قلب لا يقبل الهزيمة

*الحلقه التاسعة*

~*قلب لايقبل الهزيمة*~ ❤️💪✌️
9️⃣
➖➖➖➖➖➖➖➖
بالاسكندريه .....فى شركة سليم

دلفت رضوى إلى داخل الشركه ومعها سليم ليتجه كل واحد منهم إلى المكتب الخاص بهم
رضوى جلست على المقعد الخاص بها لترجع للخلف برأسها لتفكر بالحوار الذى دار بينها هى و سليم لترتسم بسمه على شفاها وهى تتذكر ما قاله لتفيق على صوت طرق الباب لتأذن لطارق بالدخول
اتفتح الباب ودخل شادى قائلا :- صباح الخير يا فندم
رضوى بأبتسامه إجابته :- صباح النور اتفضل يا شادى
شادى :- جلس على المقعد وقال انا اسف لو كنت سببت ليكى مشاكل امبارح
رضوى :- بأستغرب تسألت مشاكل ايه دى
شادى :- أجابها قائلا مع البشمهندس سليم لأن انا حسيت أنه اتعصب امبارح لما شافنا واحنا بنهزر مع بعض
رضوى :- نفت ما قاله وقالت لا خالص محصلش حاجه من دى وسليم كان عادى معاك وهو اصلا ايه اللى هيخليه يتعصب بس
شادى :- مش عارف
رضوى :- عمومآ اطمن محصلش حاجه وكل شئ تمام
شادى :- نظر لها بأعجاب قائلا انتى شخصيه جميله اوى ودمك خفيف جدآ
رضوى :- ابتسمت له قائله ميرسى ده من ذوقك
شادى :- هو انتى فعلا كنتى عايشه فى الصعيد
رضوى :- إجابته بالتأكيد ، ايوه انا متربيه عمرى كله هناك بس بتسأل ليه
شادى :- اصل شايف يعنى لا طريقة كلامك ولا اسلوبك صعيدى خالص
رضوى :- بأستغراب ازاى يعنى
شادى :- يعنى طريقة كلامك مش باللهجه الصعيديه ولا طريقة هدومك تدل انك عايشه عمرك كله فى الصعيد
رضوى :- أجابة بأستنكار قائله هو يعنى علشان صعيديه لازم اتكلم بأفوره زى الافلام والمسلسلات ولا لازم امشى بفستان صعيدى ولا البس لبس مش متناسق مع بعضه على فكره احنا مش كده خالص احنا عادى جدآ بنتكلم بطريقه خاصه زى الاسكندرانيه وبورسعيد ودمياط كل محافظه وليها طريقه كلام مختلفه بس طبعآ مش بالطريقه المتخلفه اللى بيطلعونا بيها فى الافلام والمسلسلات والروايات احنا بنات عادى خالص بندخل جامعات وبنتعلم وبنشتغل محامين ومحاسبين ومهندسين بيوتنا مش من طين لا احنا بيوتنا عماير وفيلل وشقق عادى يعنى من الاخر زينا زى اى محافظه عادى بس هما اللى طلعونا بشكل متخلف وعبيط
شادى :- بأعجاب عارفه انا فهمت كلامك واتأكدت منه بعد ما اتكلمت معاكى وفعلا انا سعيد جدآ بمعرفتى بيكى
رضوى :- ابتسمت له قائله الشرف ليا انا والله
شادى :- نهض قائلا معلش عطلتك هسيبك تشوفى شغلك
رضوى :- ابتسمت له قائله ده على اساس الشغل مقطع بعضه معايا ما انا قاعده اهو ولا شغله ولا مشغله
شادى :- قهقه على حديث رضوى وقال يا بختك حد لاقى ده انا ورايا شغل قد كده ومش قادر اخلصه
رضوى :- اشطا هاتوا وتعالى اساعدك
شادى :- بأستغراب تسأل، بجد
رضوى :- مؤكده حديثها قائله ايوه بجد تعالى اساعدك بدل ما انا قاعده فاضيه كده
شادى :- بأبتسامه وامتنان قال شكرآ ليكى بجد هروح اجيب الشغل واجى ليكى علطول ودلف للخارج وذهب إلى مكتبه
&&&&&&&&&&&&&&&&&&&&&&&
بالقاهره......فى فيلا هشام