قلب لا يقبل الهزيمة

*الحلقه الخامسة والعشرون*

~*قلب لايقبل الهزيمة*~ ❤️💪✌️
5️⃣2️⃣
➖➖➖➖➖➖➖➖
بالاسكندريه.......شركة جاسر

جلس جاسر على مقعده الخاص بغرفة مكتبه بأرهاق شديد وتناول الهاتف المحمول واجرى اتصال بزوجته مى وانتظر الرد
بعد وقت إجابة عليه قائله   :- جسور روح قلبى واحشتنى
جاسر :- انتى اكتر يا روحى عامله ايه
مى :- كويسه ومحتاجه وجودك جمبى
جاسر :- والله لو بأيدي كنت قعدت معاكى فى الصعيد لحد ما تولدى بس عندى شغل قد كده فوق دماغى ولو سيبته الشركه هتضيع
مى :- هوف بقى طيب اعمل ايه دلوقتى انا عايزه اشوفك علشان واحشنى اوى
جاسر :- طيب ما انا قولتلك تعالى معايا انتى اللى صممتى انك تقعدي لحد ما تولدى
مى :- طيب ما هيا هيا هاجى اقعد فى الفيلا لوحدى وانت هتبقى طول النهار فى الشغل خلينى هنا احسن
جاسر :- طيب قوليلى انا اعمل ايه لا كده عجبك ولا كده عجبك اقولك ارجعى تقوليلى لا اقولك خليكى قاعده تقوليلى واحشتنى وعايزه اشوفك علطول قولى انتى الحل
مى :- مش عارفه بقى مش انت الراجل اتصرف
جاسر :- ما انا برضه مش عارف ارضيكى ازاى يا روحى ده انتى حتى خلتينى امشى زى ما جيت ايد ورا وايد قدام فاهمه انتى طبعآ
مى :-وهو ده كل اللى همك يعنى أنا بوحشك علشان كده وبس
جاسر :- لا طبعآ يا روحى مش ده كل اللى يهمنى بس برضه انا جوزك وليا حقوق عليكى ومش عايز اغصبك على حاجه ولا ازعلك علشان بحبك يا مى بس برضه إذا كان حبيبك عسل الموضوع لما بيزيد عن حده بيولد انفجار وانا مش عايز اوصل للمرحله دى يا مى
مى :- والله يعنى أنا دلوقتى الوحشه واللى بزعلك علطول وانت الملاك ابو جناحين صح
جاسر :- انا مقولتش كده يا مى بس انا بجد محتاج وجودك فى حياتى وفى نفس الوقت مش عايز اضغط عليكى وبقول انك حامل والزعل مش كويس عليكى
مى :- خلاص تعالى ليا النهارده وبكره امشى
جاسر :- تنهد وقال ربنا يسهل هشوف ظروفى ايه
مى :- بحبك
جاسر :- مجنونه والله
مى :- بعشقك
جاسر :- مى اقفلى اقفلى
مى :- بقلق فيه حاجه
جاسر :- ها مكالمة شغل مهمه سلام واغلق السكه واجاب على الهاتف سريعآ وقال رحيم فيه حاجه ولا ايه
رفعت :- انا رفعت صاحبه يا جاسر
جاسر :- اه اهلا وسهلا خير رحيم فيه حاجه
رفعت :- رحيم خرج من بدرى وقال هيروح يبص على اسماء ولحد دلوقتى مجاش وانا قلقان عليه اوى لانه ماشى من هنا وهو تعبان وتليفونه سايبه فى البيت وانا بكلمك منه ومش عارف أوصله وانت الوحيد اللى تعرف المكان اللى بيدخل منه رحيم
جاسر :- وايه اللى يخليه يروح تانى هناك بس ليه ممنعتهوش يا رفعت
رفعت :- حاولت بس هو كان مصمم يروح يشوفها
جاسر :- يعنى أنا حاولت أقنعها امبارح أنها بتتخيل يروح هو ليها النهارده ويأكد كلامها انا مش عارف رحيم ده بيفكر ازاى بس ، بص هقولك على المكان فين بالظبط روح هناك وطمنى عليه
رفعت :- ماشى قول
جاسر :- قال له المكان بالتحديد واكمل كلامه وقال انا هركب دلوقتى وجاى عندكم مسافة السكه
رفعت :- ماشى سلام
جاسر :- أغلق السكه وقال بقلق يا ترى يا رحيم ايه حصلك ونهض سريعآ ونزل إلى الأسفل صعد سيارته واتجه إلى الصعيد