اشتقت اليك ولكنها 💔
ليست المره الاولى🤷
بل هي عادتي في كل🙂
يوم ولكن بصمت 🤫
------------------------------
مر 8 شهور ومحمد يتصرف ويايه بهل حاله كلش ضجت وتعبت شكد ماحاول يرجع مثل قبل مايفيد وصرت اخاف منه لانو صاير كلش عصبي وماكدر احجي شي ويا كلشي يكوله لازم انفذها كلش تغير ويوم وره يوم يصير اسوء
_
اليوم الاربعاء الصبح كعدت من نوم سبحت ورحت احضر الريوك طبعا اليوم اخوات محمد يجون ام منى وام احمد حضرت الاكب كلنا انشغلت بشغل سمعت صوت الباب لبست حجاب اجوي بيت ام منى رحبت بيهم كعدنه بصاله ورا شويه اجوي بيت ام احمد سلمت عليهم وبست ام احمد اجه احمد سلم عليه واني جاوبته وبسته (هو صغير عمره 9 وكلش حباب ) ورحت للمطبخ احضر الاكل
ام منى : هلاو دانيه شونج
دانيه : هلا ام منى الحمدلله وانتي
ام منى : والله الحمدلله اساعدج
دانيه : لا عيني روحي ارتاحي
ام احمد : دانيه حياتي وين اخلي الغراض
دانيه : جيبي اني اوديها
اخذت الغراض وخليته بغرفه الحجيه من طلعت من الغرفه اجه محمد
محمد : ليش بستي احمد 😡
دانيه : ليش شكو بيها ؟😕
محمد : شكو بيها بعدين اني اعلمج
من محمد كال هيج كلش خفت لان اكيد راح يعاقبني رحت للمطبخ وحضرنا الاكل واكلنا المهم صار اليل ابو احمد وابو منى رجعو لان عندهم شغل والبنات قررو ينامون يم الحجيه اني هم كلت انام يمهم اولا محلوو اعوفهم لحالهم وثانيا حتى محمد مايعاقبني
فرشنا بغرفه الحجيه وكعدنه نسولف صار الساعه 1 محمد اجه
محمد : ماناوين تنامون
ام احمد : حاليا لا
محمد : دانيه ماتجين تنامين 🤨
دانيه : ااااا راح اناام يم البنااات
محمد : يمه اني تزوجت حتى مانام وحدي معقول هسه انام وحدي 😌
الحجيه : اكيد مامعقول دانيه كومي روحي لعند زوجج
محمد : يله دانيه كدامي
كلش خفت لان ادري هسه محمد يعاقبني دخلنا للغرفه محمد قفل الباب وتقربب مني واني تراجعت لحد ما صرت علحايط وهو سحلني
محمد : صارلي ساعه انتظرج ليش ماجيتي 😡
دانيه : ررردتتت انام يم البنات
محمد : اخذتي مني اذن 😡
دانيه : اااسفه ولله نسيت
محمد : وليش بستي احمد
دانيه : محمد تره احمد صغير
محمد : لا مو صغير وحتى لو صغير ليش تبوسي 😡
دانيه : شكو بي
محمد : لج شنو شكو بي انتي متزوجه ولج اني زوجج ماقبل اشوفج تبوسين ولد اغار افتهمتي
دانيه : تمام والله بعد مابوسه
محمد : ولج اكسر راسج لو تعيدينها
دانيه : محمد شعري فدوه
عاف شعري وراح تمدد عالجربايه جان حيل متعصب صراحه شكله كلش يخوف من يتعصب واني هم رحت تمددت ونمت الصبح كعدت سبحت ورحت للمطبخ احضر الريوك شفت ام منى كاعده
دانيه : صباح الخير
ام منى : صباح النور
دانيه : شعجب كاعده ؟
ام منى : والله منير جان يبجي جوعان كمت سويت حليب وماجاني النوم كلت احضر الريوك
دانيه : اها تمام
ام منى : دانيه اسئلج سؤال بس جاوبيني بصراحه
دانيه : تمام جواب ؟
ام منى : انتي ومحمد متعاركين مو
دانيه : لا بس هو....
ام منى : تره مبين عليكم من البارحه محمد متعصب وانتي متوترة
دانيه : ييي صحيح
ام منى : سمعيني دانيه اني مادري ليش متعاركين بس اخوي حيل ضايج ومتعصب ومتغير صحيح صارلي يوم واحد اهنا بس حسيت بي اريد انصحج بشي اخوي محمد كلش عنيد وانتبهي زين لاتكسري كلبه والله لو تكسرين كلبه مستحيل يرجع مثل قبل وياج وتدرين هو شكد عنيد يعني اذا تعاند كلشي يسوي لاعبالج لان يحبج مستحيل يعوفج يمكن مايعوفج بس يتزوج عليج واني اذا ماعرف شي ماحجي هيج فحاولي تراضي احسنلج تره كلشي يسوي اخوي انتبهي زين وافتهميني
دانيه : شنو شنو يعني برأيج يوصل لدرجه يتزوج عليه ؟؟
ام منى : والله الرجال من يعاند كلشي يسوي .
من سمعت حجي ام منى كلش خفت وضجت يعني معقول يوصل لدرجه يتزوج عليه لا ماراح اقبل راح احاول اراضي محمد مستحيل ماقبل يتزوج غيري ..
حضرنه الريوك والكل كعدو اكلنا وغسلنا مواعين وضلينا نسولف لحد ما صار وكت الغده صبينه الاكل واكلنا البنات ماقبلو اغسل المواعين رحت للغرفه محمد جان يتحضر حتى يروح للدوام
دانيه : محمد اكول
محمد : كولي
دانيه : بما انو اخواتك اهنانه وامك ماتحتاجني ليش ماتوديني لبيت اهلي صارلي اسبوع مرايحه
محمد : هسه اوديج ؟
دانيه : ايييي
محمد : وشوكت ترجعين
دانيه : انت التقرر شوكت ارجع
محمد : امممم بدلي بسرعه ماريد اتاخر ع دوام
دانيه : تمام
بدلت ومحمد وداني لبيت اهلي هو بلباب سلم عليهم وكال عنده شغل وراح واني دخلت للبيت وضليت اسولف ويا امي جنت كلش مشتاقلهم صار المغرب ابوي رجع من الشغل سلميت عليه وبست ايده وجنت اساعد امي نحضر السفره وره شويه رجع محمد سلم ع اهلي وكعدنه ناكل كملنا غسلت المواعين ورحت كعدت بصاله يم اهلي ومحمد
داني : محمد انت تدخن نركيله
محمد : اي بس قليل
داني : ها ام لسان مو جنتي تكولين من اتزوج ماقبل من زوجي يدخن نركيله
دانيه : هههههه جان قصدي ماقبل زوجي مثلك كل يوميه يدخن نركيله بس محمد كلش قليل يدخن
داني : المهم يدخن . محمد هسه اسويلك نركيله تخبل
محمد : تسلم بس والله لازم نرجع لان عدنه ضيوف
داني : يعني مابي مجال تضل شويه
محمد : لا والله لازم نروح يلا دانيه نكوم
دانيه : تمام
محمد : ابو داني من رخصتك بس والله عدنه ضيوف
ابو داني : لا عادي ابني مرخوص الله وياك
رجعنا للبيت جان ساعه 9 دخلت لغرفتي بدلت ورحت للصاله الكل جانو موجودين
الحجيه : دانيه شوكت نفرح ونشوف جهالج
دانيه : حجيه بعد وكت
الحجيه : محمد يعني بعدكم مامفكرين شوكت تفرحوني
محمد : يمه خلي بنتي تكبر وافكر 😒
محمد من كال بنتي جان يقصدني لان كلمرة يكولي انتي صغيره وبنتي
الحجيه : والله ماعرف شكولك ابني
صار الساعه 11 واخوات محمد راحو واني جنت كلش تعبانه نضفت البيت ورحت لغرفتي كبل نمت الصبح كعدت حضرت الريوك ومثل كل يوم ماجان اكو شي جديد لحد ساعه 12 الحجيه صاحتني رحت لغرفتها اشرلتي اسد الباب سدتها ورحت كعدت يم الحجيه
الحجيه : دانيه شبيكم انتي ومحمد
دانيه : مابينه شي حجيه
الحجيه : شلون مابيكم شي صارلكم فتره كلش متغيرين محمد 24 ساعه متعصب وانتي ساكته ومتوترة كلت يله شي بسيط تحلو بينكم بس هاي صار جم شهر وانتو هيج شبيكم احجيلي
دانيه : حجيه ماكو شي مجرد شي بسيط احنا نحله سهله
الحجيه : دانيه احجيلي الحقيقه شكوو
جنت استحي احجي بس الحجيه كلش لحت انجبرت احجي كلشي
دانيه : والله حجيه محمد كلش متغير عليه وصاير بس يامرني ويتصرف ويايه وكاني خدامه عنده
الحجيه : وليش هيج يتصرف وياج اكيد مسويه شي ؟؟
دانيه : ييي
الحجيه : وهو ؟
ضليت ساكته استحي اكول لان ماقبل يتقرب مني الحجيه تعصبت وصاحت
الحجيه (بصراخ ) : ولج احجي شكوو
دانيه : لان كلما محمد جان يتقرب مني جنت ارفضها
الحجيه : شنو شنو شنو
دانيه : ماجنت اقبل محمد بتقرب مني 😔
الحجيه : يعني محمد ابد مامتقرب منج
دانيه : بس اول ليله
الحجيه : شنو ولج انتي شلون بشر لج ذره عقل ماعدج شلون تسوين هيج ماتخافين تخسرين زوجج ولج شلون تحرمين ابني منج ياثوله والله هسه لو ابني يتزوج عليج مامعنها واكول حقها ليش ابني شبي ناقصه شي ليش ترفضينها ؟
دانيه : لا ماناقصه شي 😔
الحجيه (بصراخ) : لعد ليش ماترضين يتقرب منج
دانيه : حجيه والله استحي واخاف
الحجيه : لج من صدك انتي صغيره محمد حقه من يكول عنج طفله بنتي شنو تستحين هو زوجج وحلالج مايصير تمنعينها منج ولج لو تضلين هيج راح تجبرين محمد يتزوج عليج
دانيه : لا مستحيل
الحجيه : والله ماكو شي مستحيل لو تضلين هيج راح يتزوج عليج
دانيه : حجيه يعني شسوي حتى مايتزوج عليه ؟؟
الحجيه : لا تمنعينها منج
دانيه : بس هو هسه يعاملني مثل الخدامه وابد ماينطيني مجال حتى احجي وياه
الحجيه : هو اكيد ضايج ومتعصب منج كلش وحقها هم المهم انتي حاولي تراضينها
دانيه : تمام حجيه
الحجيه : يلا كومي روحي لعند ابني
طلعت من غرفه الحجيه واني افكر بحجي الحجيه مستحيل ماقبل محمد يتزوج عليه دخلت للغرفه محمد جان متمدد عالجربايه ويلعب بموبايل تمددت يمه نزلت دموعي
دانيه : محمد مو كافي تره والله تعبت ماكدر اتحمل صعبه والله 😭
محمد : شبيج دانيه ليش تبجين
دانيه : كافي اني مامتعودة على هذا محمد الي يريدني خدامة الة اني اريد محمد قبل الي يحبني ومن جنت اتعصب جان يراضيني بليز ارجع مثل قبل
محمد : انتي الاختاريتي 🤨
دانيه : اووف 😔 . حضنت محمد وبقيت بحضنه
محمد : دانيه كومي
دانيه : ماا
محمد : اكولج كومي
دانيه : مو جنت تنام بحضني صار دوري انام بحضنك
محمد : دانيه اخر مره اكولج كومي
دانيه : محمد اريدك احتاجك اريد ابقى بحضنك اريد احس بامان وانام مرتاحه مو تكول عني طفله واني بنتك اريد انام بحضنك انت زوجي وحلالي ومن حقي انام بحضنك
محمد : واني زوجج ومن حقي اتقرب منج
دانيه : امممم محمد بس هلمره خليني انام بحضنك
محمد : تمام
محمد حضني وباسني من راسي نمت بحضنه الصبح كعدت فرحت كلت تصالحنه بس طلعت غلطانه محمد ضل ع نفس حاله قبل مر اسبوعين واني احاول اراضي محمد بس مايفيد اليوم الجمعه محمد ماعنده دوام الحجيه واسيف من صبح راحو لبيت ابو علاء وكالو يبقون هناك واني ماكعدت محمد جنت خايفه اكعدها ويتعصب
