قلب لا يقبل الهزيمة

*الحلقه السادسة عشر*

~*قلب لايقبل الهزيمة*~ ❤️💪✌️
6️⃣1️⃣
➖➖➖➖➖➖➖➖
الاسكندرية ..... فيلا اشرف

عاد سليم ومعه رضوى إلى الفيلا ودلفوا الاثنين إلى داخل الفيلا ونظروا بصدمه لبعض وقالوا :- جدى
رضوى :- ركضت إلى جدها واحتضنته وقالت جدى واحشتنى اوى انا فرحانه اوى انك جيت عامل ايه يا حبيبى وماما عامله ايه
سويلم :- وهو ينظر إلى سليم قال أنا كويس يا حبيبتى وامك كويسه
رضوى :- طيب هى مجاتش معاك ليه
سويلم :- جات معايا
رضوى :- بفرحه بجد هى فين طيب
سويلم :- عند ابوكى فى المستشفى
رضوى :- برضه لسه بتحبه وبتخاف عليه بعد اللى عملوا فيها ده كله وجات تجرى عليه اول ما تعب انا مش عارفه ايه الضعف اللى هى فيه ده
سويلم :- مهما كان ده جوزها ابو بناتها
رضوى :- ضحكت بسخريه وقالت جوزها ابو بناتها دلوقتى بقى جوزها ابو بناتها وكان فين من الاول ايام ما رامها وراح اتجوز عليها واحده متسواش
سويلم :- مش وقته الكلام ده يا بنتى ونظر لسليم وقال ايه مش ناوى تسلم على جدك
سليم :- ها احم ا.ا اه طبعآ وقبل يده وقال حمدالله على السلامه يا جدى نورت اسكندريه
سويلم :- مش باين عليك انك فرحان بوجودى
سليم :- ها ل.ل.ليه بتقول كده يا جدى
سويلم :- اتجوزت على رضوى ليه يا سليم
سليم :- بصدمه ها م.م.مين اللى قالك
سويلم :- عرفت وخلاص رد عليا اتجوزت ليه على بنت ابنى دى الامانه اللى بعتها معاك طالع نسخه من عمك منصور من اول ما اتولدت وانا بشوف فيك عمك منصور
سليم :- نظر لرضوى وقال ي.ي.يا جدى ا.ا.انا كنت متجوزها قبل رضوى ومليش دعوه بعمى منصور عمل ايه مع مراته بس الجوازه دى غلطه وانا هصلحها
سويلم :- يعنى اخدت قرارك من دماغك ونفذته ومعملتش حساب لكبار العيله شكلك عايز تتربى من اول وجديد يا سليم ورفع يده وقبل أن يصفع وجه سليم وقفت امامه رضوى والصفعه جاءت بوجهها
رضوى :- اغلقت عيناها بألم ووضعت يدها على وجنتها وقالت أنا كنت عارفه كل حاجه من قبل الجواز يا جدى
سويلم :- بصدمه عارفه
رضوى:- ايوه يا جدى عارفه وهو وعدنى أنه هيطلقها بس عنده مشكله واحده بس أن المؤخر كبير شويه
سويلم :- اكيد المبلغ اللى كنتى طالباه منى صح
رضوى :- ايوه ارجوك يا جدى جهزه ليه فى أقرب وقت
سويلم :- انا شايف قدامى قصة منصور ومنال بتتكرر تانى من اول وجديد
رضوى :- هزت رأسها وقالت لا يا جدى انا مش منال ولا عمرى هكون ضعيفه زى امى ولا هرضى بأمر واقع انفرض عليا
بأيدى هغير مصيرى ومش هسمح اعيش قصة امى ولا أن أقبل اجيب اولاد يعيشوا محرومين من الاب وهو عايش فى الدنيا
سويلم :- ناويه على ايه يا رضوى
رضوى :-ناويه اكون انا مش حد تانى يا جدى
سليم :- جدى انا اتغيرت على ايد رضوى وبحاول اصلح كل اللى فات واعيش حياتى صح والفضل كله يرجع لرضوى
سويلم :- هو ليه لحد دلوقتى محصلش حمل زى ما مرات اخوك حملت
رضوى :- نظرت بصدمه لسليم ونظرت لجدها وقالت ها
سليم :- م.م.محصلش حمل احم ا.ا.ارادة ربنا ل.ل.لسه ربنا مأردش
سويلم :- فيه دكاتره وهما يقدروا يعرفوا السبب
رضوى :- احم م.م.ما احنا روحنا يا جدى و.و.وقالوا ا.ا.ان مفيش حاجه ت.ت.تمنع الحمل ب.ب.بس هى مسألة وقت ونظرت لسليم بتوتر
سليم :- ا.ا.ايوه بالظبط زى ما رضوى قالت
سويلم :- نظر لهم بأستغراب وقال فيه ايه مالكم
رضوى :- م.م.مالنا يا جدى ما احنا ع.ع.عادى اهو
سويلم :- لا مش عادى شكلكم مرتبك ومش طبيعى
سليم :- ل.ل لا يا جدى احنا طبيعين جدآ ه.ه.هنرتبك ليه ب.ب.بس
سويلم :- عمومآ كل حاجه هتبان وانت هتدفع المؤخر وطلق التانيه والباقى بقى ربنا يسهل وتركهم وذهب
سليم :- نظر له وتنهد بتوتر
رضوى :- تفتكر هو يقصد ايه بكلامه ده
سليم :- مش عارف
رضوى :- بسببك انت بقيت واحده كدابه هوف بقت حاجه تقرف وتركته وصعدت الغرفه
سليم :- نظر لها وقال مالها المجنونه دى واتجه هو الآخر إلى الغرفه واغلق الباب خلفه وقال أنا مالى هو انتى كل حاجه تجيبى السبب عليا
رضوى :- ايوه لو مكنتش اتجوزتك علشان نعمل التمثيليه الهابطه دى مكانش زمانى بكدب على جدى
سليم :- ده على اساس كنت هموت عليكى فى وقتها ومش جدى اللى غصب علينا نتجوز بعض
رضوى :- لو مكانتش زفتت الطين دى فى حياتك وعمى طلب منى اوافق اتجوزك علشان ابعدها عنك كان زمانى مصممه على رأى ورافضه اتجوزك
سليم :- اقترب منها وقال بس تعرفى احسن حاجه أنهم غصبوا علينا واتجوزنا علشان لو مكنتش اتجوزتك مكنتش هشوف ولا هحس باللى انا حاسس بى دلوقتى
رضوى :- حاسس بأيه يا منحنح بحموضه على صدرك
سليم :- لا بحبك يا ظريفه
رضوى :- ا.ا.ايه اللى انت بتقوله ده بلاش كلام عبيط حب ايه وهبل ايه اللى بتقول عليه ده
سليم :- اقترب منها أكثر وقال الحب عمره ما كان هبل ولا كلام عبيط يا رضوى الحب ده اجمل حاجه فى الكون وعرفته على ايديك
رضوى :- س.س.سليم بلاش طريقة كلامك دى معايا وانا قولتلك شيل الفكره دى من دماغك لان انا عمرى ما هسلم قلبى ليك أو لغيرك انا مجرد وقت مؤقت فى حياتك هتطلقنى وكل واحد مننا هيروح من طريق يا ابن عمى
سليم :- وتفتكرى جدك هيوافق على موضوع الطلاق ده
رضوى :- ملكش دعوه بجدى انا هعرف اتصرف معاه
سليم :- وليه نطلق يا رضوى ما ندى بعض فرصه ونسيب قلوبنا تلتقى ونجرب مش يمكن الحب يعجبك
رضوى :- هزت رأسها بالنفي وقالت مستحيل ده يحصل يا سليم انت هتطلقنى يعنى هتطلقنى
سليم :- احتضن وجهها بين يده ونظر فى عيناها وقال رضوى بصى فى عيونى وانتى تعرفى انا بحبك قد ايه
انتى عملتى فيا حاجات كتير اوى فى فتره صغيره بقيت اشوفك فى كل لحظه قصاد عيونى والله العظيم حبيتك بجد
رضوى :- نظرت فى عينه وأغلقت عينها وابتعدت عنه وقالت سليم ارجوك بلاش طريقتك دى انا منفعكش ولا أنفع غيرك
انا شخصيه معقده وصعب تعرف تتعامل معايا ارجوك قفل على الموضوع ده بص انا من رأى كمل مع رانيا يمكن هى تقدر تسعدك اكتر منى اى واحده هتنفعك الا انا
سليم :- مش عايز غيرك وانتى ممكن تتعالجى عادى وانا مستعد انتظرك العمر كله
رضوى :- سليم ارجوك شيل الكلام ده  من دماغك وانسانى لان انا عمرى ما هفكر فيك اكتر من انك ابن عمى
ياريت بقى تقفل على الموضوع ده نهائى وتركته وذهبت المرحاض
سليم :- نظر لها وتنهد وقال هتعب اوى معاكى يا رضوى لحد ما قلبك يلين وجلس على السرير
&&&&&&&&&&&&&&&&&&&&&&&&&&&&
بالقاهره.......فيلا هشام