🌹دائرة الانتــقــام 🌹(كرونيك باللهجة التونسية : مكتمــلة )

__💜part 4💜__

___💜💜___

لقات الباب محلول على طولو  ...دخلت تجري خايفة لا تطون صارت حاجة ...بانتلها نادين في القاعة لامة ساقيها لصدرها و تبكي بالصوت...قول تنوح اصل  ،قربت منها و مدت ذراعاتها وقفتها ،مسحت دموعها بكفوفها وهي تقعد على طرف الفرش ،قعدت بجنبها سامية ويدها على اكتافها استناتها لين بدات تهدا وبعد جبدت الحديث  " علاش هذا الكل يا بنيتي ...علاش ها البكاء؟!"

خزرتلها نادين بعين فيها لوم " انت تعرف علاه معرس بيا ؟ قلي تعرف المرا ايلي يحبها وايلي بسببها عرس بيا  ورخصني وطيحلي قيمتي ؟! "

" شو بنيتي في ما يخص علاه عرس بيك ...فاكيد فمة سبب كبير وانا ما نعرفهوش ... و بخصوص  المرا ايلي حبها...ايلي نعرفو... توا عندها خمسة سنين متفارقين والمكتوب وافي وصعيب يرجع ... فاش قام تجبد في حكايات تعدى عليها دهر بربي !؟"

تنهدت من قلبها وهي تتفكر في عينين يحي  مغروسة في فاتن  " كنت تعرفها موش هكا ؟!"

"ايه نعرفها ...أما معادش نتفكرها ونسيتها توا كان تعرضني في ااشارع ماعادش نعرفها "

كانت حاسة ايلي هي تكذب في كلامها ،بالاخير هي تخدم عند يحي و باش تاقف معاه مهما كان... قامت  من بحذاها وهي تركح في شعرها ايلي دخل بعضو و تمسح في وجها " انا ماشية لبيتي ...يعيشك ما يقلقني حد "

خرجت تزرب في مشيتها  ومانساتش باش تسكر الباب معاها وهي تدخل لبيتها ،معادش عارفة شكون تصدق ،تصدق عينها ايلي راتو مركز مع مرت عاطف وعينو باش تخرج من محاجرها ... والا كلامو ايلي قالهولها وكشاكشو الطالعة وهو يأكدلها انو بعمرو مايخمم في مرا موش مرتو !؟ .

تعدات ليلتها تخمام في كلامو و غشو ايلي ماكانتش تتصورو بالطريقة هاكي ،ملا عقل عليها الصراحة  ،كيفاه تخمم بالطريقة هاكي ايلي ماجات شي ...كلامو هو معقول بارشا ...لو جاء عينو في النساء راو يدلل ...وحتى كان عينو في فاتن بالذات راهو عرس بيها قبل عاطف مايوصللها موش يجري وراها وهي مرت غيرو....بها التخمام نجمت ترتاح شوية وتهدي بالها وتغمض عينها تلوج في النوم.

فاقت الصباح بكلها فاشلة ،هبطت شربت قهوتها من غير ماتحكي كلمة مع سامية ،عدات النهار الكل وهي في بيتها ماخرجتش ،ستنات تسمع صوت ساقيه لكن ماسمعت شي ،تعداو ليلتين و هو غايب ماشافتش وجهو بعد الليلة هاكي ،ضميرها بدا يأنب فيها وحست بالغلط ايلي عملتو كي تسرعت وكيفاه تشك فيه باش يبيع مرتو وياخذ مرت راجل اخر  ..بعد ما تشوشط عقلها قررت انها تطلب السماح اول ما تراه ،لكن حتى الليلة هاكي ماجاش .....بكل جدية بدات تقلق وتتحير عليه...

هبطت لسامية تسأل فيها عليه لكن ماعطاتها صرف من عدل " الله اعلم مايقليش وين يخرج والا وين يمشي "