سليم؛ كنت علابالي بلي محال دور في باباك
منار؛ منحبش نسمع حسك
سليم؛ واش اللي بعتني على جالها بدلتك .. دارت بيك طريق ؟
خبط طابلة الفطور تقلب كلش .. قدم ليه جا وجهو مع وجهو
منار؛ قلت سكات .. كيما خرجتك من عندهم نمحيك .. و نورمالمو تعرف نديرها.. فلللخر دم شكون يمشي فيا ..
هز و حطوا و خرج .. طلع للدوش .. دوش .. يحب يطفي النار اللي تغلي فيه ... مي والو .. مسح للبخار من المراية .. و غزر لروحو .. أفكار تدي و تجيب فيه .. أنو كلش كان لعبة .. و هو كان وسيلة.. بش تحقق انتقامها.. تخليه يعصب اكثر ..
منار؛ ترجعي و بالسيف .. مش أنا اللي يتقالو لالا ..
......
حل الباب .. لقاها نفس الحالة .. نهار كامل عداتو متكية عالفوتاي فالبالكون .. الجو بدا يبرد .. حط للسنية تاع العشا فوق الطابلة و راح عندها قعد مقابلها ..
إيان؛ رايحة تبقاي هكا ؟
سكات ..
إيان؛ رياااااان
ريان؛ مش قادرة نهدر إيان خليني وحدي
إيان؛ براحتك .. كولي عشاك .. كشما تحتاجي اني في بيتي
مردتش .. غزرلها و خرج .. تنهدت .. كلماتو مزالو يترددوا في وذنها "دوكا احكمي اذا تقدري" كبست على قبضتها .. كل اللي صرا بيناتهم تعدا بين عينيها .. من أول مرة فالنادي .. للدوك .. كلش كان راح يكون مثالي كون مجاش بنو .. كان كلش راح يكون بيناتهم مليح .. و رغم انها تعرف انو ابنو حبتوا .. و قررت تحطوا في بلاصة بعيدة على حسابات انتقامها .. مي النتائج كانت باينة .. عمرك تسيي تخرب بحياة الناس بعيد على واقعهم .. هبطوا منها زوج دمعات .. مسحتهم و تبسمت .
ريان؛ عمرك تبكي على جال راجل
.........
🎣الصباح ..
خرج من البيت ضربتو ريحة القهوة .. ضيق عينيه .. و نزل دخل لقاها قاعدة على حرف الطابلة .. ترشف من القهوة و تاكل فال pancakes ..مع شافتني تبسمت
ريان؛ morning
إيان؛ صافا؟
ريان؛ ممم تشرب قهوة
ناضت صبتلوا و حطتوا فوق الطابلة ..
ريان؛ هيا قدم شبيك جامد تم ..
باقي يغزرلها و قعد .. رجعت قعدت على حرف الطابلة تاكل .. غزرلها .. تقول مش نفس لبنادم تاع لبارح .. رشف من القهوة ..
ريان؛ ممم بنينة .. أحلى حاجة هي القهوة عالصباح .. تفطن .. جو عاللخر
إيان؛ نورمال نتي ؟
ريان؛ هههه هذا هو الجانب اللي متعرفوش على ريان اللي عرفتها فالصغر ..
إيان؛ مش عاجبني
ريان؛ إكزاكتومون هذا هو الجانب اللي قدرت نتشبت بيه للحياة
إيان؛ احكي ملخر وش ناوية !
ريان؛ ممم والو
إيان؛ رياااان مكلاه تتحركي خطوة بلا بيا
طبست عالتابلة جا وجهها مع وجهو .. عدات عينيها عليه ..
ريان؛ سنين من قبل و انا نجيب حقي وحدي .. و حتى اللي عملوا روحهم في صفي عمرهم ما كانو .. دوكا ظلي و منوثقش فيه ..
جبدت روحها .. حطت الكاس و ناضت ..
ريان؛ ني ديت مفاتح طوموبيلتك السبور .. ايا ممبعد
غزرلها مش فاهم والو
إيان؛ وييييين !!
ريان؛ طمن مش لعندوا مزال وقتوا ..
خرجت .. تنهد بغل ... جبد تيليفونو كتب فيه .. و خرج...
غزرت للبحر .. و تنهدت .. مرتين !! .. نفس الغلطة .. مرتين نفس الحكاية ..غزرت للفرد فيدها.. و تبسمت..
ريان؛ مش مشكل .. متوجعش كيما الضربة اللولة تغيض التكليحة برك .. هربوا كيما تحب.. نحطوا تحت رجلي و لا منتسماش .. هزت تيليفونها كلمت واحد ..
ريان؛ نظن راك فنيويورك ... كاليفورنيا؟ .. نحتاج منك معروف .... ممم نريقلك ...وين ؟ .. اوكي غدوة...
كوبات و رجعت شعرها للتالي .. أفضل وسيلة للدفاع هي الهجوم ..
الليل بدا يطيح .. عدات نهار كل .. تطلع و تهبط في حساباتها ..ركبت الطوموبيل .. شعلت تيليفونها لقات كومة آبالات من إيان .. إيريكا..وجاكي و ريكي.. الظاهر جاو لنيويورك ..جات تحطوا دخلت نوتيفيكاسيون خلاف.. عضت شفافها بقوة ..
منار؛ توحشتك
غمضت عينيها بقوة و حلتهم ..
ريان؛ مش مشكل سي منار .. لعبة الأعصاب معامن طحت .. حطت التيليفون و ديمارات ...
الليل .. تسوق و تفكيرها فالشي اللي راح تعملوا .. راح تحل باب النار على مصراعيه .. و تتاكد أنو عيلة الهاشمي ..
بش يتحرقو بالنار اللي شعلوها ... حبست الطوموبيل .. طلعت راسها غزرتلوا قاعد قدام مع شافني تنطر وقف..
أنت تقرأ
العميلة 306 الجزء الثاني (اللهجة الجزائرية)
Acciónالعميلة 306 للجزء الثاني : كون جينا نختاروا حياتنا كيفاه تكون بيدنا .. كون كل واحد فينا يخير .. وش يحب وش يكره .. يحط غير الفرحة فحياتو .. ميخليش مجال و لو شوي للدموع يعرفوا طريق لعينيه .. ينوض كل صباح ..و هو علابالو بلي مش راح يقلق .. و كل شي راح...
