توضيح صغرون 💞 نحب نقول ونوضح راو اي كرو واي رواية والا نوفيلا والا قصة قصيرة راي من كتاباتي اناااا واعوذ بالله من كلمة انا ،بمعنى مانيش ناخذ فيهم من باجات الفايس ونحط هوني ،راني نكتب فيهم انا واذا صدف ولقيتو وحدة منهم في بلاصة اخرى راهو اما انا هبطهم ...اما منقولين باذني ....اما مسروقين
وشكرا للاهتمام 💚🌼🌼
✈✴✴✈
__,💜💜__
ﻭﺳﺎﻋﺖ ﻋﻴﻨﻬﺎ ﻭﺭﻛﺤﺖ ﻟﻴﻨﺎﺗﻬﺎ باش تثبت فيه مليح "ﻭﻱ انا هي ...ﻧﻌﺮﻓﻚ ؟ "
لوى فمو على جنب "ﻳﻤﻜﻦ بارشا ﺗﻌﺮﻑ ﻭﺍﺣﺪ ﻳﺸﺒﻬﻠﻲ"
ﺛﺒﺘﺖ ﻣﻠﻴﺢ فيه وكيف شبهت عليه ، ﻋﻄﺎﺕ ﺷﻬﻘﺔ مسمو عة "ﺍﻧﺖ ﻭﻟﺪ ﺳﻲ ﺍﺳﻤﺎﻋﻴﻞ!؟"
"ﺍﻧﺎ ﺑﻴﺪﻭ"
ﺧﺰﺭﺕ ﻟﻠﺠﺮﺡ ﺍﻳﻠﻲ على جبينو
بفضول كبير تحب تعرفها سبتو ،لكن ماصرحتش برغبتها " ﺍﻟﻠﻪ ﻳﺮﺣﻤﻮ"
" تعيش وترحم ...ﺣﺒﻴﺖ ﻧﺤﻜﻲ ﻣﻌﺎﻙ ﻓﻲ ﺣﺎﺟﺔ ...ﻭﻣﻮﺵ ﺑﺎﺵ ﻧﺎﺧﺬ ﻣن ﻭﻗﺘﻚ ﺑﺎﺭﺷﺎ"
"ﺑﺎﻟﻄﺒﻴﻌﺔ تفضل .... ﺍﺻﻼ ﻟﻴﻮﻡ ﻣﺎﻓﻤﺎﺵ ﺑﺎﺭﺷﺎ ﻣﺮﺿﻰ"
حك لحيتو باحراج " ﺍﻛﻴﺪ ﺳﻤﻌﺖ ﺑﻤﻮﺕ ﺑﺎﺑﺎ ﻭ ﺑﺎﻳﻠﻲ ﺗﻘﺎﻝ ﺑﻌﺪ ﻣﻮﺗﻮ"
"ﻗﺼﺪﻙ ﺍﻟﻄﻔﻠﺔ ﺍﻟﺸﺎﺑﺔ ﺍﻳﻠﻲ ﻛﺎﻧﺖ ﺗﺠﺮﻱ ﻭﺭﺍﻩ"
معلومة جديدة زادت بهتتو "ﺗﺠﺮﻱ ﻭﺭﺍﻩ؟!"
"ﺍﻳﻪ ...ﺍﺣﻨﺎ ﺍﺍﻧﺴﺎء ﻧﻌﺮﻓﻮ ﺑﻌﻀﻨﺎ ، وهي ﻛﺎﻧﺖ ﻃﻔﻠﺔ ﺻﻐﻴرة ﺩﺧﻠﺘﻠﻮ ﺑﻠﻐﺔ ﺍﻧﻬﺎ ﺗﺤﺐ ﺍﻟﻜﺘﺐ ﻭ ﻛﺬﺍ ﻭﺑﻌﺪ ﻭﻻﺕ ﺩﺍﺧﻠﺔ ﺧﺎﺭﺟﺔ ﻋﻠﻴﻪ ﻫﻮ ﻛﺎﻥ ﻳﺤﺸﻢ ﺍﻧﻮ ﻳﻄﺮﺩﻫﺎ ،ﻭﻗﺪﺍﻩ ﻣﻦ ﻣﺮﺓ ﻳﻘﻠﻲ ﻧﻮﺻﻠﻠﻬﺎ ﺍﻳﻠﻲ ﻫﻮ ﻣﻮﺵ ﻓﺎﺿﻲ ﻭﺍﻻ ﻣﻮﺵ ﻣﻮﺟﻮﺩ ،ﻇﺎﻫﺮﺓ ﻋﻴﻨﻲ ﻋﻴﻨﻚ ﺍﻳﻠﻲ ﻣﺎﻛﺎﻧﺶ ﻋﺎﻃﻴﻬﺎ ﻭﻗﺘﻮ"
"ﺑﺎﻫﻲ ﺗﺘﻔﻜﺮﺵ ﺷﻨﻮﺓ ﺍﺳﻤﻬﺎ"
"ﺑﺎﻟﻄﺒﻴﻌﺔ..ماتتنساش ،ﺍﺳﻤﻬﺎ ﻓﺎﺗﻦ ﻭﺗﻘﺮﺍ ﻇﺎﻫﺮﻟﻲ ﻟﻐﺔ ﻋﺮﺑﻴﺔ ﻭﻗﺘﻬﺎ "
ﺷﺎﻓﺘﻮ ﻳﻌﻘﺪ ﺣﻮﺍﺟﺒﻮ و وﺟﻬﻮ ﻳﺪﺧﻦ ،ﺑﻠﻊ ﺭﻳﻘﻮ ﻭﻟﻤﻌﺖ ﻋﻴﻨﻮ بلمعان خوفها عليه " ﻻﺑﺎﺱ؟!...نعطيك كاس ماء"
نفى باشارة من راسو "ﺻﻔﺎ ...ﺻﻔﺎ ...قلي ...ﺍﻧﺖ ﻣﺘﺄﻛﺪﺓ ﺍﻳﻠﻲ ﻫﻲ ...ﻧﻔﺲ ﺍﻟﻄﻔﻠﺔ ﺍﻳﻠﻲ ﻣﻌﺎﻩ ﻓﻲ ﺍﻻﻭﺗﻴﻞ"
"ﺷﻮﻑ ...ﺍﻧﺎ ﻣﺎﻧﻌﺮﻓﺶ ﻭﻣﺎﻧﺠﻤﺶ ﻧﻘﻮﻝ ﻫﻲ ﺑﺎﻟﻀﺒﻂ ﺍﻣﺎ ﻧﺘﻔﻜﺮ ﻣﻠﻴﺢ ﺍﻳﻠﻲ ﻭﻗﺘﻬﺎ.. ﻫﻮ ﻣﺸﻰ ﻟﻤﻨﺘﺪﻯ ﻋﺎﻟﻤﻲ ﻭﺍﻻ ﻫﻮ ﻋﺮﺑﻲ ﻓﻲ ﺍﻻﻭﺗﻴﻞ ﻫﺎﻛﻲ ﻭﻭﺻﺎﻧﻲ ﺍﺫﺍ ﺳﺄﻟﺖ ﻋﻠﻴﻪ،
ﻧﺘﻠﻔﻬﺎ ،ﻭﺣﺘﻰ ﻛﻲ ﺟﺎﺗﻨﻲ ﻟﻠﺒﻴﺮﻭ
... ﻗﻠﺘﻠﻬﺎ ﻣﺎﻧﻌﺮﻑ ﻋﻠﻴﻪ ﺷﻲ .. ﻳﻤﻜﻦ ﺗﻜﻮﻥ ﻃﻠﻌﺘﻮ ﻭﻳﻤﻜﻦ ﻻ..لكن متأكدة ايلي ﺳﻲ ﺍﺳﻤﺎﻋﻴﻞ ﻣﺴﺘﺤﻴﻞ ﻳﻜﻮﻥ ...ﻳﻌﻨﻲ ...ﺍﻳﻠﻲ ﻳﺤﻜﺎﻭﻓﻴﻪ ﻋﻠﻴﻪ ...ﻣﺴﺘﺤﻴﻞ"
أنت تقرأ
🌹دائرة الانتــقــام 🌹(كرونيك باللهجة التونسية : مكتمــلة )
Adventure★الاسم "دائرة الانتقام " ★الكاتبة "نودا " ★"تاريخ اول نشر "2018 " ★النوع "رومنسي، اجتماعي ، اثارة ،انتقام ، عائلي ... ★عدد الفصول " 19 " 🌾☀☀🌾 ★القصة " نادين 🌿 ...السرفورة ايلي خدمتها خلتها سلعة ساهلة في يد كل واحد ...تلقى روحها قدام ص...
