الدنيا لن تقف يوماً على أحد
فلا تشد قبضتك على من يحاول الخلاص منها
ولا تتمسك بمن لا يعرف قيمتك
فقدرك أكبر من ذلك
وقلبك لا يستحق منك أن تعلقه بمن لا يريدك
وكرامتك أغلى من أن تستجدي الراحلين عمداً
واعلم أنك ستكون بخير بقربك من الله
و ليس بقرب أحد أو ابتعاده !
-----------------------------------------
فديتكم لاتنسون التصويت والتعليق بليز قدرو تعبي احبكم
-----------------------------------------
محمد : زين باعي بعيني وكولي ماريدك وعد اعوفج
دانيه : ماريدك
محمد : تمام . باجر اوديج لبيت اهلج
دانيه : وليش مو هسه
محمد : ماكدر هسه اريد انام يله تعاي ننام سوه ع نفس جربايه لاخر مره 😅💔
لزم ايدي ودفعني ع جربايه تمددت وجنت اباوع ع محمد باستغراب كلش تغير شبي اجه تمدد وخله راسه ع صدري
دانيه : وخر محمد
محمد : دانيه هاي اخر مره انام بحضنج بعد ماراح اتشوفيني ولا انام بحضنج بس اتحمليني هل ليله
دانيه : امممم
لزم ايدي وخله ع شعره ومحجى شي افتهمت قصده العب بشعره بديت العب بشعره لحدما نمت
الصبح كعدت محمد جان كاعد يباوع عليه
محمد : صباح الخير
دانيه : صباح النور ساعه شكد ؟!
محمد : 10
دانيه : من شوكت كاعد ؟!
محمد : من 8
دانيه : لعد شعجب بعدك بالفراش
محمد : جنت اباوع عليج وانتي نايمه
دانيه : امممم
محمد : كومي حضريلي اكل جوعان
دانيه : اوك
كمت سبحت وبدلت طلعت مشطت شعري بس مانشفته رحت للمطبخ وبديت احضر الاكل ومحمد دخل للمطبخ وجان بس يباوع عليه ابد مايحجي
دانيه : محتاج شي ؟
محمد : اي
دانيه : وهو ؟؟
محمد : ها لا ولاشي
محمد طلع من مطبخ واني استغربت شبي حضرت الاكل كعدت الكل وكعدنه ناكل كملنه غسلت المواعين
محمد : دانيه تعاي للغرفه ضيوف
دانيه : اوك
رحت للفرفه الضيوف سيف والحجيه ومحمد جانو موجودين كعدت
الحجيه : ها محمد وهاي اجتي دانيه شكو شصاير مو كلت من دانيه تجي راح اخبركم بشغله
محمد : ها ييي يمه
الحجيه : شكو ابني احجي
محمد : يمه اني و دانيه قررنا
الحجيه : يي ؟!
محمد : راح ارجع دانيه لاهلها
الحجيه و اسيف : شنوووو
محمد : ييي يمه تدرين هلفتره عدنه مشاكل هوايه ومانكدر نتفاهم ف هاذ احسن حل
الحجيه : ابني فكرو زين
محمد : بعد صارت وقررنا
الحجيه : دانيه بنتي ليش
دانيه : حجيه هاذ احسن حل
الحجيه : براحتكم بعد مو بيدي شي
الحجيه نزلت دموعها وحضنتني وهمست باذني
الحجيه : بنتي محمد مايكدر بدونج
دانيه : يكدر حجيه يكدر
محمد : دانيه نروح
اسيف : هاذ من صدك تحجون شبيكم انتو دانيه كلنه اخوي يعاند ومرات يتعصب ويقرر انتي شبيج
دانيه : اسيف مانكدر نكمل
اسيف : دانيه 😕
دانيه : اسيف اني راح اروح يمكن بعد ماشوفك عود اهتم بدارستك تره اهم شي الدراسه . وهمست باذنه ( ورنا تحبك )
اسيف : انجبي شنو هل حجي شنو ماتشوفيني بعد من كل عقلج هيج تحجين راح تبقين ويانا وماتروحين
محمد : اسيف
اسيف : محمد تره راح ادمرون حياتكم
محمد : احنه نعرف احسن
اسيف : براحتكم
اسيف راح واني رحت لغرفتي طلعت ملابسي وحضرت جنطي بدلت وجنت البس الحجاب دخل محمد واجه وكف كدامي
محمد : دانيه وهاي خلصت
دانيه : يي خلصت
محمد : ممكن احضنج لاخر مره ؟
هزيت راسي ب ايي حضني بس حيل قوي لدرجه جنت احس راح تنكسر عظامي بس ماحجيت
تقريبا بقيت خمس دقايق بحضنه عافني ودخل للحمام واني كملت طلع
محمد : نروح
دانيه : ييي
جبت الجنطه
محمد : هاي شنو
دانيه : ملابسي
محمد : لاتاخذي وكلهن رجعيهن لمكانهم الملابس حتى العطر وماشه الشعر كلشي
دانيه : وليش
محمد : خلتبقى يمي
دانيه : تمام براحتك
فتحت جنطه وطلعت ملابس رجعت كلهن لمكانهم كملت طلعنا ودعت الحجيه حضنتني وجانت تبجي واني بلكوه جنت لازمه روحي مابجي ودعت اسيف هو تقرب حظني واني حظنته
محمد : اسيييييف 😡
اسيف : محمد فدوه لربك عوفني دانيه البيت راح تصير فارغ بدونج والله البيت محلوو بدونج لاتروحي لا تهتمي لحجي محمد هو هسة متعصب تره محمد كلش يحبج
دانيه : اسيف لازم اروح اسفه
اسيف : خرب يومكم
اسيف تعصب دخل لغرفته واني ومحمد طلعنا وصلنه لبيت اهلي
محمد : دانيه دقيقه قبل لاتنزلين
دانيه : ها ؟!
محمد : احبج دانيه
-----------------------
بعد ماراح اشوفك ونته تدعيلي
ولاتتغزل بصوتي وتفاصيلي
ولانسهر سوه لحد ما نخلص اليل
وتفز الصبح بشوك تحجيلي
-------------------------
محمد نزل واني هم نزلت دخلنه للبيت سلمنه ع اهلي ومحمد حجه ويا ابوي وكال مانتفاهم ومن هل الحجي ابوي ضاج وامي هم نفس الشي محمد راح واني دخلت لغرفتي بحجه انام بس جذب مانمت ضليت ابجي دخلت امي سويت روحي نايمه
ام دانيه : بنتي ادري بيج منايمه وشايفه الدمعه البعينج كومي فهميني شكو ليش عفتي مو جنتي تحبي
دانيه : يمه فدوه عوفيني اريد انام
ام دانيه : بنتي راح ادمرين حياتج
دانيه : يمه هاذ احسن حل بعد صار وممكن تعوفيني لوحدي اريد انام
ام دانيه : براحتج عمري
راحت امي واني ضليت ابجي لحد ما غفيت (ادري هسة تكولون شكد ثوله لو تحبي ليش تعوفي واني اكولكم لو يحبي مجان يضربني واذا ضليت ويا جان راح يتعود كلمرة يضربني 🙂) كعدت من صوت امي
ام دانيه : دانيه دانيه
دانيه : همممم
ام دانيه : بنتي ساعه ١٢ كومي اكلي
دانيه : يمه نعسانه عوفيني انام
ام دانيه : بنتي كومي اكلي ونامي
دانيه : يمه من اكعد اكل بس والله هسة نعسانه وماشتهي الاكل
ام دانيه : تمام بنتي براحتج
نمت بل 4 كعدت اكلت وبديت انضف البيت كملت وبديت اباوع ع صوري بلسناب وصلت للفيديو الي صورته ويه محمد من طلعنه نزلت دموعي ضليت اباوع ع فيديو المهم ماطول عليكم طفيت الموبايل ونمت جنت كل يوميه اكعد انضف البيت امي تحضر الاكل واني احضر السفره اما رورو مانقبل تسوي شي لان هي عندها مدرسه ونريد بس تهتم برداستها ضليت 3 اشهر ع هل حاله كلش حاولت انسى بس ماكدرت جنت دائما اشغل روحي بشغل لو بطلعات حتى انسى بس ابد ماجنت انسى .
كعدت من النوم امي جانت مسويه تمن وباميه حضرت السفرة كعدنه ناكل اكلت شويه حسيت معدتي كامت توجعني ركضت للحمام وكمت اذب من راسي (اتقيئ) طلعت من حمام
ام دانيه : بنتي شبيج
دانيه : ماكو شي يمه يمكن بردانه شويه
ام دانيه : اشو وجهج صايره اصفر . شوكت اخر مره اجتج الدوره شهريه
دانيه : والله ماتذكر يمكن قبل 3 اشهر بس ليش . شنو يعني معقوله
ام دانيه : داني تعال اخذنه لصيدليه . دانيه بدلي بسرعه
دانيه : تمام
رحت بدلت ورحنه للصدليه سويت فحص الدم وطلعت حامل انصدمت رجعنه للبيت امي كالت لابوي واخوي همه كلش فرحو بس اني ابد مجنت فرحانه كعدت شويه وياهم ورحت لغرفتي نمت العصر كعدت رحت صليت ورجعت تمددت جنت افكر شسوي اذا انطي خبر لمحمد اكيد راح يرجعني للبيت واذا اخفي موضوع باجر عكبها تكبر بطني وراح يعرفون وحرام اسوي اجهاض اصلا ماريد اسوي كلش انقهرت وبجيت ليش حامل ليش ردت اطلع محمد نهائيا من حياتي وهسه هو طلع بس جزء منه موجود ابطني اوووف دخلت امي للغرفه
ام دانيه : بنتي شبيج لي تبجين
دانيه : يمه ماريد الطفل
ام دانيه : شنو ماتردي شنو قصدج
دانيه : يمه ماريد ارجع ماريد وهسة اذا يعرفون بيه حامل راح يرجعوني
ام دانيه : لا بنتي ماراح نخليهم يعرفون
دانيه : يمه شون وهسة اذا نخفي موضوع باجر عكبها تكبر بطني وتبين اكيد راح يعرفون
ام دانيه : بنتي حجيت ويا ابوج من تكبر بطنج راح نروح لخارج
دانيه : صدك
ام دانيه : ييي بنتي لاتخافين ولاتفكرين بشي بس اهتمي بالطفل ولاتنقهرين مو زين ع الطفل
دانيه : احبج يمه
ام دانيه : يله بنتي ارتاحي شويه وباجر راح نروح لعند الدكتور نسويلج فحوصات اوك
دانيه : تمام ماما شكرا عمري
