. زرب هدر  .. ميحبش يبين انو متأثر .. و ميحبش يطلع أفكار  و يمني روحو .. انها تقبلت انو يكون صحاب تكفي بالنسبة ليه
إياد؛ مكانش فال menu    هاتي ناكل معاك بركي من التمشحيح
ريان؛ كول برك زعما طاحت عليك التربية
غزرلها مستغرب منها خلاص ليوم .. حاس روحو يحلم
إياد؛ ههه والله سيريو وشبيك ليوم .. مكيش نورمال
ريان؛ ههه نو عاودت روحي برك البارح خممت مليح .. و لكان عالتمهبيل تقدر تقول verion جديدة و ريكي و جاكي هوما سبابي ..
باقية تحكي و تاكل ..يسمعلها و فرحان ..
"تعرفوا هاذاك الشعور .. كي توصلوا للتوب ..  وين فجأة تتحولوا لعبد خلاف .. مختلف تماما عليكم .. تضحكزا و تتفرهدوا خلاص .. وين كي تخمموا تحسوا بلي عندكم انفصام هاذاك الشي اللي كان يصرا مع ريان ..أغلب اللي تصرالهم هاذ الحالة. .تعبوا لين لقاو بلي هذا الحل .. و فعلا هو حل "
قاعد قداموا .. ملامحوا باردة .. كل مرة يطلع راسو يغزرلوا اذا يحس ولالا .. مع كمل حط البرا تاع الوشم و حطلوا البوماد عليها
-منار كملت ..
هز يدو .. غزر لاسمها .. المشطب .. كبس يدو ..
- حاجة جديدة تشطبت من حياتك منار ؟
منار؛ هاد المرة غير كل المرات .. هاذ التاتو بالذات وجعني كثر منهم كامل
-مبانش عليك بلي توجعت
منار؛ جيستومون هاذ المرة مابانتش عليا بلي توجعت .. كي وقغت قدامها و قلت لالا عرفت روحي بلي هنا حدي تاع القوة
تبسم ..  عدا يدو على لحيتوا البيضا .. و غزرلوا
- و كي شطبت اسمها بتاتو  راح تنساها كي تشوفو ولا تتفكرها
غزرلوا و غزر للتاتو .. وقف هز الفاست حطلوا الدراهم عالتابل. .و جا خارج
-منار كاين حوايج ملازمش تشطبهم .. راح يوجعوك أكثر من وجودهم ..
سمع كلامو  .. كبس على شفافو بقوة .. و خرج .. يسوق و يشرب .. ساعات يسبها ساعات يغني .. عينيه حمارو .. حبس الطوموبيل... و ضحك .. هز شرب .. طلع راسو غزر لطوموبيلتوا كي حبست قدام دارها .. و هو اللي كان حاطها فالدار .. نهار كامل و هي معاه .  ضحك بالشوي .. و شرب
منار؛ انا اللي خيرت هههه ... بصح تنسا ليه ليه بسلامتها ..
....
ودعتوا و تلفتت .. حطت الساشيات بش تحل الباب .. حط يدو على فمها و جبدها عالباب دزها عالحيط ..
جات تخبط.. لقاتو منار !
غزرتلوا ندرا كيف .. باقي يڨحرلها متحتاجش تخمم بانو شارب ريحتوا سابقتوا ..
هبط يدو من على فمها بالشوي ..و حطها على قدام راسها .. غزرتلوا .. جات تحكي حط صبعوا على شفافها ..
منار؛ ششششش .. مش حاب نسمع حتى كلمة ..
حط راسوا على كتفها .. حشاه فرقبتها ..و نزل يدو دورها على وسطها .. خذا نفس ..
منار؛ علابالي كون جيت صاحي محال نقدر نديرها .. الحياة بلا بيك ********** ..
غمضت عينيها بقوة و حلتهم .. حكمت ذراعوا بش تدزوا .. خرجت منو اه خفيفة .. غزرت ليدها
لقاتها مزيتة .  غزرت ليدو.. و دورتها شافت اسمها مشطب .. طلعت حواجبها .. و دزتوا شوي .. غزرلها
ريان؛ مشطب اسمي و جاي عندي .. علاه متناقض هكا .. يخي خيرت .. اخطيني اخرج من حياتي ..
غزرلها .. و بدل غزرتلوا .. عدا يدو على شعرو .. طلع ذراعوا كبس عالتاتو  لين ساح منو للدم
منار؛ بانتلك فتاتو !! .. بانتلك في خيرت !!  .. بانتلك في أني جاي هنا !!
ريان؛ نزل يدك بركا ما تتكا عليه هك .. ساعات تبانلي بسيكوا ..
غزرلها .. تنطر لف يديه على رقبتها .. و جبدها لين طا وجهوا مع وجهها .. حط جبهتوا على جبهتها .. خطف بوسة خفيفة .. و جبد روحو شوي غزرلها في عينيها
منار؛ ممم بسيكوا .. بسيكوا بيك ..
#العميلة306
#يسرى_أمجوج