لو أننا لم نفترق ...
لبقيت بين يديك طفلة''عابثا...
وتركت عمري في لهيبك يحترق....
ف لا تسأل الطير الشريد ..
بأي أسباب رحل ؟؟....
-_-_-_-_-_-_-_-_-_-_-_-_-_-_-_-_-_-_-_-_-_-_-_-
تمددت وجنت افكر بمستقبلي شراح يصير وشون اكدر اخفي موضوع عن محمد صعبه كلش بهل اثناء رورو رجعت من المدرسه ودخلت رورو للغرفه يمكن حجت ويا امي وعرفت كلشي
رورو : كلووووووووش راح اصير خاله دانيه كلش فرحانه فديتج اني
دانيه : هههههههه خرب يومج خوفتيني
رورو : بعد ماراح اخليج تكومين من مكانج جنى المواعين اني اغسلهن ولج اروح فدوه لابن اختي ( وخله ايدها ع بطني )
دانيه : وخر ايدج ماقبل تلمسين ابني هههههه
رورو : دولي والله هذا ابن اختي واني بكيفي شسوي وراح اربيها بيدي
دانيه : لا عفيه ام لسان ماريد تطلع مثلج
رورو : والله الا اربيها بيديه واخلي يشبهني
دانيه : عود جوعانه
رورو : تدللين هسه احضرلج الاكل عود مو الج لابن اختي
دانيه : خرب يومج من هسة بعتيني
رورو : اي عيني يله اروح احضرلج الاكل واصيحج
دانيه : تمام بس بسرعه تره ابني يشهبني مايتحمل الجوع
رورو : اوك ابدل واروح
رورو بدلت وراحت حضرت الاكل هههه فديتها من هسة تحب ابن اختها صاحتني كعدنه ناكل هي هم اكلت لان جانت راجعه من مدرسه مماكله شي
دانيه : رورو تدرين محمد راح يفرح كلش اذا انطيها الخبر
رورو : اممممم بعدج تحبي وتفكرين بيه مو ؟
دانيه : ها اي لا بس هاذ ابنها وهو من حقه يعرف يعني احس بالذنب
رورو : لعد ليش ماتكوليله
دانيه : مو اذا اكله راح يرجعني ويا
رورو : اممم اي ارجعي ويا تره هو يحبج
دانيه : لا مايحبني لو يحبني جان يسئل عليه لو يحاول يرجعني صارلي شهر اهنا وهو لا سال عني
رورو : مادري بعد بس انتي الاختاريتي يرجعج وهو مايريد يضغط عليج
دانيه : لا رورو مايردني هو
رورو : لاتهتمين حبي هسه المهم اهتمي بلي ابطنج واكلي هوايه حتى يطلع ابو خدود
دانيه : ومنو يكول ولد بلكت طلعت بنيه
رورو : لا ولد
دانيه : وشمدريج بعدني مامسويه فحص حتى انب مادري ولد لو بنيه ؟؟
رورو : اولت البارحه حلمت
دانيه : وشنو الحلم
رورو : بالحلمي رحنه للسفره وانتي جنتي مريضه شويه وهنيك اجتي مره جبيره بالعمر ماعرفها وماشايفها اني
دانيه : يييي
رورو : وانطاج خيار وكال هاذ كلش زين الج
دانيه : امممم
رورو : وطلعت تفسير من النت كالت الخيار اذا المره حامل راح اتجيب ولد بس اني ماهتميت لان ماجنت ادري انتي حامل
دانيه : اذا ولد راح اسمي امير
رورو : وليش امير ؟!
دانيه : لان هو جزء من محمد واني دائما من محمد جان يفرحني جنت اكول هاذ اميري وهسه محمد ماكو اريد ابني يصير اميري
رورو : امممم دانيه ادري بعدج تحبي ومقهورة وبرأيي الله انطاج ابنج حتى ترجعين لمحمد لان يدري شكد تحبون بعض
دانيه (بعصبيه): اكولج مايحبني وكافي تعيدي وبعد ماريد اسمع اسمه بالبيت خلص اوك
رورو : تمام شبيج تعصبتي
دانيه : مو خبلتيني بس تكولين يحبج ويحبج
ضجت حيل كمت غسلت المواعين ورحت للصاله كعدت شغلت التلفزيون جنت اباوع ع مسلسل
جانت مسلسل تركي الام والاب يلعبون ويا بنتهم عمره 1 تقريبا للحظه تخيلتهم اني ومحمد ونلعب ويا ابنه شكد حلوو بس بعدين تذكرت الواقع ونزلت دموعي قررت اعيش ابني احلا عيشه وماخليه بيوم يحس ماعنده اب رجعت ابوي من شغل سلمت عليه وكعدت يمه
ابوي : شونج بنتي
دانيه : والله الحمدلله بابا
ابوي : هههه بنتي الصغيره راح تصير ام واني اصير جد
دانيه : هههههه اي بابا راح تصير حد
ابوي : بنتي برأيي لاتخفين الموضوع من محمد هاذ ابنه وهو اله حق بيه
دانيه : بابا اني ماريد ارجع
ابوي : براحتج بنتي بس تره حرامات انتي تحرمين الابن من ابو وتحرمين الاب من ابنه
دانيه : احسن بابا بس ماراح اخلي ابني يحس او يحتاج ابوو بحياته
ابوي : براحتج بنتي ماضغط عليج
دانيه : اروح اكعد امي واحمي الاكل لان جوعانه
ابوي : اي والله اني هم جوعان
رحت كعدت امي وحميت الاكل رورو حضرت السفرة كعدنه ناكل
داني : خاله رورو انطيني ماي
رورو : تمام خالو مو تدلل
داني : دانيه من هسه اكولج ابنج اني اربيها واعلمه ع النركيله
دانيه : يبوووو شون اقبل ابني ٢٤ ساعه يدخن نركيله مثلك
داني : اي يدخن نركيله كدام عيونج احسن من يديح وماتشوفي بالبيت
ام دانيه : هاي شبيكم بعده بسم الله
ابو دانيه : اي والله من هسه خبصتونه
كملنه رورو ماقبلت اغسل مواعين هي غسلتها وكعدت تقرا واني جنت العب بموبايل فتحت انستا رحت ع حساب محمد ردت اراسلها لان حيل مشتاكلها فتحت حساب باسم منى حتى محمد مايحس اني وراسلته (هو ع انستا كاتب صيدلاني وناشر صورته وهو بصيدليه )
دانيه 💌: السلام عليكم ممكن سؤال
وره ساعتين
محمد : عليكم السلام اختي تفضلي
دانيه : اني حامل بشهر الثالث اريد حبوب زين حتى يقوي ويكمل طفلي
محمد : دقيقه خيتي
دانيه : تمام
محمد : هاي اسم الحبوب ................... الحبوب كلش زينه للطفل موجودة بكل الصيدليات وحاولي تاكلي الفواكه هوايه لان كلش زين
دانيه : تمام مشكوره
محمد : تدللين
دانيه : سؤال اخر
محمد : جواب
دانيه : هو الطفل ينمو ويتطور بالثلاث الشهور الاوله واني بوكته ماجنت ادري حامل وجان عندي ظروف كلش قليل جنت اكل يتاثر ع طفلي ؟؟ (طبعا كله حجج بس اريد احجي ويا 😅💔)
محمد : اي تاثر شويه بس اذا انتي هسه تاخذين الحبوب وتاكلين الفواكه والخضراوات راح تكمل نقص الطفل اذا عنده اي نقص ولاتخافين لان التوتر والخوف ياثر ع الطفل
دانيه : شكد حلووو الصيدلاني اني هم جنت احب اصير صيدلانيه بس زوجي ماقبل اكمل
محمد : هاذ الشي عائلي ماتخصني وخلصت اسئلتج ؟!
دانيه : كلش عجبتني شخصيتك🥺 ممكن نتعرف
محمد : متزوج اني
وحظرني ياي فديته مايكدر يحجي ويا غيري نزلت دموعي كلش مشتاكلها اتمنى اشوفه واحضنه اووف طفيت الموبايل ونمت الصبح كعدت رحنه للدكتور وكلام رورو طلعت صحيح حامل بولد رجعت للبيت اكلت ونمت
-_-_-_-_-_-_-_-_-_-_-_-_-_-_-_-_-_-_-_-_-_-_-_-
أنا من بعدك أتألم 😔💔
وكل الهم سكن فيني 🙂👆🏻
أخاف أدق و أتكلم 📞😊
صدى صوتك يبكيني😭🤦🏻♀️
+_+_+_+_+_+_+_+_+_+_+_+_+_+_+_+_+_+
بعد مرو 4 شهور يعني بطني هسه صارت 7 وتبين شويه كلما اطلع لعند دكتور البس ملابس جبيره واسود حتى ماتبين الحمل خاف اهل محمد يشوفوني او بيت ابو منير ويعرفون طلعنه جواز اني وامي وبعد اسبوع راح نروح لتركيا لعند خالي ومرته همه عايشين هناك اما ابوي وداني ورورو ميكدرون يجون لان داني عنده كليه وابوي شغله مايكدر يعوفه ورورو سادس . اليوم جنت كاعده اباوع ع انستا شفت ستوري مره توفى ابنه وهي تبجي حيل انقهرت عليه وكعدت ابجي
رورو : دانيه شبيج تبجين
دانيه : لج كاعده اباوع ع انستا شفت ستوري مره تبجي لان ابنه توفى
رورو : يبوووو بعد من هلا ورايح تبدي هاي هم كل دقيقه تبجين والله ليش لان حامل وصارت متعاطفه ومدري شنو خرب
دانيه : تفووو عابتلج ام لسان
رورو : دانيه اكولج
دانيه : كولي
رورو : بس اوعديني ماراح تحجي لاحد
دانيه : اي احجي شكو ولج
رورو : دقيقه
كامت قفلت الباب
