____💜💜____
طاولة اشكال والوان من الماكلة ،تكون جيعان تشبع بالعين برك ،وتكون شبعان تجوع بالوقت ،وقفت نادين بدجين ازرق فااااتح فوقو بيل في التركواز و لبست فوقو جيلاي بيضاء دفت بيها اجنابها... هزت اكمامها وين لمعت منڨالتها الجديدة وايلي كانت اخر هدية من يحي ... ،تفقدت فماش حاجة ناقصة ع الطاولة ..الماء ...المغارف ..السكاكن ،الخبز ،البابياي ...تقريبا كل شي في بلاصتو .
"اوببااااا ولينا نطيبو زادا ونتفننو من فوق "
تلفتت لمعشوق الڨلب ايلي تكلم من وراها ...واتاتو الكوب الجديدة بارشا ، خير ينقص في شعرو ، و يخلي اللحية دوبلاش ظاهرة بعد ما كانت كثة ،حتى جرح جبينو معادش ظاهر كيف قبل ...والا هي ايلي ستانست بيه ، خذات نفس طويل جبدت معاها ريحة البرفانة ايلي عمرو ما يبدلها وقاعد فيدال ليها هي وجال دوشو ،تبسمت رغم نبرة اللوم ايلي حكات بيها " شبيك لتو !؟"
"اووو ههه شبيك لتو ...جيب الخبز .....خلص الضو ....معادش سكر ههه ...واخيرا سمعت ها الاسئلة "
تبسمت وقعدت وهو عمل كيفها " الله غالب انت عندك خدامة للحكايات هاذوما قتلك سيب علينا وايجا نعيشو في كوخ في جبل ...قلت لا "
"هههه اه يادنيا . ....انت باش تنجم تعيش اكاكا ...في جبل وذيوبة تعوي"
"لمعلوماتك ملي انا قد الطرف وانا نجري ونجري وعشت في ظروف ايلي انت ما تنجمهاش والذيوبة تخاف مني "
جبد مغرفة وذاق الشربة " يمكن ...."
"قلي شعملت مع دار النشر " سألتو وهي تقص طرف خبز
"قالولي بيعة مقطعة طيش عليك منو ها الكتاب "
"وه ...." وساعت عينها مفجوعة
ضحك عليها " نفذلك ...قبلوه بالوقت ...فخامة الاسم تكفي يا....."
تبسمت وهي تعرف بلادتو ،وين يحب يشيخ عليها يقلها يااااا.....تستنى كلمة حلوة كيما يا حبي ...ياروحي ...لكن هو يجبد بيها يناديلها باسمها ...واذا تخيلتو يقول اسمها وتمصمص يدها منو يغدرها و يقلها كلمة حلوة ،دخلها في حيط معادش فاهمة اش تتصرف غير انها تتبسملو وتستنى بلادتو..
كملت بلعت ايلي فمها "سامية ليوم قلتلها ترتاح ...لو ترى وجها هههه تقول طردتها ...قلتلها ليلة برك ماتخافش "
"راس راس اناوانت " غمزها وهو يشطح في حواجبو
"لاااااا... استدعيت خولة و رمزي معااانا "
"يلعن....." كبس سنونو يمنع في لسانو يكمل السبة
"وقتلي كاتب ومثقف ...."
"تي علاه تستدعى فيهم نحب نقعد راس راس معاك ...."
"شطحت حواجبها " ...نفذلك ههه ماي كلمتني خولة قاتلي غدوة جايين موش ليوم "
"اوووو....هايل ..." ضرب اطراف الطاولة فرحان
كتمت ضحكة و كملت تاكل الشاهية محلولة ...بعد دقيقتين ظهرلها تحكي "يحي "
أنت تقرأ
🌹دائرة الانتــقــام 🌹(كرونيك باللهجة التونسية : مكتمــلة )
Adventure★الاسم "دائرة الانتقام " ★الكاتبة "نودا " ★"تاريخ اول نشر "2018 " ★النوع "رومنسي، اجتماعي ، اثارة ،انتقام ، عائلي ... ★عدد الفصول " 19 " 🌾☀☀🌾 ★القصة " نادين 🌿 ...السرفورة ايلي خدمتها خلتها سلعة ساهلة في يد كل واحد ...تلقى روحها قدام ص...
