العميلة 306 الجزء الثاني (اللهجة الجزائرية)

الحلقة 61

الحلقة 61 :
تلفت مفجوع  شاف وراه اللي كان طايح .. ضحكت
ريان؛ الوسائل قلتلي ؟ الظاهر عبد مهم حتى عندك هاد الأعداء
ماكسيموس؛ منهزوش السلاح كون جا معندناش أعداء .. ياك الغاية أهم حاجة
ريان؛ ممم المهم فرصة سعيدة
جرا حتى وصللها
ماكسيموس؛ كارتي
غزرت ليدو و طلعت راسها غزرتلوا
ماكسيموس؛ ههه وشيا الخزرة هادي .. تقول حبسك واحد مريول
ضحكت
ماكسيموس؛ جيست لرد الدين مليحة يكون عندك حليف .. و أهم من ما تتصوري
حكمتوا عليه
ريان؛ كون واجد برك و متبدلش النومرو
ماكسيموس؛ نخاف تديرونجيني ههه
ريان؛ توله لظهرك
مشات تبسم و هو يغزرلها تلفت غزر لجثة هاداك
..............[فلاش باك خلصت]
ماكسيموس؛ لحق وقت تصفي حساباتك ؟
ريان؛ ممم السبع راهو واجد ؟
ماكسيموس؛ و ناوي عليك تاني. .
ريان؛ و هو المطلوب
ماكسيموس؛ هيا مالا
جا ماشي حبسو صوتها من التالي
ريان؛ علاه
ماكسيموس؛ اه ؟
ريان؛ علاه مسقسيتش علاه اني حابة نقتلوا ؟ وش هدفي ؟ أنا شكون
تبسم .. هز يدو نحا نواضرو و قدم عندها .. غزرلها في عينيها
ماكسيموس؛ ريان في الدنيا هاذي كاين نوع من الناس .. اللي ميحتاجش يعرف نتي شكون .. وش تسواي .. قداه عندك.. شكون باباك .. اللي يحكم عليك بلا ما يعرف والو غير الظاهر منك .. انا  هاد النوع تحبي تعرفي علاه ..كنت هاداك الطفل اللي في عمروا 17 عايش ولا هامني .. نروح للدار روطار ...
تعرفي زف الصغر..جات الليلة اللي روحت للدار لقيتها مقلبة .. نلحق نلقاهم قاتلين يما و بابا .. قاع وش عندي فالدنيا ..علاه بسبة خويا هربلهم بشكارة كوكايين كان لازم يوصلها .. حطولي السلاح في يدي و راحو .. طايح على يما و بابا .. يجيو يهزوني و يقولوا
-بتهمة الشروع في القتل العمدي من طرف الجاني مزيان شراف الذي راح ضحيته السيد --------------- البالغ من العمر 57 و السيدة ----------------  البالغة من العمر 55 .. و بعد ثبوت الأدلة .. حكم على المتهم بالسجن المؤبد بعد ..
تلفت يغزر للبعيد .. هربت بش نجيب حقي
ريان؛ وين لحقت فغايتك؟
ماكسيموس؛ وليت العدو لول ليهم قطعت اللي قتلوا والديا طرغ طرف
ريان؛ تحس بالراحة كي كلش يتفك مش هكا
ماكسيموس؛ لا على خاطر خويا اللي من دمي دار فيا ..
ريان؛ هه الضربات اللي يجيو من العايلة يوجعوا اكثر
ماكسيموس؛ على هاذي قتلك مش كل حاجة تشوفها العين صح ومش اي هدرة تتامن ..مدام وصلتي للقتل كاينة سبب قوي ..
ريان؛ صحا وش حكايتك مع يزيد
ماكسيموس؛ باباك ؟
ريان؛ امم
ماكسيموس؛ علابالك بلي مكنتش علابالي بلي نتي اللي سليم طلل انو يقتلها عن طريق الديب واب .. حتى مبعد كي حبو ينتقموا لظميلهم حطو دوسيك قدامي باه عرفت
ريان؛ و كي عرفت علاه حبيت تقتلني  بالغاز
ماكسيموس؛ راني نبانلك انا اللي درتها
ريان؛ كي عاد مش الديب واب اللي قاعد ينتقم مالا شكون .. و سليم هاو معاك !!
ماكسيموس؛ كل التحركات اللي صرات كنتي علابالك بيها حتى من سليم جبتوا باسك نتي حبيتي
ريان؛ حبس تخلطت انا حكايات المافيا هادو جبت حياتي كل و انا نجري وراهم ووالو ..
ماكسيموس؛ كاين طرف خيط مش محكوم
ريان؛  خليني نخمم حطت يديها على راسها .. شكون هذا ؟؟ الشك بدا يدور بيها ..
هزت راسها تغزرلوا
ماكسيموس؛ شاكة فيا ؟
ريان؛ وش علاقتك بيزيد و علاه خاف منك ؟
ماكسيموس؛ من الاحسن متعرفيش
ريان؛ لالا قولي لازم نربط الخيوط
تنهد
ماكسيموس؛ خويا اللي حكيتلك عليه
ريان؛ خوك !!؟؟؟
..........
سلام توحشتكووووووم علابالي عندي مدة طويلة .. الله غالب مكنتش في وضع تاع كتيبة .. يعطيهم الصحة اللي خلاو ميساجات و كومنتار يسقسيو عليا ربي يفرحكم عزيزاتي
بالنسبة للكرو بش نحاول كل ما نلقا وقت نرمي بارتي ..