إيريكا تحكي :
حليت الباب دايخة غزرتلوا .. حكيت عينيا
إيريكا؛ إياد!!
تبسم سلمت عليه و دخل ..
إياد؛ صافا مالا
إيريكا؛ راسي راح يطرطق
إياد؛ ههه من شكلك مبينة .. مش راقدة ولا مكثرة دوز
إيريكا؛ نو مشربتش بصح سهرت للصباح مع ريكي و جاكي ..
إياد؛ و ريان ؟
جات تحكي تفكرت وش حكاتلها ريان عليهم ..
إيريكا؛ عندها خدمة على هاذي مهيش فالدار .. كيفاه حتى فرطت فالطليان و جيت هنا ..
تبسم على هدرتها .. و مشا للكوزينة .. لحقتوا .. لقاتوا شعل الماشينة تاع القهوة ..و تكا عالحرف تاع البوطاجي يغزرلها .. متلبكة .. معلابالهاش وش تجاوبوا و ريان ابصر وين مختفية .. من البارح ..
إياد؛ ريحي
إيريكا؛ اه ؟
إياد؛ جوزي اقعدي مرحبا بيك
إيريكا؛ هههه متلومش كي نوض من الرقاد شوي تالفتلي ...
قعدت حط قدامها الكاس تاع القهوة . و هز كاسو يرشف منو ..
إياد؛ خدمتك ماشية ؟؟
إيريكا؛ ايه كي العادة
إياد؛ صحتك مريقلة ؟
إيريكا؛ ايه
إياد؛ أمورك مفروزة ؟
إيريكا؛ ايه
إياد؛ عجبتك القهوة ؟
إيريكا؛ ايه
إياد؛ ريان مع منار ؟
إيريكا؛ ايه
حصلتلها القهوة .. ناضت تكح .. حطلها كاس ما .. شريتوا .. و غزرتلوا
إياد؛ كيفاه فلتيلي بعد ؟
إيريكا؛ اياد لازم نروح روطار عالخدمة .. الدار دارك علابالك .. وقفت ..
إياد؛ إيريكا ني علابالي بكلش .. مش لازم تتوتري .. وقف .. تعداها جا خارج ..
إياد؛ كي تحبي واحد للدرجة تاع الهبال ما يفوتك والو مام تكوني بعيدة عليه ..
...
خرج و قفل الباب وراه .. صونا تيليفونها تلفتت تحوس عليه .. هزتوا من فوق الفوتاي .. الرقم ماسكي .. بصح بحكم .. يخدموا فال FBI يطلعوا النوامر لاشتا ماسكي .. طلعت حاجبها مستغربة .. مع هزت طرشقوا الكاروات بالرصاص .. ركست تحت الطابلة تسمع فالضحك من التيليفون ..
إيريكا؛ ش ش شكون نتوما ؟!
-وصليلها بلي روحها ولا روحكم كامل
...............
#يسرى_أمجوج
#العميلة306
أنت تقرأ
العميلة 306 الجزء الثاني (اللهجة الجزائرية)
Hành độngالعميلة 306 للجزء الثاني : كون جينا نختاروا حياتنا كيفاه تكون بيدنا .. كون كل واحد فينا يخير .. وش يحب وش يكره .. يحط غير الفرحة فحياتو .. ميخليش مجال و لو شوي للدموع يعرفوا طريق لعينيه .. ينوض كل صباح ..و هو علابالو بلي مش راح يقلق .. و كل شي راح...
