.ﻫﺬﻩِ ﻫـﻲ ﺍﻟﺪﻧﻴﺎ .. ﻓـﺮﺍﻕ ﻭ ﻓـﺮﺁﻕ ..
ﻟﻴﺲ ﻷﻧﻨﺎ ﻧﺮﻳﺪ .. ﺑﻞ ﻷﻧﻬﺎ ﺗُﺮﻳﺪ ..
ﺣﻴﻨﻤﺎ ﻳﺸﺘﺎﻕ ﺑِﻚ ﺍﻻﺷﺘﻴﺎﻕ ﻟﻌﺎﻟﻤِـﻪ ..
ﻟﻦ ﻳﺒﻘﻰ ﻟﻚ ﺳﻮﻯ ﺍﻟﺪﻣﻮﻉ..
--------------------------------------------
شفت محمد واكف يم اخوي معقوله لا اكيد اني احلم اتجمعت الدموع بعيوني وجنت اباوع لمحمد (هما جانو جاين لبيت ابو منير )
الحجيه : دانيه حبيبتي تعالي لعندي
رحت لعند الحجيه حضنتها لان جنت حيل مشتاقلها حاولت مابجي بس للاسف نزلت دموعي
الحجيه : ليش عفتينا بنتي ليش تره البيت فارغ بدونج ارجعي بنتي والله البيت محلو بدون
دانيه : والله ماعرف شكولج حجيه
الحجيه : لاتكولين شي بنتي ارجعي ويانا
دانيه : ماكدر حجيه والله ماكدر
جنت اباوع لمحمد واحجي وهو رفع راسه باوعلي وضل صافن عليه الحجيه شافت الكانونه
الحجيه : ياي بنتي شبيج
دانيه : فقر دم
الحجيه : ليش هيج صارت
دانيه : بعد صارت . اني اترخص لازم اروح
الحجيه : مرخوصه بنتي 💔
صعدت السياره ومحمد جان بعده يباوع عليه وصافن بهل لحظه طلعت اسراء جانت تباوع عليه وتضحك كلش تعصبت رحنا للصيدليه ضربتني الابره اصلا ماحسيت بي رجعنا للبيت اهلي قروو يروحون لبيت خالتي بس اني كلت ماجي لان كلش تعبانه وضايجه بقينا اني واخوي بلبيت حميت الاكل اكلنا غسلت المواعين كملت ورحت لغرفتي ضويت وردت اصلي
داني : دانيه اروح للمحل محتاجه شي ؟
دانيه : لا سلامتك
اخوي راح واني بديت اصلي كملت قريت القران وبعدين نزعت الحجاب وجنت اعدل الغرفه انفتح باب غرفتي عبالي اخوي انداريت وشفت محمد كبالي انصدمت ضليت صافنه على محمد ولا اراديا نزلت دموعي يمكن من كثر ما اشتاكيت 🙂💔
محمد : لج شمسويه بروحج انتي لج اني هيج رجعتج لبيت اهلج شنو هل الشكل اشو صايره بس عظام والنوب مريضه وعيونج مورمات من البجي ليش هيج مسويه بروحج
دانيه : كله من وراك وتسئلني ليش 😭💔
محمد : يروحي . تقربت منها دفعتها عالجربايه واني صرت فوگاها بستها من حلكها وضليت ابوسها لحد ما دفعتني
دانيه : محمد فدوه عوفني اختنكت
محمد : اشتاكيتلج دانيه اشتاكيتلج
دانيه : محمد والله اني مامسويه شي والله مستحيل اخونك
محمد : كافي لاتبجين ادري ماتخونيني بس جنت مجبور ابعدج مني حتى متتاذين
دانيه : شنو حتى ماتاذى تدري شصار بيه صار اسبوعين وانت لاتسئل عليه ولا شي
محمد : والله جنت اسئل عليج من اخوج
دانيه : ليش هيج سويت بيه محمد ليش
محمد : تعالي نكعد احجيلج كلشي
دانيه : تمام
محمد تروي القصه : من شفت الرسايل تخبلت جان كوومه رسايل غراميات يعني دانيه حاجيه ويا غيري يعني تخوني لا مستحيل ومن سمعت حجي دانيه تاكدت مو هي واني ادري بيه مستحيل تخوني بس منو هاذه الشخص ومن الي مجاوبه بموبايل دانيه اكيد اسراء لانو هذاك اليوم سمعتها تحجي اتصال وتكول : اي اي اذا هلمره ماتنجح الخطه لازم اخطط واتخلص من دانيه نهائيا . بس اول شي ماعندي دليل هاي خطه اسراء وثانيا لو تبقى دانيه ويانا اكيد راح تأذيها اسراء قررت امثل واسوي روحي صدكت وارجع دانيه لاهلها حتى اسراء متأذيها لحد ما يصير عندي دليل ضدها . رجعت دانيه لاهلها وحجيت كلشي لاخوي وابو واخذت منهم وعد مايحجون شي لدانيه لان ادري لو تعرف تكول اسراء ماتكدر تسويلي شي الا ارجع وياك المهم رجعت للبيت امي سئلتني عن دانيه كلت بعد ماترجع للبيت راح تبقى بيت اهلها امي كلش ضاجت بس جنت مجبور ماحجي جان البيت بدون دانيه كلش ضوجه ضليت كل يوميه اخابر اخو دانيه واسئل عن حالتها جانت تكول ضايجه شويه ومقهوره جنت حيل اضوج بس شسوي . وهاي اسراء جانت ماخذه راحتها كل دقيقه تدخل للغرفه بحجه شي واني قررت اصير زين وياها عساس احبها واني فرحان لان دانيه راحت ونجحت الخطه هي صدكت جنت شوي شوي احاول اخذ منه حجي بيوم اجتي للغرفه بحجه تنضف الغرفه
محمد : اسراء صراحه اني قررت اخطبج
اسراء : شنو 😮😊
محمد : اي راح اخبطج لان انتي خلصتيني من دانيه شكد اكرها بس ع مود امي جنت اتحملها ومادام انتي انقذتيني منها قررت بس يرجع ابوج اخطبج منه
اسراء : صدك ماكدر اصدك يعني راح نتزوج
محمد : اي اكيد بس اكو شي ابالي 🤔
اسراء : شنو ؟
محمد : شلون كدرتي اني صارلي شهرين احاول بس ماكدرت
اسراء : بس اني ماسويت شي
محمد : لا يروحي انتي ولج اني اعرفج كلش زين قابل احبج بدون ماعرفج 😉
اسراء : فديتك يروحي يعني تحبني
محمد : اي واموت عليج يلا كولي شلون كدرتي ؟
اسراء : والله ردت اطلع دانيه من حياتك لان احبك وقررت اسوي شي حتى انت تكره دانيه فخابرت علاوي ابن عمتي وقررنا اني اراسلها بموبايل دانيه عساس دانيه تخونك ورسايل الي شفتها بموبايل دانيه كلها جنت اني ادزها
محمد : امممم عفيه والله خوش خطه
اسراء : اي حبيبي
محمد : يلا روحي خاف هسه امي تشك بينا
اسراء : مو تدلل
واخيرا هي اعترفت واني سجلت صوتها قررنا بيومها نروح لبيت اخوي ابو منير من وصلنا جان داني واكف بره سلمت علي وجنا نسولف طلعت دانيه من البيت من شفتها تخبلت معقوله هاي دانيه جانت كلش ضعفانه وعيونها مورمه من البجي وبايدها كانونه من شفتها هيج تخبلت هي حجت شويه ويا امي وجانو يبجون تمنيت اكدر احضنها لان حيل مشتاقلها . هي راحت واحنا دخلنا للبيت ضل بالي يم دانيه اكلت وخابرت اخوها طلعنا
محمد : داني اني كل يوميه اخابرك واسئل عن حاله دانيه وانت تكولي زينه بس شويه مقهوره ليش ماكلتلي الحقيقه
داني : محمد انت موقفك كلش صعب وهمومك هوايه ماحبيت ازيد همومك
محمد : اممم صحيح بس يعني شلون ماكلتلي هيج صايره بيه
داني : محمد برأيي احجيلها الحقيقه كافي تره اختي كلش مقهوره خاف تصيرلها شي والله حتى الاكل بلكوه تاكل ماكول رجعها وياك للبيت عادي تبقة يمنا بس لازم تعرف الحقيقه حتى تطلع من هل الحاله
محمد : اي كلامك صحيح وشلون احجي وياها ؟
داني : تفضل هاذ مفتاح البيت ماكو احد بلبيت غير دانيه روح لعندها واحجيلها الحقيقه
محمد : تمام داني شكرا
داني : العفو هاذ واجبي
دخلت للبيت ورحت لغرفه دانيه من شافتني انصدمت ونزلت دموعها دفعتها عالجربايه وضليت ابوسها وبعدين حجيتلها كل الحقيقه
دانيه : وليش ماكلت الحقيقه من اول
محمد : مو ادري بيج اذا كلت الحقيقه جنتي تكولين ماتكدر تسويلي شي
دانيه : اي صحيح البيت بيتي ولازم هي التروح مو اني وراح ارجع وياك
محمد : دانيه يروحي افتهميني تره السالفه كلش صعبه لاتصعبيها عليه اكثر بس اتحملي هل اسبوع وعد اسبوع لاخ انتي بلبيت ويانا
دانيه : اوووف
محمد : وسمعيني زين كدامج اسبوع واحد لازم بهل اسبوع ترجعين دانيه القبل شلون اخذتج من البيت ارجعج بنفس شكل وزنج لازم ترجع نفس القبل وهاي الكانونه ماريدها لازم تاكلين وهاي العيون مورمات هم ماريدها اريد العيون الحلوات الي بنظره وحده جانت تسحرني افتهمتي بنيتي
دانيه : امممم تمام احاول
محمد : عود امر مو طلب 😒
دانيه : تمام 😒
محمد : اي مانحصل شي اليوم ؟
دانيه : مثل ؟؟
محمد : نوومه بحضنج
دانيه : لا ماتحصل شي
محمد : اشتاكيت لحضنج 😒
دانيه : اهووو يله تعال بس لاتنام اوك
محمد : عود الله كريم
دانيه تمددت واني صرت فوگاها وخليت راسي ع صدرها وهي بدت تلعب بشعري اويلي شكد جنت مشتاكه لحضنها
محمد : دانيه تدرين حيل اشتاكيت لحضنج مثل شوك الطفل لحضن امه
دانيه : هههه عود كلمره تكول عليه انتي طفله بس هلمره انت الطفل
محمد : فديت ضحكتج يروحي
دانيه : فداك الكون
سكتنا وبقيت بحضنها لحد ال9 خابرني داني وكال اهله راجعين كمت ردت اكول لدانيه لازم اروح شفتها نايمه شكد حلووه وبريئه من تنام ماجتي من گلبي اكعدها بستها من خدها غطيتها زين وطلعت رجعت لبيت اخوي جنت كلش فرحان ومرتاح كعدنا شويه ورجعنا للبيت اول مارجعنا دخلت لغرفتي وقفلت الباب حتى اسراء ماتجي وتضوجني دزيت رساله لدانيه وكتبت مساء الخير
