تفضل يا زمن اقرأ اخر كتاباتي....
انا المجروح والجارح اغلى من حياتي....💔🖇
امازلنا في قلبوكم , ام زلنا ؟!
================================
دانيه : وين ؟
منير : ماعرف بس المهم نطلع
دانيه : تمام ابدل واجي
بدلت طلعنه رحنه لمحل ايس كريم اكلنه ايس كريم وبعدين اشترينه لفات و رحنه ع الشط جان ليل الجلو كلش حلوو
منير : دانيه اكولج
دانيه : تفضل
منير : يمكن السؤال تضوجج بس فضولي شسوي
دانيه : وين زوجي وليش مو وياي مو ؟؟
منير : شون عرفتي
دانيه : منير قصتي مطوله
منير : تمام براحتج
دانيه : شكد عمرك
منير : 25
دانيه : العمر كله شعجب مامتزوج
منير : منتظرة تكمل دراسه
دانيه : ها ها يعني مرتبط 😉
منير : اي واهلي يعرفون بس تكمل كليه واروح اخطبها
دانيه : اي يا عاشق احجيلنه شون تعرفت عليها
منير : اني جنت اخر مرحله بالكليه هي اجتي جانت مرحله الاوله
دانيه : يي
منير : وهمه اصلهم من العراق جانو جديد جاين لتركيا قبله بشهرين تعرفت ع اخو ف اخو اجه وعرفني ع اخته وكال دير بالك عليه
دانيه : وانت حبيتها
منير : اي دانيه من اولمره شفتها حبيتها
دانيه : ماعندم صورتها
منير : ييي عندي .طلع موبايل من جيبه وشوفني صوره
دانيه : ماشاء الله كلش حلوه
منير : اي تخبل وبلاخص من تخجل
دانيه : ههههه ان شاء الله اشوفكم احلا عرسان
منير : عود للعرس راح نرجع للعراق
دانيه : اي كلش زين لعد
منير : ييي
دانيه : ساعه بل 11 نرجع
منير : ييي والله تاخر وكت
دانيه : منير شكرا
منير : ع شنو
دانيه : ع هل طلعه والله جنت حيل ضايجه
منير : لا عيني تره ماسوي شي بدون مقابل
من منير كال ماسوي شي بدون مقابل تذكرت محمد من هذاك المره طلعنه وبعدين من شكرته كال ماسوي شي بدون مقابل اجه ونام بحضني لا اراديا نزلت دموعي
منير : هاي شبيج
دانيه : لا مابيه شي
منير : لعد ليش تبجين
دانيه : اتذكرت شغله
منير : انسي تره ماتسوى
دانيه : يييى
وصلنا للبيت نزلت امي جانت نايمه اني هم بدل ونمت الصبح كعدت جان السبت يعني يوم قبل العمليه اكلنه وخابرنه اهلي وعرفو باجر اسوي عمليه ابوي كلش انقهر و رورو خطيه جانت بس تبجي
دانيه : رورو يمعودة كافي بجي ها وراسليني اريد احجي وياج
رورو : تدللين
دانيه : يلا سيو
سديت المكالمه رورو راسلتني
رورو : هلاو
دانيه : هلا والله 😅
رورو : شونج
دانيه : الحمدلله وانتو
رورو : انكول الحمدلله
داني : رورو صدك بابه شونه خو مامقهور ؟؟
رورو : والله مقهور اكيد
دانيه : رورو فدوة اهتمي ب بابا تمام
رورو : تدللين
دانيه : اكولج عوفي هل سالفه تعاي احجيلي شصار مصار 😉
رورو : شنو قصدج
دانيه : ادري افتهمتي يله احجيلي
رورو : تقصدين احمد مو
دانيه : ييي
رورو : والله دانيه موتني احمد
دانيه : ليش ولج شسوه ؟!
رورو : ولج الصبح كلهم طلعو بقينا بس اني و ايه
دانيه : ييي
رورو : لبست تيشيرت ام ردن ويا برموده كلت ماكو احد بالبيت
دانيه : ييي
رورو : وغسلنه البيت ويا ايه اخر شي وصلت للحوش كل لايه هي تروح تسبح حتى من اكمل اني هم اسبح ونقره المهم هي راحت تسبح
دانيه : ييي
رورو : واني جنت اغسل الحوش رجع احمد ودخل للبيت من شافني تخبل وكال فوتي للبيت
دانيه : ييي شصار
رورو : دخلت للبيت وهو اجه ورايه جرني من ايدي وكرصني حيل توجعت وصيحت
رورو تروي القصه :
رورو : اخخخخخ احمد ايدي شبيك
احمد : شبيه وتسئلين شبيه
رورو : احمد فدوة ايدي
احمد (بصياح ): شنو هل اللبس
رورو (دمعه بعينها ) : احمد والله ماكو احد بالبيت وماجنت اعرف راح ترجع والله محد شافني بهل اللبس غير ايه
احمد : استغفر الله ولج انتي ثوله لو تنثولين
رورو : ليش
احمد : تعالي . اخذني لعند النافذه ورفع راسي شفت العمال يشتغلون بالبيت المقابيل
احمد : وتكولين محد شافني
رورو : احمد والقران هسه شفتهم
احمد : ليش عميه حتى ماتشوفيهم
رورو : وداعتك ماشفتهم
___
رورو : دانيه والله من الصدمه ماكدرت احجي شي وهسه ماعندي وجهه اباوع عليه 😭💔
دانيه : ياي خرب يومج
رورو : ولج خربان من زمان
دانيه : رورو حاولي تبتعدين منه ولاتقبلين يتقرب منج ه وبعد لل تقبلين يصرخ عليج لو يكرصج لان اذا هسة هيج يسوي باجر من تتزوجون راح يضربج
رورو : اي والله اني هم اريد اخلي حد
دانيه : ازعلي منه
رورو : و شون
دانيه : ابد لا تباوعي عليه ومن يباوع عليج ضوجي روحج عساس زعلانه
رورو : تمام
دانيه : رورو عمري اروح اكل لان جعت
رورو : تمام اخذي راحتج وبلعافيه مقدما
دانيه : الله يعافيج سيو
حضرنه الاكل واكلنه ونمت مدري شبيه بس انام 😅 العصر كعدت الكل جانو بالحديقه رحت لعندهم كعدنه نسولف وبعدين ( طبعا خالي بس عنده منير )
قررنا الفطور اني ومنير نحظره كمنه رحنه للمطبخ
منير : ها شيف شنسوي اليوم
دانيه : صاج لو بيتزا ؟!
منير : صاج
دانيه : يله نبدي
حضرنه الصاج اكلنه طبعا امي ومرت خالي ابد ميقبلون اغلس المواعين لمينه السفره امي غسلت المواعين وام منير جانت تنضف البيت ومنير طلع ويا صحابه واني وخالي جنه نباوع ع تلفزيون
ابو منير : باجر تسوين عمليه مو
دانيه : يي خالوو
ابو منير : خايفه
دانيه : شوين
ابو منير : لاتخافين بنتي انيت سباعيه
دانيه : فديتك خالو
حضنته حسيت ابوي جنت حيل مشتاك لابوي كمت رحت لغرفتي خابرت ابوي حجيت وياهم واخر شي حجيت ويا رورو
دانيه : رورو وحدج بلغرفه مو
رورو : ييي
دانيه : رورو باجر راح اسوي عمليه
رورو : ادري عمري وان شاء الله تنجح واشوفج تحلا ام
دانيه : رورو سمعيني زين
رورو : خير شكو
دانيه : رورو اذا صارلي شي
رورو : استغفرالله شهل الحجي
دانيه : سمعيني
رورو : تمام
دانيه : اريد منج وعد اذا صارلي شي تنطين ابني لمحمد وعندي دفتر مذاكره هم تنطينها لمحمد اوك
رورو : ليش ؟؟؟
دانيه : لان ماريد ابني ينحرم من ابو وامه اذا اني بقيت راح ينحرم من ابوو واذا متت ينحرم من امه وبس
رورو : لا سامح الله ان شاء الله ماتصيرلج شي
دانيه : المهم وصيتج اني وكافي لاتبجين
رورو : دانيه سؤال
دانيه : جواب عمري
رورو : بربج شنو كالت الدكتورة ؟؟
دانيه : رورو والله الدكتورة كالت ابنج مكمل واكو مي بالصدره اذا يبقى راح يختنگ لازم وتسوين عمليه
رورو : يعني مكالت حياتج بخطر
دانيه : لا والله عمري اصلا بالعكس حياة ابني بالخطر
رورو : دانيه خايفه اخسرج
دانيه : تفففف يمعودةهسة لازم اني اخاف وانتي تواسيني اشو بالعكس
رورو : دانيه مشتاكتلج
دانيه : يعمري انتي فترة وارجع حبي
حجيته ويا لحد ساعه ١١ سديت المكالمه كعدت اكتب بدفتري
---------------
هلاو عمري تدري باجر راح اصير ام
راح اصير ام وانت تصير اب
يعني راح نصير 3 نكون عائله صغيره
تدري اتمنى اتمنى باجر تكون وياي
بس شنسوي بعد القدر فرگنه
تمنيت هسه اكدر اراسلك واحجي كلشي بگلبي
واحجيلك فراگ شسوه بيه
فراگ شكد ذلني وعذبني
احبك ابو امير 😅💔
--------------
(طبعا كلما جنت اشتاك لمحمد جنت اكتبها بالدفتر ومن اضوج وانقهر كلشي جنت اكتب ) نمت الصبح كعدت حظرت غراضي ورحنه للمستشفى بهل اللحظه تمنيت محمد تكون وياي دخلت لغرفه عمليات خلو البنج ع حلگي وغفيت
_________________________
