ماذا اسميك🙃✋ اخاف ان اسميك الفجر فيطول ليلي حتئ تأتي اخاف ان اسميك شمسي فتغيب سريعا 🤷♀️ اخاف ان اسميك الشتاء فلا اشبع من مطرك🥺 اخاف ان اسميك الربيع فيأخذني الخريف منك سريعا اخاف ان اسميك القمر فلا يصل يدي إليك اخاف ان اسميك امنيه فلا تتحقق الابالاحلام إذا سميتك حبيبي وعمر حياتي وكياني لتبقئ طوال العمر في قلبي💓🥺
-----------------------------------------------------------
كمت سبحت وبدلت ماشسورت شعري حتى محمد مايكعد رحت للمطبخ وبديت احضر الريوك اجتي ام اسراء
ام اسراء : صباح الخير
دانيه : صباح النور عمه
ام اسراء : الريوك جاهزه
دانيه : شويه وتصير جاهزه
ام اسراء : تمام استعجلي . (اشتغل يم ابوها 😒 )
هي راحت واجتي بنتها ادري ماخذين دوام وحده تجي وحده تروح 😂🤦🏻♀️
دانيه : صباح الخير
اسراء : محمد وينه
دانيه : بعده نايم
اسراء طلعت من المطبخ عرفت راح تروح لعند محمد
اني لحكتها وصلت لعند الغرفه ماقبلت تدخل للغرفه
دانيه : ها وين ؟
اسراء : اكعد محمد
دانيه : عيني اني مرته وهاي شغلتي
اسراء : مو شفتج مشغوله كلت خلي اني اكعدها
دانيه : عوفي ينام خطيه ضل سهران بليل 😉
اسراء : وليش 😡
دانيه : من تتزوجين تعرفين ليش 😏
اسراء تعصبت وراحت واني دخلت للغرفه وكعدت محمد
دانيه : محمد محمد محمد
محمد : هممم 😴
دانيه : گوم اتريگ ويانا
محمد : دانيه مو كلت نعسان لاتكعديني
دانيه : بس اني اريد تگعد 😕
محمد : ليش
دانيه : مامتعوده اتريك وانت ماموجود 🥺.(ماحبيت يبقى بلغرفه خفت اسراء مره ثانيه تحاول تدخل للغرفه ويقترب من محمد )
محمد : ماصدكت بس يلا ابدل واجي
دانيه : تمام لاتتاخر
رحت للمطبخ طفيت الجاي وحضرت السفره كعدنه ناكل اسراء جانت ضايجه وكل دقيقه اتباوع عليه وتغزرني واني جنت اضحك
اسراء : دانيه انتي محجبه 😒
دانيه : ييي عمري
اسراء : لعد ليش البارحه مالبستي حجاب 😒
دانيه : حبيبتي زوجي موجود وهو الي يحاسبني مو انتي
محمد : اني قبلت ماتلبس
اسراء : 🤐
محمد تروي القصه : من يوم الي اجتي اسراء وامه واسراء كل دقيقه تذب حجي لدانيه وهي مرات تجاوبها ومرات اني اجاوبها بس هاي البنيه ابد مو راحه خاف تسوي شي .الصبح جنت نعسان وكلت لدانيه ماتكعدني بس هي كعدتني ادري اسراء حاجيه شي بس دانيه ماتريد تحجي ومن جنا ناكل اسراء جانت كل دقيقه اتباوع على دانيه وتغزره مبين عليها ضايجه واكيد راح تحاول تسوي شي لدانيه كملنا الاكل دانيه كامت تغسل المواعين والحجيه وعمتي واسراء كعدو بغرفه الضيوف يحجون واسيف جان بغرفته رحت لعند اسيف
محمد : احم اي اسيف اريد احجي وياك
اسيف : تفضل محمد احجي شكو ؟؟
محمد : اسيف اني ابد مامرتاح
اسيف : تقصد من ورا اسراء مو ؟
محمد : ييي
اسيف : والله اني هم مامرتاح خاف تسوي شي لدانيه من الصبح وهي بس تغزر دانيه اكيد راح تسوي شي
محمد : اسيف لازم مانخلي دانيه تبقى لوحده
اسيف : اي محمد كلامك صحيح
محمد : والظهر من 2 اني عندي دوام لازم اروح للصيدليه هاي شلون ؟؟
اسيف : واني سادس لازم اقره
محمد : شنسوي
اسيف : نخابر اخوي وشهد يجون يبقون يومين يمنه ؟؟
محمد : اي كلش زين هيج
محمد 📞 : الووو سلام عليكم
ابو منير : عليكم السلام هلا حمودي شلونك
محمد : والله الحمدلله خويه وانت
ابو منير : الحمدلله
محمد : ابو منير اليوم انتو معزومين يمنا
ابو منير : والله حمودي اني بلشغل وللمغرب مارجع
محمد : عادي هسه اني اروح اجيب شهد وانت المغرب تعال
ابو منير : تمام
محمد : هسه اخابر شهد اكيد راح تجي لان بيت عمتي هم موجودين
ابو منير : تمام براحتك
سديت المكالمه وخابرت شهد
محمد 📞 : الوو سلام عليكم
ام منير (شهد) : عليكم السلام
محمد : شهد شلونج
شهد : والله الحمدلله وانت شلونك دانيه شونه
محمد : الحمدلله اكول
شهد : يي عيني كول
محمد : انتو اليوم معزومين يمنا
شهد : حمودي والله ابو منير مو بلبيت
محمد : عادي اني اجي اخذكم والمغرب اخوي يجي
شهد : تمام بس شنو المناسبه اشو هاي اول مره انت تخابر وتعزمنه
محمد : والله صراحه بيت عمتي ام اسراء موجودين
شهد : ييي
محمد : واحس اسراء مخططه لشي من الصبح بس تغزر دانيه واني الظهر اروح للشغل واسيف عنده دراسه ماريد دانيه تبقى لوحدها
شهد : يي صحيح حقك هاي اسراء ابد مو راحه لشوكت يبقون ابيتكم ؟؟
محمد : والله لحد ابو اسراء يرجع من التركيا يعني اكثر من شهر
شهد : يبوو
محمد : اي والله عود حضري نفسج هسه اجي واخذكم
شهد : تمام
سديت المكالمه ارتاحيت شويه رحت لعند دانيه جانت بلمطبخ تحضر اكل
محمد : دانيه اكولج
دانيه : كول
محمد : عزمت بيت اخوي ابو منير وهسه اروح اجيبهم
دانيه : اممم تمام هلا بيهم
بهل لحظه اجتي اسراء
اسراء : محمد تروح لعند بيت اخوك
محمد : اي اروح اجيبهم
اسراء : واني هم اجي لان ضايجه بلبيت
دانيه : 😡
محمد : اول شي اروح لعند صديقي عندي شغله وياه وبعدين اروح لبيت اخوي
اسراء : امممم 🙄
دانيه : اي اكيد تضوجين من البارحه وانتي كاعده بمكانج ماتتحركين تعالي اكعدي يمي نحجي شويه نتونس 😒
اسراء : تمام
محمد : دانيه اني رايحه محتاجه شي
دانيه : لا سلامتك
محمد : الله يسلمج . طلعت ورحت
اسراء : اساعدج بشي
دانيه : اثرمي الطماطه
اسراء : دانيه تدرين الشامه الي على ظهر محمد كلش حلوو 😏
دانيه (بعصبيه ) : انتي ماتستحين شبيج انتي خلص كافي محمد اتزوج لشوكت تريدين تلحكينه عوفينه لحالنه
اسيف : دانيه شكو شصاير ؟😕
دانيه : ماكو شي . ماتحملت نزلت دموعي رحت لغرفتي قفلت الباب حيل ضجت حسيت صاير شي بين محمد واسراء لان محمد كلش يضوج من اسراء واصلا اسراء شلون عرفت محمد عنده شامه على ظهره واني صارلي 6 اشهور مرته وماعرف ضليت ابجي لحدما سمعت صوت الجرس الباب مسحت دموعي وغسلت وجهي رحت لغرفه الضيوف سلمت عليهم ورحت للمطبخ احظر الاكل بس جنت حيل ضايجه اجتي ام منير
شهد : هلا دانيه عمري شلونج
دانيه : الحمدلله ام منير وانتي
شهد : الحمدلله ولج كافي لاتكولين ام منير كولي شهد 😂
دانيه (بضوجه ) : ههه تمام 😔
شهد : دانيه شبيج ؟؟
دانيه : راسي توجعني شويه
شهد : متاكده ؟؟
دانيه : ييي
حظرنا الاكل وخلينه السفره كعدنه ناكل بلكوه اكلت شويه وكمت احضر الجاي
دانيه : الحمدلله
الحجيه : بنتي ماكلتي شي
دانيه : شبعت اصلا ماجانت جوعانه
محمد باوع عليه باستغراب رحت للمطبخ خليت الجاي علنار وكعدت بلمطبخ جنت حيل ضايجه بس لو ادري اسراء شلون عرفت محمد عنده شامه علظهره اووف صارت الجاي اخذتها خليتها كدام الحجيه الكل كملو بدينا نلم السفره كملنا ردت اغسل المواعين شهد ماقبلت كالت اني واسراء نغسلها رحت لغرفتي دخلت للحمام ردت اسبح اجتني الدوره بلكوه كملت طلعت من الحمام مشطت شعري وتمددت من الوجع ماجنت اكدر اتحرك انفتح الباب ودخل محمد اجه وكف كدامي
محمد : شبيج 🤨
دانيه : مابيه شي
محمد بصراخ : دانيه احجي شبيج من الصبح مطنكره
دانيه : اكول مابيه شي ماتفتهم
محمد : ويطبج مرض بس مو صوجج صوجي اني انطيتج وجه وصرتي اطولين لسانج 😡
