ﻭ ﻛﻢ ﺗﻌﻠﻤﺖ ﺃﻥ ﺍﻟﺒﻜﺎﺀ ﻟﻦ ﻳﺠﺪﻱ ﺑﻚ ﻧﻔﻌﺎً ..
ﻭﻟﻜﻨﻚ ﺳـﺘﺒﻜﻲ .. ﺭﻏﻢ ﺫﻟﻚ .. !
-------------------------------------------
كعدت الصبح محمد جان بعده نايم ومالابس تيشيرت ولا مغطي جان مبين عليه بردان غطيته هو جرني لحضنه وحضني جان جسمه كلش بارد
محمد : دانيه كلش بردان
دانيه : هسه اشغل السبلت
محمد : اي فدوه شغلي وجيبيلي بطانيه ثانيه
دانيه : تمام عوفني حتى اكوم اجيبلك بطانيه .
كمت جبت بطانيه وبلوز صوف لبست محمد البلوز و غطيته زين وشغلت السبلت ضليت كاعد يمه لحد ما نام طلعت من الغرفه حضرت الريوك رحت اكعد محمد بس جان كلش حلوو نايم ماجه من گلبي اكعده رجعت وكعدت اكل
الحجيه : محمد وين
دانيه : نايم
الحجيه : خو مابي شي ؟
دانيه : والله مريض
الحجيه : شبي
دانيه : ماخذ برد
الحجيه : تمام من تكملين كبل تروحين لعند زوجج خطيه مريض يحتاجج
دانيه : لا حجيه لازم اسوي الاكل
الحجيه : عادي اني اسويها
اسراء : اني ماعرف اسوي اكل بس راح الم السفره واغسل المواعين
دانيه : اسراء شكرا
اسراء : العفو
بسرعه كملت ورحت لعند محمد جان بعده نايم خليت ايدي على جبينه جان مصخن كلش خفت كعدته اخذته للحمام فتحت الماي البارد مالت الرشاش وجان الماي كلش بارد هو حضني
محمد : دااانيه الممماي كلش بارررد
دانيه : بس تحمل شويه
محمد : كلش بارد
دانيه : تمام تمام
سديت الماي نزعت ملابسها بقى بملابس الداخليه رحت جبتلها ملابس
دانيه : محمد اني راح اطلع انزع الملابس والبس الشورت وصيحني اوك
محمد : تمام
طلعت وره شويه محمد صاحني دخلت للحمام جان لابس الشورت لبسته الملابس وطلعنا هو تمدد عالجربايه واني جنت انشف شعره
دانيه : محمد شلون صرت ؟
محمد : كل جسمي توجعني
رحت جبت زيت الزيتون نزعت بلوز محمد هو تمدد عالبطن واني صرت اسوي مساج لظهره شفت شامه بظهره تذكرت كلام اسراء تخبلت يعني طلعت كلام اسراء صحيح حيل ضجت وكلت اكيد صاير شي بينهم ماحبيت محمد يحس لان هو خطيه مريض جنت اسوي مساج هو كال كافي تمددت يمه وجنت اباوع عليه تذكرت كلامه من كال : تدرين رغم عنادج وطول لسانج وخبالاتج وتصرفاتج الطفوليه بس حضنج بي دفئ وحنان بحياتي ماحسيت بي غير بحضنج
دانيه : محمد
محمد : هممم
دانيه : تعال نام بحضني
محمد : اوك
محمد صار فوگي وخله راسه على صدري واني ضليت العب بشعره جان جسمه حيل حار طفيت السبلت محمد نام ويدردم
محمد : دانيه احبج
دانيه : شنو
محمد : احبج دانيه
دانيه : اروحلك فدوه اني 🥺
محمد : دانيه لاتعوفيني
دانيه : مستحيل اعوفك
محمد نام واني هم نمت حسيت بايد تلعب بشعري فتحت عيني شفت محمد يلعب بشعري من شافني كعدت باسني
دانيه بعصبيه : محمد عوفني
محمد : دانيه انتي شبيج فهميني مرات احسج تحبيني ومرات احسج تكرهيني فهميني تحبيني لو لا
دانيه : لا ماحبك اكرهك واموت منك 😡
محمد : وليش شمسويه اني 😠
دانيه : شعندك ويا اسراء 🙄
محمد : شنووو 😠
دانيه : ليش تكرها صاير شي بينكم؟🙄
محمد : دانيه شبيج انتي 😠
دانيه : جاوب
محمد : دانيه ماعندي شي وياها هي لزگه وماتعوفني
دانيه : يعني قبل مانتزوج مجان عندكم علاقه ؟
محمد : لا ليش شكالت هي ؟
دانيه : لعد هي شلون تعرف انت عندك شامه بظهرك هاي اني صارلي 6 اشهور مرتك واليوم يلا شفت الشامه
محمد : دانيه انتبهي لكلامج تره مصختيها 😠كلت ماعندي شي وياها وهذاك اليوم جنت ابدل وهي دخلت للغرفه
دانيه : اممممم
محمد : بعدج تكرهيني 😒
دانيه : يييي
محمد : ويطبج مرض
محمد عافني وتمدد يمي واني جنت ضايجه وادري هسه لو ابقة يم محمد الا اتعارك كمت رحت سبحت
بدلت ومشطت شعري طلعت ردت اخذ الشسوار حتى اشسور شعري
محمد : دانيه تعالي اخذي موبايلج اجاج كومه رسايل ضوجني صوتها خليها كتم
دانيه : تمام
رحت باوعت عالرسايل جان من رقم ماعرفها ورقم محفوظ يمي بحبيبي استغربت فتحت رسايل جان كوومه رسايل غراميات وجان اكو رسايل مجاوب عليها بس اني ابد مامجاوب جنت متوترة اكول لمحمد لو لا بس مادام اني مامسويه شي راح اكول المحمد
دانيه : محمد اكول
محمد : كولي
دانيه : انت توثق بيه ؟؟
محمد : وليش هل سؤال 🤨
دانيه : عود جاوبني
محمد : ييي بس ليش
دانيه : محمد وربي مستحيل اخونك لو افكر بي حتى
محمد : دانيه شبيج اني اكول اوثق بيج
دانيه : محمد عوف الموبايل واسمعني
محمد : تمام اسمعج
دانيه : محمد وربي اني مستحيل اخونك لو افكر بي حتى والنبي مو اني المجاوب واكيد هاي اسراء حتى هذاك اليوم خليت موبايل علكاونتر واختفى وبعدين اسراء كالت هياتها والبارحه هم من دخلت للمطبخ موبايلي جانت بيد اسراء
محمد : دانيه شكو شنو قصدج 🤨
دانيه : باوع للرسايل بس والنبي مو اني وماعرف منو هاذه
محمد شاف رسايل تعصب كلش
محمد : دانيه كومي بدلي اخذج لبيت اهلج دقيقه ماتبقين اهنا😡
دانيه : محمد والقران مو اني والله مستحيل اخونك 😭
محمد : شنو مو انتي يعني تقشمرين عليه لو شنو يلا كوومي
دانيه : محمد اروحلك فدوه صدكني والله مو اني اكيد هاي اسراء
محمد : دانيه سكتي وكوومي يله
دانيه تروي القصه : جنت متاكده محمد راح يصدكني بس من حجيتلها الحقيقه تعصب وتخبل كلش انقهرت يعني معقول مايوثق بيه مو جان يكول اوثق بيج ضليت احلف واتوسل بس ماصدك كمت بدلت طلعنا من الغرفه اني جنت ابجي ومحمد جان متعصب كلش
الحجيه : شكو ابني شصاير
محمد : بعدين نحجي يلا دانيه كدامي
طلعنا من البيت اول ما وصلنا لبيت اهلي سلمت عليهم وكبل رحت لغرفتي وضليت ابجي امي اجتي لعندي حجيتلها كلشي امي هم كلش ضاجت بس هي صدكتني الحمدلله محمد بقى ويا ابوي بغرفه الضيوف ساعتين وبعدين راح ابوي اجه لعندي واني ضليت احلف وابجي ابوي هم صدكني وحضني
ابو دانيه : بنتي اني اعرفج زين ومتاكده ماتغلطين وزوجج هسه متعصب من يهدء راح يعرف الحقيقه بس انتي لاتضوجين ولاتبجين عمري
دانيه : بابه شلون ما ابجي والله راح اموت 😭😭
ام دانيه : كافي بنتي كافي يروحي 💔
ابوي راح وامي ضلت ويايه ضليت ابجي بحضن امي لحد ما غفيت نمت لحد الساعه 9 امي اجتي وكعدتني
ام دانيه : بنتي دانيه بنتي
دانيه : هممم
ام دانيه : بنتي كومي اكلي شي
دانيه : مو جوعانه
ام دانيه : مايصير بنتي ماماكله شي كومي اكلي حبيبتي
دانيه : يمه والله مو جوعانه
ام دانيه : تمام بنتي براحتج
امي راح واني ضليت بغرفتي افكر بلي صار ليش ماصدكني يعني هو يدري بيه مستحيل اخونها كلش ضجت مرت اسبوعين واني بهل الحاله تمرضت وصار عندي فقر الدم وكل دقيقه تغمى عليه جنت مخلي كانونه وكل يوميه عندي ابره لان ماجنت اكل هوايه جنت شويه اكل بس ع مود امي اليوم كعدت الظهر اكلت شويه وصليت وبديت اقره القرأن لحد العصر اجه اخوي كال بدلي نروح للصيدليه ع مود الابره بدلت ولبست حجاب ماخليت مكياج واصلا وجهي تعبانه مو مال اخلي مكياج اخوي جان منتظرني بسياره طلعت من البيت وجان الصدمه هنا 😮💔
