قلب لا يقبل الهزيمة

*الحلقه الخامسة*

~*قلب لايقبل الهزيمة*~ ❤️💪✌️
5️⃣
➖➖➖➖➖➖➖➖
بالقاهرة ..... عند رحيم واسماء

نزل رحيم من السياره واتجه إلى الجنب الآخر وفتح باب السياره  لأسماء ومد يده لها نظرت إلى يده بتوتر و مدت يدها له ووضعتها بيده ونزلت من السياره واغلق الباب خلفها نظرت له وقالت

اسماء :- احنا رايحين فين
رحيم :- تعالى بس و أتجه إلى  الصائغ
اسماء :-نظرت له بأستغراب وقالت احنا هنعمل ايه هنا
رحيم :- هجبلك شبكتك
اسماء :- شبكتى !؟
رحيم :- اه شبكتك انا عارف ان جدى وزع عليكم  دهب تيتا الله يرحمها على أساس أنها الشبكه بتاعتكم بس انا مليش دعوه بكل ده انا هجبلك شبكتك من فلوسى انا يا اسماء يلا تعالى ندخل بقى
اسماء :-نظرت له بأستغراب وقالت  تعرف انك غريب اوى
رحيم :- غريب ليه
اسماء :- مش عارفه بس انت طيب اوى وراجل بجد
رحيم :- ابتسم لها وقال وكلامك ده طالع من قلبك
اسماء :- طبعآ من قلبى انا مستغربه ازاى مكنتش شايفه كل ده فيك قبل كده انت احسن اخ فى الدنيا دى كلها
رحيم :- كان سعيد بكلام اسماء له  جدآ لكن قلبه تألم عندما قالت له أنه اخ لها ابتسم لها بحزن وقال  امشى يلا وذهبوا عند الصائغ وقال اختارى كل اللى يعجبك يا اسماء
اسماء :- نظرت إلى المجوهرات المتواجده وقالت كلهم شكلهم تحفه الصراحه
رحيم :- اشترى ليكى كل اللى فى المكان لو عايزه
اسماء :- ابتسمت وقالت مش للدرجادى واختارت اشياء رقيقه وبسيطه 
رحيم :- اختارى كمان يا اسماء
اسماء :- لا كفايه اوى كده انا اصلا مش بحب الدهب الكتير
رحيم :- اجبلك الماظ
اسماء :- فيه ايه يا عم انت الماظ مره واحده لا يا سيدى كفايه عليا اوى كده
رحيم :- اه الماظ مره واحده مفيش حاجه فى الدنيا دى  تغلا عليكي والله يا اسماء
اسماء :- ابتسمت له وقالت ربنا يخليك
رحيم :-نظر لها بحب ودفع النقود واخذ المجوهرات وخرجوا من المحل وصعدوا إلى السياره مره اخرى واخذ العلبه وقال هاتى ايديك
اسماء :- بأستغراب ايدى
رحيم :- ايوه ايديك مش هاكلها والله
اسماء :- ابتسمت ومدت يدها له
رحيم :- امسك الخاتم و قام  بوضعه بأصبع اسماء وقال متقلعهوش من ايديك أبدآ يا اسماء مهما حصل ما بينا
اسماء :- اغلى هديه على قلبى من اغلى واحلى اخ فى الدنيا
رحيم :- اغلق عينه بوجع وشغل السياره وذهب بها إلى الفيلا مره اخرى
&&&&&&&&&&&&&&&&&&&&&&&
بعد مرور  شهر بدون احداث تذكر
اسكندريه......فيلا اشرف

استيقظت رضوى من نومها على صوت رنين هاتف سليم نظرت على السرير وجدته فارغ وسمعت صوت مياه تأتى من المرحاض نهضت من على فراشها وذهبت اتجاه الهاتف ونظرت فيه وجدتها رانيا اغلقت السكه ورجعت جلست على الأريكة مره اخرى
بعد وقت خرج سليم من المرحاض ونظر لرضوى وقال سليم :- انتى صحيتى
رضوى :- لا لسه نايمه سؤال ذكى جدآ يعنى
سليم :- انتى ايه يا بنتى مسحوبه من لسانك
رضوى :- مقدرش أفيدك فى الموضوع ده اصل كنت ساعتها بعيط ومش عايزه انزل الدنيا فتلاقينى كنت مشغوله شويه
سليم :- هه خفه
رضوى :- ظريف
سليم:- نظر لها بغيظ وتنهد ووقف أمام خزانة ملابسه ليختار ملابس له
رضوى :- اخذت نفس عميق واخرجته ببطئ وقامت وقفت وذهبت اتجاه سليم وقالت اوعى انا هطلعلك هدوم
سليم :- بأستغراب وده من امته إن شاءالله
رضوى :- خلاص براحتك قولت اساعدك وقبل أن تتحرك
سليم :-مسك ذراعها وقال خلاص تعالى انا كنت بسأل عادى
رضوى :- توترت من قرب سليم لها وهو عارى الصدر وقالت ط.ط.طيب اوعى
سليم :- قربها اكثر له وقال مالك
رضوى :- ابتلعت ريقها بصعوبه وقالت م.م.مفيش
سليم :- اصلك مش على بعضك كده ومتوترة
رضوى :- حاولت تبتعد عنه
سليم :- قربها اكثر له وبدء يضايقها وفى ذلك الوقت سمع صوت رنين هاتفه ابتعد عنها وقال احم ا ا اختارى ليا طقم على ما ارد على الفون
رضوى :- نظرت له بقرف واخذت نفس عميق واخرجته بهدوء  واختارت له طقم ووضعته على السرير 
سليم :-اجاب على الهاتف وقال صباح الخير يا قلبى
رانيا :- بعصبيه انت كنسلت عليا ليه
سليم :- انا مكنسلتش عليكى انا كنت فى الحمام ولسه خارج
رانيا :- لا فيه حد كنسل عليا
سليم :-نظر لرضوى بغيظ وقال ممكن تكون الشبكه يا حبيبتى حقك عليا متزعليش
رانيا :- لا انا زعلانه منك لازم تصالحنى
سليم :- تنهد وقال أصلحك ازاى بقى
رانيا :- امممم هات ليا خاتم الماظ
سليم :- نعم
رانيا :- ايه كتير عليا
سليم :- لا يا حبيبتى مش كتير عليكى بس انا لسه جايب ليكى عربيه الشهر اللى فات وقصر  فى مزانية الشركه اصبرى عليا شويه
رانيا :- انا اصلا مرضتش اقولك هات طقم كامل اكتفيت بخاتم بس شكلك مبقتش تحبنى زى الاول يا سليم
سليم :- بحبك طبعآ يا رانيا واكتر من الاول كمان بس انتى شايفه الظروف
رانيا:- لو مكنتش اطلب من جوزى حبيبى كل اللى نفسى فيه هطلب من مين بس
سليم :- طيب يا حبيبتى اقفلى دلوقتى ولما اجى الشركه نبقى نتكلم باى واغلق السكه ونظر لرضوى بغيظ وقال انتى كنسلتى على حد فى تليفونى
رضوى :- ها ل ل لا طبعا وانا من امته بمسك تليفونك
سليم :- هيكون مين يعنى عفريت دخل الاوضه كنسل عليها وخرج
رضوى :- معرفش بقى اولع انت وهى وأنا مالى تتصل عليك ولا لا
سليم :- مسك ذراعها وقال مش يمكن تكونى غيرانه مثلا ؟
رضوى :- غيرانه ؟ وانا هغير عليك ليه بقى أن شاء الله
سليم :- يمكن عجبتك
رضوى :- ده ايه الثقه المبالغ فيها دى وهتعجبنى على ايه بقى أن شاءالله
سليم :- شاب وسيم طول بعرض وكل البنات هتتجنن عليه وفى نفس الوقت جوزك قولتى أن انا من حقك مثلا وبتحاولى توقعينا فى بعض
رضوى :- بلاش كلام اهبل اوعى كده خلينى امشى
سليم :- بس انا شايف أن اللى قولته صح وشايف الاهتمام زياده  بيا اليومين دول
رضوى :- بقولك سيبنى وحاولت تبتعد عنه وقامت بدافعه بقوه والاثنين وقعوا على السرير
سليم :-نظر لرضوى فى عيناها وابتلع ريقه
رضوى :- دفعته بعيد عنها وقامت ركضت إلى المرحاض
سليم :- نام على ظهره على السرير ونظر للاعلى وتنهد ونهض ارتدى ملابسه ووقف يمشط شعره امام المراه
رضوى :- خرجت من المرحاض وهى متوتره ومن غير ما تنظر له قالت اا.انا عايزه انزل اشتغل
سليم :- نظر لها وقال نعم يا اختى تنزلى تشتغلى ليه بقى أن شاء الله
رضوى :- بقعد طول النهار لوحدى فى الفيلا وبزهق حتى مى نزلت اشتغلت وعمى اشرف بيروح الشغل وانت كمان وانا ببقى لوحدى طول النهار
سليم :- هتشتغلى ايه يعنى
رضوى :- اى حاجه ي انشالله فى الشركه معاك
سليم :- الشركه معايا وانتى بتفهمى فى الهندسه بقى
رضوى :- انا فنون جميله يعنى ممكن اساعدك فى التصاميم أو اى حاجه
سليم :- تنهد وقال ماشى
رضوى :- يعنى اجهز نفسي
سليم :- تجهزي نفسك ايه هو انتى هتنزلى من النهارده
رضوى :- مدام وافقت هستنى ليه لبكره
سليم :- اخلصى طيب
رضوى :- هوى واخذت ملابس لها وركضت إلى المرحاض وارتدت ملابسها سريعآ وخرجت
سليم :- حتى فى لبسك مسترجله
رضوى :- عجبنى
سليم :- عجبك عجبك يا اختى امشى يلا وفتح الباب وخرجت رضوى وخرج هو خلفها و أغلق الباب
رضوى :- وقفت وقالت انزل قدامى
سليم :- تنهد بغيظ وتحرك ونزلت خلفه رضوى وقال شكلنا اتأخرنا والكل مشى كله بسببك
رضوى :- وانا مالى الله
سليم :- اقول عليكى ايه بس يا شيخه امشي نفطر فى الشركه
رضوى :- انا اصلا مليش نفس للاكل
سليم :- خرج وهو متعصب وصعد السياره ونظر لرضوى بعد ما صعدت وقال متقوليش هناك انك مراتى فاهمه
رضوى :- فاهمه هقول معرفكش اصلا
سليم :- غبيه ما الكل هيشوفك معايا كل يوم قولى انك بنتى عمى وبس وجايه هنا علشان تشتغلى مفهوم
رضوى :- تنهدت بغيظ وقالت مفهوم
سليم :- وملكيش دعوه بأى حاجه اعملها هناك فاهمه
رضوى :- ما خلاص ما قولنا مفهوم هتمشى ولا هنوقف كتير كده
سليم :- تنهد وقام بتشغل السياره واتجه إلى مقر الشركه
&&&&&&&&&&&&&&&&&&&&&&&
فى القاهره.......فيلا هشام